ਜਿਸ ਤਰ੍ਹਾਂ ਰਾਤ ਦੇ ਸਮੇਂ ਸਾਰੇ ਲੋਕ ਭੋਗਾਂ ਦੇ ਸੰਜੋਗ ਮੇਲੇ ਵਿਚ ਰਚੇ ਰਹਿੰਦੇ ਹਨ, ਤੇ ਭਾਗ ਹੀਣੀ ਕਿਸਮਤ ਮਾਰੀ ਚਕਵੀ ਓਸ ਸਮੇਂ ਵਿਛੋੜੇ ਦੇ ਸੋਗ ਵਿਚ ਜਾਣੀਦੀ ਹੈ।
ਜਿਸ ਤਰ੍ਹਾਂ ਸੂਰਜ ਦੇ ਉਦੇ ਹੋਇਆਂ ਪ੍ਰਕਾਸ਼ ਜਗਮਗ ਜਗਮਗ ਕਰਿਆ ਕਰਦਾ ਹੈ, ਪ੍ਰੰਤੂ ਉੱਲੂ ਪਰਚੀਨ ਪੁਰਾਣੀਆਂ ਹਨੇਰੀਆਂ ਕੰਧਾਂ ਖੱਡਾਂ ਖੋਲਿਆਂ ਵਿਚ ਵੀਚਾਰੀਦਾ ਜਾਣੀਦਾ ਹੈ, ਅਥਵਾ ਹਨੇਰੀਆਂ ਕੰਧਾਂ ਵਿਚ ਪਰਚਿਆ ਤੱਕੀਦਾ ਹੈ।
ਸਰੋਵਰ ਨਦੀਆਂ ਸਮੁੰਦਰ ਜਲ ਨਾਲ ਭਰਪੂਰ ਹੁੰਦਿਆਂ ਭੀ ਪਪੀਹਾ ਵਿਚਾਰਾ ਪਿਆਸਾ ਤਿਹਾਇਆ ਹੀ ਬਕਦਾ ਕੂਕਦਾ ਰਹਿੰਦਾ ਹੈ।
ਤਿਸੀ ਪ੍ਰਕਾਰ ਹੀ ਸਾਧ ਸੰਗਤ ਨੂੰ ਮਿਲ ਕੇ ਸੰਸਾਰ ਪਰ ਮੈਂ ਅਪ੍ਰਾਧੀ ਨੁਕਤਾਚੀਨ = ਕੁਤਰਕੀ ਨੇ ਅਪ੍ਰਾਧ ਨੁਕਤਾਚੀਨੀਆਂ = ਕੁਤਰਕਾਂ ਕਰਦਿਆਂ ਹੀ ਉਮਰ ਬਿਤਾ ਦਿੱਤੀ ਹੈ ॥੫੦੯॥