ਕਬਿਤ ਸਵਯੇ ਭਾਈ ਗੁਰਦਾਸ ਜੀ

ਅਤਿ ਸੁੰਦਰ ਰੂਪ ਦੇਖ ਕੇ ਮੇਰੇ ਨੇਤਰ ਮੂਰਛਿਤ ਹੋ ਗਏ ਸਨ; ਪਰ ਹੁਣ ਉਹੋ ਮੁਖੜਾ ਜਦ ਬਾਹਰੋਂ ਮੇਰੇ ਵਲ ਦੇਖਦਾ ਹੈ ਤਾਂ ਮੇਰੇ ਨੇਤ੍ਰ ਦਰਸ਼ਨ ਕਰਨ ਲਗ ਪਏ ਹਨ।

ਹੇ ਸਖੀ! ਉਸ ਦੇ ਅੰਮ੍ਰਿਤ ਬਚਨ ਸੁਣ ਕੇ ਕੰਨ ਮੋਹੇ ਗਏ ਸਨ; ਪਰ ਹੁਣ ਉਸ ਦੇ ਮੁਖੋਂ ਬਚਨ ਸੁਣ ਕੇ ਇਹ ਸੁਰਤ ਪਏ ਸੰਭਾਲਦੇ ਹਨ।

ਜਿਸ ਅਗੇ ਬੇਨਤੀਆਂ ਕਰ ਕਰ ਕੇ ਜੀਭ ਥਕ ਗਈ ਸੀ; ਹੁਣ ਉਸੇ ਪਿਆਰੇ ਦੇ ਬੁਅਲਾਇਆਂ ਫਿਰ ਬੇਨਤੀ ਕਹਿਣ ਲਗ ਪਈ ਹੈ।

ਜਿਵੇਂ ਅਮਲ ਪੀਤਿਆਂ ਗਿਆਨ ਧਿਆਨ ਵਿਸਰਦੇ ਹਨ ਭਾਵ ਬਿਹੋਸ਼ੀ ਹੁੰਦੀ ਹੈ; ਤਿਵੇਂ ਉਹੀ ਅਮਲ ਪੀਣ ਨਾਲ ਹੋਸ਼ ਵਿਚ ਆਉਣ ਦਾ ਤ੍ਰੀਕਾ ਭੀ ਹੈ ॥੬੬੬॥