ਤੀਲਾ ਤੀਲੀ ਇਕੱਠਿਆਂ ਕਰ ਕੇ ਜਿਸ ਤਰ੍ਹਾਂ ਛੰਨ ਛੱਪਰੀ ਪਾਈਦੀ ਹੈ ਪਰ ਅੱਗ ਲੱਗ ਜਾਏ ਤਾਂ ਝੱਟ ਹੀ ਇਸ ਨੂੰ ਸੁਆਹ ਕਰ ਸਿੱਟਦੀ ਹੈ।
ਜਿਸ ਤਰ੍ਹਾਂ ਸਮੁੰਦਰ ਦੇ ਕਿਨਾਰੇ ਬਾਲਕ ਰੇਤ ਦੇ ਘਰ ਉਸਾਰਿਆ ਕਰਦੇ ਹਨ, ਪਰ ਲਹਿਰ ਛੱਲ ਉੱਛਲਦੇ ਸਾਰ ਉਹ ਟਿਕੇ ਨਹੀਂ ਰਿਹਾ ਕਰਦੇ।
ਜਿਸ ਤਰ੍ਹਾਂ ਬਨ ਵਿਖੇ ਅਨੇਕਾਂ ਮਿਰਗ ਕੱਠੇ ਹੋ ਕੇ ਬੈਠੇ ਹੁੰਦੇ ਹਨ, ਪਰ ਇਕ ਸਿੰਘ ਦੇ ਗੱਜਦਿਆਂ ਸਾਰ ਓਹ ਓਥੇ ਰਹਿਣਾ ਨਹੀਂ ਪੌਂਦੇ, ਬੈਠੇ ਨਹੀਂ ਰਹਿ ਸਕਿਆ ਕਰਦੇ।
ਤਿਸੀ ਪ੍ਰਕਾਰ ਦ੍ਰਿਸ਼ਟੀ ਦਾ ਸਾਧਨਾ, ਸ਼ਬਦ ਦਾ ਪਰਚਾ ਧਾਰਣਾ ਅਤੇ ਧਿਆਨ ਵਿਖੇ ਸੁਰਤ ਜੋੜਨੀ, ਤਥਾ ਗਿਆਨ ਦਾ ਕਮਾਨਾ ਆਦਿ ਸਮੂਹ ਸਾਧਨ ਪੂਰਣ ਪ੍ਰੇਮ ਦੇ ਪ੍ਰਗਟ ਹੋਇਆਂ ਰਹਤ ਹੈ ਫੁੱਸ ਹੋ ਜਾਂਦੇ ਮਾਤ ਪੈ ਜਾਂਦੇ ਹਨ ॥੫੩੧॥