ਕੋਈ ਹਲ ਜੋੜਦਾ ਹੈ, ਕੋਈ ਬੀਜਦਾ ਹੈ ਕੋਈ ਰਾਖੀ ਕਰਦਾ ਹੈ ਤੇ ਵੱਢਦਾ ਕੋਈ ਹੈ ਪਰ ਜਾਣਿਆਂ ਨਹੀਂ ਜਾਂਦਾ ਕਿ ਉਸ ਖੇਤ ਦੇ ਅਨਾਜ ਨੂੰ ਅੰਤ ਕੌਣ ਖਾਵੇਗਾ।
ਘਰ ਦੀਆਂ ਨੀਹਾਂ ਪੁੱਟਦਾ ਕੋਈ ਹੈ, ਚਿਣਾਈ ਕੋਈ ਕਰਦਾ ਹੈ ਲਿੱਪਦਾ ਕੋਈ ਤੇ ਪੋਚਦਾ ਕੋਈ ਹੈ, ਪਰ ਇਹ ਸਮਝ ਨਹੀਂ ਪੈਂਦੀ ਕਿ ਉਸ ਘਰ ਵਿਚ ਕੌਣ ਆ ਕੇ ਵਸੇਗਾ।
ਕਪਾਹ ਚੁਣਦਾ ਕੋਈ ਹੈ, ਵੇਲਦਾ ਕੋਈ ਹੈ, ਕੱਤਦਾ ਕੋਈ ਹੈ ਤੇ ਬੁਣਦਾ ਕੋਈ ਹੈ, ਪਰ ਪਤਾ ਨਹੀਂ ਲੱਗਦਾ ਕਿ ਕਪੜਾ ਬਣਾ ਕੇ ਆਪਣੇ ਸਰੀਰ ਤੇ ਕੌਣ ਪਹਿਨੇਗਾ।
ਤਿਵੇਂ ਆਪਾ ਸਜਾ ਫਬਾ ਕੇਘਾਲ ਕਰ ਕਰ ਕੇ ਸੱਭੇ ਜਗਿਆਸੂ ਰੂਪ ਇਸਤ੍ਰੀਆਂ ਪਤੀ ਵਾਹਿਗੁਰੂ ਦੀ ਇੱਛਾ ਕਰਦੀਆਂ ਹਨ, ਪਰ ਪਤਾ ਨਹੀਂ ਕਿਹੜੀ ਸੁਹਗਣ ਪਰਵਾਣ ਹੋ ਕੇ ਸਿਹਜਾ ਤੇ ਸਮਾਏਗੀ ॥੫੯੩॥