ਜਿਵੇਂ ਜੁੱਧ ਵੇਲੇ ਯੋਧਾ ਸ਼ਸਤ੍ਰ ਤੇ ਸੰਜਅ ਸਜਾਉਂਦਾ ਹੈ ਤੇ ਲੋਭ ਮੋਹ ਛੱਡ ਕੇ ਸੂਰਮਾ ਬਣ ਕੇ ਮੈਦਾਨਿ ਜੰਗ ਵਿਚ ਜਾਂਦਾ ਹੈ।
ਜੰਗੀ ਵਾਜਾ ਜੋਰ ਦਾ ਵੱਜਦਾ ਸੁਣ ਕੇ ਉਹ ਖਿੜ ਜਾਂਦਾ ਹੈ, ਜਿਵੇਂ ਬਦਲ ਦੀ ਗਰਜ ਸੁਣ ਕੇ ਮੋਰ। ਫਿਰ ਜਿਉਂ ਜਿਉਂ ਸੂਰਮਿਆਂ ਦੀਆਂ ਘਟਾਂ ਚੜ੍ਹੀਆਂ ਤੱਕਦਾ ਹੈ ਤਾਂ ਅੰਗਾਂ ਵਿਚ ਨਹੀਂ ਸਮਾਂਦਾ।
ਮਾਲਕ ਦੇ ਕੰਮ ਵਿਚ ਲੱਗਾ ਹੋਇਆ ਯੁਧ ਕਰਦਾ ਲੜ ਮਰਦਾ ਹੈ, ਜਾਂ ਫਿਰ ਜੰਗ ਜਿੱਤ ਕੇ ਆਉਂਦਾ ਹੈ ਤੇ ਜੋ ਹਾਲਤ ਜੰਗ ਦੀ ਬੀਤੀ ਸੀ ਕਹਿ ਸੁਣਾਉਂਦਾ ਹੈ।
ਤਿਵੇਂ ਹੀ ਭਗਤੀ ਮਾਰਗ ਵਾਲਾ ਜਾਂ ਤਾਂ ਜਗਤ ਪਤੀ ਨੂੰ ਮਿਲ ਕੇ ਚੁਪ ਹੋ ਜਾਂਦਾ ਹੈ ਜਾਂ ਬੋਲਦਾ ਹੋਇਆ ਗਦ ਗਦ ਹੁੰਦਾ ਤੇ ਮੁਸਕ੍ਰਾਉਂਦਾ ਹੈ ॥੬੧੭॥