ਉਹ ਕਿਹੜੀ ਭਗਤੀ ਹੈ ਜਿਸ ਦੇ ਕੀਤਿਆਂ ਤੁਸੀਂ ਭਗਤ ਵਛਲ ਹੋਏ ਹੋ? ਤੇ ਕਿਹੜੀ ਪਤਿਤਾਈ ਹੈ ਜਿਸ ਦੇ ਕੀਤੇ ਪਤਿਤ ਨੂੰ ਪਵਿੱਤ੍ਰ ਕਰ ਕੇ ਤੁਸੀਂ ਪਤਿਤ ਪਾਵਨ ਹੋਏ ਹੋ?
ਫਿਰ ਉਹ ਕਿਹੜੀ ਦੀਨਤਾ ਹੈ ਜਿਸ ਦੇ ਕਾਰਨ ਆਪ ਦੀਨ ਦੁਖ ਭੰਜਨ ਬਿਰਦ ਵਾਲੇ ਹੋਏ ਹੋ? ਤੇ ਉਹ ਕਿਹੜੀ ਵਡਿਆਈ ਹੈ ਜਿਸ ਨੂੰ ਦੂਰ ਕਰਨ ਦੇ ਕਾਰਨ ਆਪ ਗਰਬ ਪ੍ਰਹਾਰੀ ਹੋੲੈ?
ਹੇ ਨਾਥ! ਕਿਹੜੀ ਸੇਵਾ ਦੇ ਕੀਤਿਆਂ ਤੁਸੀਂ ਸੇਵਕ ਸਹਾਈ ਬਿਰਦ ਵਾਲੇ ਹੋਏ ਹੋ? ਤੇ ਕਿਹੜਾ ਦੈਂਤਪੁਣਾ ਹੈ ਜਿਸ ਦੇ ਕੀਤਿਆਂ ਤੁਸੀਂ ਅਸੁਰ ਸੰਘਾਰਣ ਬਿਰਦ ਸੰਭਾਲਦੇ ਹੋ?
ਮੈਨੂੰ ਆਪ ਦੇ ਬਿਰਦ ਦੀ ਸਮਝ ਨਹੀਂ ਪੈਂਦੀ ਕਿ ਆਪ ਭਗਤੀ, ਜੋਗ, ਪਤਿਤਤਾ, ਦੀਨਤਾ ਗਰਬ, ਸੇਵਾ ਆਦਿ ਕਿਹੜੀ ਕਮਾਈ ਕੀਤਿਆਂ ਮੈਨੂੰ ਮਿਲ ਸਕਦੇ ਹੋ? ॥੬੦੧॥