استریاں دے کماں نوں کوئی وی پچھان نہیں سکیا ۔۔11۔۔
اتھے سری چرتروپاکھیان دے تریا چرتر دے منتری بھوپ سنواد دے 385ویں چرتر دی سماپتی، سبھ شبھ ہے ۔۔385۔۔6901۔۔ چلدا۔۔
چوپئی:
بیر کیتُ ناں دا اک راجا سنیندا سی۔
اس دے نگر دا ناں بیرپری سی۔
دن دیپک دے (دیئی) اس دی رانی سی۔
(اہ) چوداں لوکاں وچ سندر منی جاندی سی ۔۔1۔۔
گمانی رائ ناں دا اتھے اک چھتری سی،
جو شوربیر، بلوان اتے اسردھاری سی۔
اہ اک سندر اتے دوجا چتر سی،
جس ورگا کوئی کتے نہیں پیدا ہویا سی ۔۔2۔۔
رانی نے جد اس نوں ویکھیا (تاں اس)
استری نے من وچ وچار کیتا۔
دسو، کہڑا چرتر کیتا جاوے،
جس ڈھنگ نال پری دا سنیوگ سکھ پراپت کیتا جا سکے ۔۔3۔۔
(اس دی) بیر متی ناں دی اک سیانی سخی سی۔
اس نوں رانی نے کنّ دے نیڑے کر کے کہا
کِ گمانی رائ نوں لے کے آ
اتے جویں کویں کر کے (اہ) مینوں ملا دے ۔۔4۔۔
(اس) سخی نے (جا کے گمانی رائ نوں) ساری برتھا کہِ کے سنا دتی۔
جویں رانی (نے کہی سی، اویں) اس نوں کہِ کے سنا دتی۔
جویں کویں کر کے اس نوں الجھا لیا
اتے لیا کے رانی نوں ملا دتا ۔۔5۔۔
(رانی نے) بھانت بھانت دا اس نال رمن کیتا۔
سنیوگ کردیاں ساری رات بیت گئی۔
تد تک اتھے راجا آ گیا۔
تاں (اس) استری نے اس تراں چرتر کھیڈیا ۔۔6۔۔
(اس نے) ہتھ وچ تکھی تلوار لے لئی
اتے لے کے متر دے سر وچ ماری۔
اس دے انگاں نوں ٹوٹے ٹوٹے کر دتا
اتے راجے نوں (اس تراں) کہا ۔۔7۔۔
ہے راجن! چلو، تہانوں اک چرتر وکھاواں
اتے گونس دا درجا پراپت کرن والا (پیر) دکھاواں۔ (وشیش: اجہے پیر جو دھیان-مگنن اوستھا وچ آپنے شریر دے انگ وکھّ وکھّ کر دندے دسے جاندے ہن)۔
راجے نے چرتر بارے کجھ نا وچاریا
اتے (اتھے) اس دے مرے پئے متر نوں ویکھیا ۔۔8۔۔
اس نوں (راجے نے) گونس کتب پیر کر کے منّ لیا۔
(اس) مورکھ نے بھید ابھید نوں نہیں سمجھیا۔
ڈردے ہویاں اس نوں ہتھ نا لگایا
اتے یار نوں پیر سمجھ کے پرت آیا ۔۔9۔۔
دوہرا:
پہلاں اس نال سنیوگ کیتا اتے پھر مار دتا۔
مورکھ راجا اس چھل نال چھلیا گیا اتے بھید نوں وچار نا سکیا ۔۔10۔۔
اتھے سری چرتروپاکھیان دے تریا چرتر دے منتری بھوپ سنواد دے 386ویں چرتر دی سماپتی، سبھ شبھ ہے ۔۔386۔۔6911۔۔ چلدا۔۔
چوپئی:
مارواڑ وچ اک راجا دسیا جاندا سی۔
اس دا ناں چندر سین کہا جاندا سی۔
جگموہن دے (دیئی) اس دی رانی سی۔
(اہ اتنی سندر سی) مانو ودھاتا نے آپ اہ استری گھڑی ہووے ۔۔1۔۔