ਕਬਿਤ ਸਵਯੇ ਭਾਈ ਗੁਰਦਾਸ ਜੀ

ਮੇਰੇ ਪ੍ਰੀਤਮ ਪੁਤ੍ਰਾਂ ਦੇ ਪਿਤਾ ਅਤੇ ਭਰਾਵਾਂ ਦੇ ਭਰਾ ਹਨ, ਇਸੀ ਤਰ੍ਹਾਂ ਆਪਣੀ ਇਸਤ੍ਰੀ ਦੇ ਪਿਆਰੇ ਪਤੀ ਅਤੇ ਮਾਤਾ ਦੇ ਲਾਡਲੇ ਬਾਲਕ ਹਨ।

ਬਾਲਕਾਂ ਨਾਂਲ ਉਹ ਬਾਲ ਬੁਧਿ ਵਾਲੇ ਭਾਵ ਭੋਲੇ ਭਾਲੀ ਹੋ ਕੇ ਵਰਤਦੇ ਹਨ, ਜੁਆਨਾਂ ਨਾਲ ਉਹ ਜੁਆਨ ਉਮਰਾ ਵਾਲੇ ਹੋ ਕੇ ਵਰਤਦੇ ਹਨ, ਤੇ ਬ੍ਰਿਧਾਂ ਨਾਲ ਬ੍ਰਿਧ ਅਵਸਥਾ ਦਾ ਵਰਤਾਉ ਕਰਦੇ ਹਨ।

ਨਜ਼ਰ ਵਿਚ ਰੂਪ ਰੰਗ ਹੋ ਕੇ ਕੰਨਾਂ ਵਿਚ ਨਾਦ ਤੇ ਵਾਜੇ ਦੀ ਆਵਾਜ਼ ਹੋ ਕੇ, ਨਾਸਕਾ ਲਈ ਸੁਗੰਧੀ ਹੋ ਕੇ ਰਸਨਾ ਉਤੇ ਸੁਆਦ ਅਰ ਉਚਾਰਣ ਰੂਪ ਹੋ ਕੇ ਵਿਆਪ ਰਹੇ ਹਨ।

ਸਰੀਰਾਂ ਵਿਚ ਜਾਂ ਸਰੀਰਾਂ ਤੋਂ ਬਾਹਰ ਭਾਵ ਅੰਦਰ ਬਾਹਰ ਉਹ ਨਟ ਦੀ ਗੋਲੀ ਤਰ੍ਰਾਂ ਅਚਰਜ ਗਤੀ ਰੱਖਦੇ ਹਨ, ਸਾਰੇ ਸਰੀਰ ਧਾਰੀਆਂ ਵਿਚ ਪੂਰਨ ਹਨ ਤੇ ਫਿਰ ਸਭ ਤੋਂ ਨਿਆਰੇ ਹਨ ॥੫੭੯॥