ਜਿਸ ਤਰ੍ਹਾਂ ਸ਼ਹਦ ਦੀ ਮੱਖੀ ਸੰਚ ਸੰਚ ਕੇ ਕਿਧਰੋਂ ਦਾ ਕਿਧਰੇ ਲਿਆ ਲਿਆ ਸ਼ਹਦ ਨੂੰ ਇਕੱਠਿਆਂ ਕਰਦੀ ਹੈ, ਤੇ ਸ਼ਹਦ ਚੋਣਹਾਰਾ ਓਸ ਦੇ ਮੂੰਹ ਵਿਚ ਸੁਆਹ ਪਾ ਕੇ ਲੁੱਟ ਲਿਜਾਇਆ ਕਰਦਾ ਹੈ।
ਜਿਸ ਤਰ੍ਹਾਂ ਗਊ ਵੱਛੇ ਵਾਸਤੇ ਦੁੱਧ ਨੂੰ ਸੰਚਿਆ ਸੰਗ੍ਰਹ ਕੀਤਾ ਕਰਦੀ ਹੈ, ਪਰ ਪਸਮ ਪੈਣ ਤੇ ਵੱਛੇ ਨੂੰ ਪਰੇ ਹਟਾ ਕੇ ਗੁਜਰ ਆਪ ਦੁੱਧ ਨੂੰ ਚੋ ਲਿਆ ਕਰਦਾ ਹੈ।
ਜਿਸ ਤਰ੍ਹਾਂ ਧਰਤੀ ਨੂੰ ਪੁੱਟ ਪੁੱਟ ਕੇ ਚੂਹਾ ਖੁੱਡ ਬਣਾਇਆ ਕਰਦਾ ਹੈ, ਪਰ ਉਥੇ ਓਸ ਨੂੰ ਮਾਰ ਕੇ ਖਾਕੇ ਸੱਪ ਦੌੜਿਆ ਦੌੜਿਆ ਆਨ ਧਸਿਆ ਕਰਦਾ ਹੈ।
ਤਿਸੀ ਪ੍ਰਕਾਰ ਮੂਰਖ ਪਾਪ ਅਪ੍ਰਾਧ ਕਰ ਕਰ ਕੇ ਮਾਯਾ ਦਾ ਜੋੜ ਸੰਚਯ ਜੋੜਦਾ ਹੈ, ਪਰ ਓੜਕ ਨੂੰ ਦੋਵੇਂ ਹੱਥ ਹੀ ਝਾੜ ਕੇ ਖਾਲੀ ਹੱਥ ਕੂਚ ਕਰ ਜਾਇਆ ਕਰਦਾ ਹੈ ॥੫੫੫॥