ਪਤਾ ਨਹੀਂ ਨੀਂਦ ਵਿਚ ਕਿਥੇ ਜਾਂਦਾ ਹੈ, ਪਤਾ ਨਹੀਂ ਭੁੱਖ ਵਿਚ ਕਿਥੇ ਬਹਿ ਕੇ ਖਾਂਦਾ ਹੈ, ਪਿਆਸ ਲਗੀ ਵਿਚ ਜਲਨ ਕਿਥੇ ਹੁੰਦੀ ਹੈ, ਪਿਆਸ ਬੁਝਾਣ ਲਈ ਪਾਣੀ ਪੀਤਾ ਕਿਵੇਂ ਠੰਢ ਪਾਉਂਦਾ ਹੈ।
ਹੱਸਦਾ; ਰੋਂਦਾ ਕੀਹ ਹਨ, ਫੇਰ ਚਿੰਤਾ ਕੀਹ ਹੈ, ਚਉ ਕੀ ਚੀਜ਼ ਹੈ, ਡਰ, ਪਿਆਰ, ਕਾਇਰਤਾ ਕੀ ਹੈ ਤੇ ਭਿਆਨਕਤਾ ਕਿਥੇ ਹੁੰਦੀ ਹੈ?
ਹਿਡਕੀ, ਡਕਾਰ, ਖੰਘ, ਉਬਾਸੀ, ਨਿੱਛ, ਸਰੀਰ ਦੀ ਗੰਦੀ ਹਵਾ ਦਾ ਸਰਨਾ, ਸਰੀਰ ਨੂੰ ਖੁਰਕਣਾ ਆਦਿ ਹੋਰ ਕਈ ਗੱਲਾਂ ਕੀ ਹਨ?
ਕਾਮ, ਕ੍ਰੋਧ, ਲੋਭ, ਮੋਹ, ਹੰਕਾਰ ਤੇ ਜੀਵ ਦਾ ਸੁਭਾਵ ਕੀਹ ਹਨ, ਸਤ ਤੇ ਸੰਤੋਖ, ਦਇਆ ਤੇ ਧਰਮ ਕੀ ਹਨ, ਕੋਈ ਨਹੀਂ ਜਾਣਦਾ ॥੬੨੩॥