ਕਬਿਤ ਸਵਯੇ ਭਾਈ ਗੁਰਦਾਸ ਜੀ

ਜਿਵੇਂ ਆਟਾ ਤੇ ਖੰਡ ਇਕੋ ਜਿਹੇ ਚਿੱਟੇ ਦਿਖਾਈ ਦਿੰਦੇ ਹਨ, ਪਰ ਜਦ ਜੀਭ ਨਾਲ ਉਨ੍ਹਾਂ ਦਾ ਰਸ ਚੱਖੀਦਾ ਹੈ ਤਾਂ ਉਸ ਸੁਆਦ ਨਾਲ ਫਰਕ ਪਾ ਲਈਦਾ ਹੈ, ਭਾਵ ਮਿੱਠਾ ਹੈ ਕਿ ਫਿੱਕਾ।

ਜਿਵੇਂ ਸੋਨੇ ਤੇ ਪਿੱਤਲ ਦਾ ਇਕੋ ਜਿਹਾ ਪੀਲਾ ਹੀ ਰੰਗ ਹੁੰਦਾ ਹੈ, ਪਰ ਸੋਨੇ ਦੀ ਮਹੱਤਤਾ ਤਦ ਜਾਣੀਦੀ ਹੈ ਜਦ ਪਰਖ ਕੇ ਦੱਸਣ ਵਾਲੇ ਦੇ ਅੱਗੇ ਰੱਖੀਏ।

ਜਿਵੇਂ ਕਾਂ ਤੇ ਕੋਇਲ ਦੋਵੇਂ ਪੰਛੀ ਕਾਲੇ ਸਰੀਰ ਵਾਲੇ ਹਨ, ਪਰ ਜਦ ਬੋਲਦੇ ਹਨ ਤਾਂ ਜਾਣ ਲਈਦਾ ਹੈ ਕਿ ਕਿਹੜਾ ਸ਼ੁਭ ਹੈ ਤੇ ਕਿਹੜਾ ਅਸ਼ੁਭ ਹੈ।

ਤਿਵੇਂ ਸਾਧੂ ਤੇ ਅਸਾਧੂ ਚਿੰਨ੍ਹਾਂ ਕਰ ਕੇ ਤਾਂ ਇਕੋ ਜਿਹੇ ਹੁੰਦੇ ਹਨ ਪਰ ਕਰਨੀ ਕਰਤੂਤ ਵਾਲੇ ਲੱਛਨਾਂ ਤੋਂ ਜਾਣ ਲਈਦਾ ਹੈ ਕਿ ਸਾਧ ਕੋਣ ਤੇ ਅਸਾਧ ਕੌਣ ਹੈ ॥੫੯੬॥