ਕਬਿਤ ਸਵਯੇ ਭਾਈ ਗੁਰਦਾਸ ਜੀ
ਅੰਗ - 658
ਮਜਨ ਕੈ ਚੀਰ ਚਾਰ ਅੰਜਨ ਤਮੋਲ ਰਸ ਅਭਰਨ ਸਿੰਗਾਰ ਸਾਜ ਸਿਹਜਾ ਬਿਛਾਈ ਹੈ ।
ਇਸ਼ਨਾਨ ਕਰ ਕੇ ਸੋਹਣੇ ਕਪੜੇ ਪਹਿਨਕੇ;ਸੁਰਮਾ ਪਾ ਕੇ ਪਾਨ ਦਾ ਰਸ ਲੈ ਕੇ ਗਹਿਣੇ ਤੇ ਸ਼ਿੰਗਾਰ ਸਾਜ ਕੇ ਸਿਹਜਾ ਵਿਛਾਈ ਹੈ।
ਕੁਸਮ ਸੁਗੰਧਿ ਅਰ ਮੰਦਰ ਸੁੰਦਰ ਮਾਂਝ ਦੀਪਕ ਦਿਪਤ ਜਗਮਗ ਜੋਤ ਛਾਈ ਹੈ ।
ਫੁੱਲਾਂ ਦੀ ਸੁਗੰਧੀ ਅਤੇ ਸੁੰਦਰ ਮੰਦਰ ਵਿਚ ਦੀਵੇ ਦੀ ਜਗਮਗ ਪ੍ਰਕਾਸ਼ ਰਹੀ ਜੋਤ ਲਟ ਲਟ ਕਰ ਕੇ ਛਾ ਰਹੀ ਹੈ।
ਸੋਧਤ ਸੋਧਤ ਸਉਨ ਲਗਨ ਮਨਾਇ ਮਨ ਬਾਂਛਤ ਬਿਧਾਨ ਚਿਰਕਾਰ ਬਾਰੀ ਆਈ ਹੈ ।
ਸੋਧ ਸੋਧ ਕੇ ਸਗਨ ਤੇ ਲਗਨ ਮਨਾਉਂਦਿਆਂ ਮਨ ਭਾਉਂਦੇ ਜਤਨਾਂ ਸਦਕਾ ਚਿਰਾਂ ਪਿਛੋਂ ਵਾਰੀ ਆਈ ਹੈ।
ਅਉਸਰ ਅਭੀਚ ਨੀਚ ਨਿੰਦ੍ਰਾ ਮੈ ਸੋਵਤ ਖੋਏ ਨੈਨ ਉਘਰਤ ਅੰਤ ਪਾਛੈ ਪਛੁਤਾਈ ਹੈ ।੬੫੮।
ਪਰ ਇਹ ਅਭੀਚ ਮਹੂਰਤ ਦਾ ਸਮਾਂ ਨੀਚ ਨੀਂਦਰ ਵਿਚ ਸੁੱਤਿਆਂ ਗੁਆ ਲਿਆ;ਜਦ ਅੱਖਾਂ ਖੁੱਲ੍ਹੀਆਂ ਤਾਂ ਅੰਤ ਨੂੰ ਪਿਛੋਂ ਪਛੁਤਾਈ ॥੬੫੮॥