ਜਿਸ ਤਰ੍ਹਾਂ ਕੱਚੇ ਪਾਰੇ ਦੇ ਖਾਧਿਆਂ ਗਾਤਿ ਸਰੀਰ ਵਿਖੇ ਬਿਕਾਰ ਰੋਗ ਉਪਰ ਆਇਆ ਕਰਦਾ ਹੈ ਤੇ ਵਾਲ ਵਾਲ ਪੀੜ ਹੁੰਦਿਆਂ ਮਹਾਨ ਦੁੱਖ ਪਾਈਦਾ ਹੈ।
ਫੇਰ ਜਿਸ ਤਰ੍ਹਾਂ ਲਸਨ ਥੋਮ ਖਾ ਕੇ ਸਭਾ ਅੰਦਰ ਕੋਈ ਚੁੱਪ ਭੀ ਵੱਟ ਬੈਠੇ ਤਾਂ ਉਹ ਲੁਕਾਇਆ ਨਹੀਂ ਲੁਕਿਆ ਕਰਦਾ ਓਸ ਦੀ ਦੁਰਗੰਧੀ ਬਦਬੂ ਪ੍ਰਗਟ ਹੋ ਹੀ ਜਾਇਆ ਕਰਦੀ ਹੈ।
ਜਿਸ ਤਰ੍ਹਾਂ ਫੇਰ ਮਿਠ੍ਯਾਈ ਆਦਿ ਦੇ ਨਾਲ ਹੀ ਮੱਖੀ ਕਿਸੇ ਤਰ੍ਹਾਂ ਨਿਗਲੀ ਜਾਵੇ ਤਾਂ ਉਹ ਉਕਲੇਦ ਉਪਰ ਛਲ ਕੈ ਹੋ ਕੇ ਬਾਹਰ ਆ ਜਾਂਦਾ ਹੈ, ਸੰਕਟ ਭਰ੍ਯਾ ਖੇਦ ਮਹਾਂ ਕਸ਼ਟ ਸਹੀਦਾ ਹੈ।
ਤਿਸੀ ਪ੍ਰਕਾਰ ਹੀ ਗੁਰੂ ਸੇਵਾ ਤਥਾ ਨਾਮ ਵਿਖੇ ਪਿੰਡ ਸਰੀਰ ਦੇ ਪਰਚੇ ਬਿਨਾਂ ਜੋ ਸਿੱਖਾਂ ਦੀ ਭਿਛ੍ਯਾ ਖਾਵੇ ਅਰਥਾਤ ਓਨਾਂ ਦੀ ਕਾਰ ਭੇਟ ਦਾ ਆਯਾ ਪਦਾਰਥ ਖਾਏ ਤਾਂ ਅੰਤ ਕਾਲ ਨੂੰ ਔਕੜ ਹੋਯਾ ਕਰਦੀ ਹੈ, ਤੇ ਜਮ ਲੋਕ ਨਰਕ ਨੂੰ ਜਾਣਾ ਪੈਂਦਾ ਹੈ ॥੫੧੭॥ ਪੜ੍ਹੋ ਵੀਚਾਰ ਕਬਿੱਤ ੫੦੬