مانو پیٹ بھرن لئی بھکھے پیاسے (وئکتی) نے پیٹ بھرن دی (اچھا) کیتی ہووے۔
(پھر) منی سر نوا کے سری کرشن دے چرناں وچ بیٹھ گیا
اتے من دے وچار نوں کرشن دے نیڑے ہو کے کہا ۔۔783۔۔
منی نارد جی نے کرشن جی نوں کہا:
سوییا:
اکرور دے پہنچن توں پہلاں ہی سری کرشن دے چرنی پے کے منی نے اہ گلّ سنائی۔
کرشن دا سندر روپ ویکھ کے (منی) آپنے من وچ پرسنّ ہو رہا ہے۔
'بہت سارے سورویراں نوں تسیں یدھّ-بھومی وچ مارو'، اس تراں کہندے ہویاں منی نے بہت شوبھا پراپت کیتی۔
میں بہت سارے ویری گھیر کے آیا ہاں، تسیں شکار کرن وانگ انھاں نوں مار دیو ۔۔784۔۔
تد وی میں تہاڈی اپما کرانگا (جد) تسیں کولیاپیڑ نوں مار دیوگے۔
جدوں مشٹک اتے چنڈور نوں بل پوروک رنگ-بھومی وچ مار دیوگے۔
پھر آپنے وڈے ویری کنس نوں کیساں توں پکڑ کے اس دے پران ہر لووگے۔
بہت سارے ویری مار کے دینت روپ بن نوں وڈھ کے دھرتی اتے سٹ دیوگے ۔۔785۔۔
دوہرا:
نارد کرشن نوں اس تراں کہِ کے ودا ہو گیا اتے پھر من وچ (وچارن لگا)
اتے پھر کہن لگا کِ ہن کنس دی موت دے دن نیڑے آ گئے ہن ۔۔786۔۔
اتھے سری بچتر ناٹک گرنتھ دے کرشناوتار دا 'منی نارد کرشن جی نوں بھید دے کے ودا ہویا' ادھیائ سماپت۔ سبھ شبھ ہے۔
ہن بسواسر دینت دے یدھ دا کتھن:
دوہرا:
آدِ نرنجن روپ سری کرشن گوپیاں نال کھیڈ رہا ہے۔
کوئی (گوپی) بھیڈو، کوئی چور اتے کوئی پہریدار بنی ہوئی ہے ۔۔787۔۔
سوییا:
سری کرشن نے گوالیاں نال برجبھومی وچ بہت چنگی کھیڈ مچائی ہوئی ہے۔
گوال (بالکاں) نوں ویکھ کے تدوں بسواسر چور بن کے انھاں نوں کھان لئی آ گیا۔
سری کرشن دے بہت سارے گوال (بالک) چرا لئے، اس نوں پھر کے سری کرشن نے ویکھ لیا۔
(سری کرشن نے) بھج کے اس دی گردن پکڑ لئی اتے بل پوروک (اس نوں) دھرتی اتے پٹکا ماریا ۔۔788۔۔
دوہرا:
بسواسر دینت نوں مار کے اتے سادھاں دا کمّ کر کے
بلرام اتے گوال (بالکاں) نوں نال لے کے رات نوں گھر آ گئے ۔۔789۔۔
اتھے سری بچتر ناٹک گرنتھ دے کرشناوتار دے بسواسر دینت دے بدھ والا ادھیائ سماپت۔
ہن کرشن نوں اکرور متھرا نوں لے کے چلے:
سوییا:
ویری نوں مار کے جدوں ہی سری کرشن (گھر) گئے تاں اکرور کدھروں چل کے اتھے آ گیا۔
کرشن نوں ویکھ کے اس نے پرنام کیتا اتے من وچ بہت سکھ پراپت کیتا۔
جو گلّ کنس نے کہی سی، اوہی بینتی کر کے (اس نے) آپنے پریم نال سری کرشن نوں پرسنّ کر لیا۔
جس تراں انکش نال ہاتھی نوں موڑ لئیدا ہے، اسے تراں گلاں نال سری کرشن نوں ہر لیایا ۔۔790۔۔
اس دی گلّ سن کے، کرشن جی پتا دے گھر چلے گئے
اتے اہ (ساری) گلّ جا دسی کِ مینوں متھرا دے راجے (کنس) نے ہنے اکرور دے ہتھیں سد بھیجیا ہے۔
اس دے سروپ نوں ویکھدیاں ہی نند نے کہا کِ تیرے شریر دی خیر خیریئت تاں ہے۔
بلرام نے کہا - کاہدی خیر کِ اس تراں (اس نے) بلا بھیجیا ہے ۔۔791۔۔
ہن متھرا وچ سری کرشن دے آگمن دا کتھن:
سوییا:
(اکرور دی) گلّ سن کے گوال (بالکاں) نوں نال لے کے اسے ویلے سری کرشن متھرا نوں چل پئے۔
(بھیٹ کرن لئی) بہت سارے بکرے اتے کاپھی سارا ددھّ لے کے کرشن اتے بلرام نوں اگے کر کے تر پئے۔
انھاں نوں ویکھ کے بہت سکھ پراپت ہندا ہے اتے جنھاں نوں تک کے شریر دے پاپ بھج جاندے ہن۔
(انج پرتیت ہندا ہے) مانو گوالیاں دے سندر بن وچ سری کرشن شیر وانگ لگدے ہون ۔۔792۔۔
دوہرا:
(جدوں) جسودھا نے کرشن دے متھرا جان دی گلّ سنی،