ਜਿਵੇਂ ਕਪੂਰ ਤੇ ਲੂਣ ਚਿਟਾਈ ਵਿਚ ਇਕੋ ਜਿਹੇ ਦਿਖਾਈ ਦਿੰਦੇ ਹਨ, ਕੇਸਰ ਤੇ ਕਸੁੰਭੇ ਦੀਆਂ ਤੁਰੀਆਂ ਲਾਲੀ ਕਰ ਕੇ ਇਕੋ ਜਿਹੀਆਂ ਦਿੱਸਦੀਆਂ ਹਨ।
ਜਿਵੇਂ ਚਾਂਦੀ ਤੇ ਕਾਂਸੀ ਦੋਵੇਂ ਚਿੱਟੇ ਰੰਗ ਦੇ ਹੁੰਦੇ ਹਨ, ਕੱਜਲ ਤੇ ਚੋਆ ਰੰਗ ਦੀ ਕਾਲੋਂ ਕਰ ਕੇ ਇਕੋ ਜਿਹੇ ਹੁੰਦੇ ਹਨ।
ਤੁੰਮਾ ਫਲ ਤੇ ਅੰਬ ਫਲ ਪੀਲੇ ਹੋਣ ਵਿਚ ਇਕੋ ਜਿਹੇ ਹੁੰਦੇ ਹਨ, ਹੀਰਾ ਤੇ ਬਲੌਰ ਦੇਖਣ ਵਿਚ ਇਕੋ ਜਿਹੇ ਚਿੱਟੇ ਹੀ ਦਿਖਾਈ ਦਿੰਦੇ ਹਨ।
ਤਿਵੇਂ ਮੂਰਖ ਦੀ ਨਜ਼ਰ ਵਿਚ ਸਾਧੂ ਤੇ ਅਸਾਧੂ ਸਰੀਰ ਕਰ ਕੇ ਇਕੋ ਜਿਹੇ ਦਿਖਾਈ ਦਿੰਦੇ ਹਨ ਪਰ ਬਿਬੇਕੀ ਪੁਰਸ਼ ਸਮਝਦੇ ਹਨ ਹੰਸਾਂ ਵਾਲੀ ਜਲ ਦੀ ਜੁਗਤ ਤੇ ਸਹਿਨ ਸ਼ੀਲਤਾ ਤੋਂ ॥੫੯੭॥