چوپئی:
اس دے مارن دا اکو اپا ہے۔
ہے پربھو! اہ (میں) تہانوں کہِ کے سناؤندا ہاں۔
جے وشنو وی اس نال آ کے یدھّ کریگا
تاں اس نوں وی بھجا دین وچ (اہ) دیر نہیں کریگا ۔۔1538۔۔
اندر اتے بارھاں سورجاں نوں بلا لوو
اتے گیاراں ردراں نوں نال ملا کے دھاوا کرو۔
چندرما، یم اتے اٹھّ بسو (وی نال لے لوو)۔
اس پرکار دی ودھی برہما نے سری کرشن نوں سمجھا دتی ۔۔1539۔۔
سورٹھا:
اہ سارے یودھے یدھّ کرن لئی پرتکھّ تور تے یدھّ-بھومی وچ بلا لؤ۔
آپنی سینا نوں سچیت کر کے کہو کِ اہ وی یدھّ کرن ۔۔1540۔۔
چوپئی:
پھر ساریاں اپچھراواں نوں بلاؤ
اتے اس (کھڑگ سنگھ) دی نزر دے ساہمنے نچاؤ۔
کامدیو نوں آگیا دیو
کِ اس دے چتّ نوں موہت کر لوے ۔۔1541۔۔
دوہرا:
اس سمیں سری کرشن نے اوہی کیتا جو برہما نے سکھیا دتی سی۔
اندر، سورج، ردر، بسو، یم آدک سبھ نوں بلا کے (اکٹھا کر) لیا ۔۔1542۔۔
چوپئی:
تد سارے سری کرشن دے نیڑے آ گئے
اتے من وچ کرودھت ہو کے یدھّ لئی ٹٹ کے پے گئے۔
ادھر سبھ نے مل کے یدھّ مچایا ہویا ہے
اتے ادھر اپچھراواں نے آکاش وچ (ناچ گانے دا) رنگ بنھ دتا ہے ۔۔1543۔۔
سوییا:
اکھاں دے سنکیت کردیاں اہ استریاں (اپچھراواں) نچدیاں ہن اتے سارے دیوتے مل کے گیت گاؤندے ہن۔
بین، پکھاوج، چھینے، ڈپھ (آدک ساز) وج رہے ہن اتے (اپچھراواں) انیک تراں دے ہاو-بھاو وکھاؤندیاں ہن۔
سارنگ، سورٹھ، مالسری، رامکلی، نٹ آدک راگاں نوں وی نال ملاؤندیاں ہن۔
بھوگیاں (ولاسیاں) نوں موہن دی تاں گلّ ہی کی، (اس ناچ-گانے نوں) سن کے جوگیاں دے من وی پنگھر جاندے ہن ۔۔1544۔۔
ادھر آکاش وچ سندریاں ناچ کردیاں ہن اتے ادھر سارے سورویر مل کے یدھّ کردے ہن۔
برچھیاں، تلواراں، کٹاراں آدِ نوں (پکڑ کے) جدوں سارے من وچ کرودھ نوں بھر لیندے ہن،
کوی شیام (کہندے ہن) یدھّ-بھومی وچ دنداں نال ہوٹھاں نوں پینہدے ہویاں آ پیندے ہن اتے ڈردے نہیں ہن۔
لڑ کے اتے مر کے جو کبندھ (دھڑ) اٹھ کے (پھر) ویری نال (یدھّ کردے ہن) انھاں نوں اپچھراواں ور لیندیاں ہن ۔۔1545۔۔
دوہرا:
من وچ کرودھ نوں ودھا کے راجے نے بہت تکڑا یدھّ کیتا۔
ساریاں دیوتیاں اتے (جو) ماڑے دن آ بنے ہن، انھاں بارے کوی کہِ کے سناؤندا ہے ۔۔1546۔۔
سوییا:
(راجے نے) گیاراں ردراں نوں بائی بان اتے بارھاں سورجاں نوں چووی بان مارے ہن
اتے اندر نوں اک ہزار، چھ مونہاں والے (سوامی کارتکے) نوں چھ اتے کرشن نوں پنجھی بان کرودھ کر کے مارے ہن۔
چندرما نوں سٹھّ، گنیش نوں ستر، اتے اٹھّ بسوآ نوں چونہٹھ بان مارے ہن۔
کبیر نوں ستّ، یمراج نوں نوں اتے ہور ساریاں نوں اک اک ہی تیر مارے ہن ۔۔1547۔۔
باناں نال ورن دیوتے نوں ونھ دتا ہے اتے نل، کوبر اتے یم دی چھاتی وچ وی (بان) مارے ہن۔
ہور کتھوں تک (کوی) شیام گنتی کرے، جو وی رن کھیتر وچ سی، سبھ نوں مار مکایا ہے۔
سارے ہی (آپنی جان بارے) شنکاوان ہو گئے ہن، کسے نے وی راجا (کھڑگ سنگھ) ول ویکھیا تک نہیں ہے۔
(انج پرتیت ہندا ہے) مانو یگاں دے انت سمیں 'کلِ کال' پرگٹ ہو گیا ہووے، اہی انھاں نے وچاریا ہے ۔۔1548۔۔
چوپئی:
(سبھ نے) ڈر ودھا کے رن-بھومی نوں چھڈ دتا ہے۔