ਕਬਿਤ ਸਵਯੇ ਭਾਈ ਗੁਰਦਾਸ ਜੀ

ਜਿਵੇਂ ਧੋਬੀ ਸਾਬਣ ਲਾ ਕੇ ਕੱਪੜੇ ਨੂੰ ਪੱਥਰ ਨਾਲ ਕੁੱਟਦਾ ਹੈ ਤੇ ਇਉਂ ਮੈਲੇ ਕੱਪੜੇ ਨੂੰ ਨਿਰਮਲ ਕਰਦਾ ਹੈ।

ਜਿਵੇਂ ਕਿ ਸੁਨਿਆਰਾ ਕਈ ਵਾਰ ਢਾਲ ਤੇ ਕਈ ਵਾਰ ਗਾਲ ਗਾਲ ਕੇ ਅਸ਼ੁਧ ਸੋਨੇ ਨੂੰ ਸ਼ੁਧ ਕਰਦਾ ਤੇ ਕੁੰਦਨ ਬਣਾ ਦਿੰਦਾ ਹੈ। ਤ

ਜਿਵੇਂ ਬ੍ਰਿਛਾਂ ਨੂੰ ਮਿਲ ਮਿਲ ਕੇ ਮਲਯ ਗੰਧ ਵਾਲੀ ਵਾਯੂ ਝੰਜੋੜਦੀ ਹੈ ਤਾਂ ਉਨ੍ਹਾਂ ਨੂੰ ਉੱਤਮ ਚੰਦਨ ਬਣਾ ਦਿੰਦੀ ਹੈ।

ਤਿਵੇਂ ਸਤਿਗੁਰੂ ਸਿੱਖਾਂ ਨੂੰ ਮਾੜੇ ਕਰਮਾਂ ਦੀ ਪੀੜਾ ਦਿਖਾਕੇ ਤੇ ਬਿਬਕੇ ਗਿਆਨ ਦ੍ਰਿੜਾਕੇ ਉਨ੍ਹਾਂ ਦੀ ਮਾੲਆ ਦੀ ਮੈਲ ਕੱਟਕੇ ਆਪਣੇ ਸ੍ਵਰੂਪ ਨੂੰ ਪਛਾਣਨ ਵਾਲੇ ਬਣਾ ਦਿੰਦਾ ਹੈ ॥੬੧੪॥