ਜਿਵੇਂ ਸ਼ੀਸ਼ਾ ਸਿੱਧ ਕਰ ਕੇ ਉਸ ਵਿਚ ਮੂੰਹ ਵੇਖੀਏ ਤਾਂ ਸ਼ੁੱਧ ਮੂੰਹ ਦਿੱਸਦਾ ਹੈ; ਪਰ ਜੇ ਸ਼ੀਸ਼ੇ ਨੂੰ ਉਲਟ ਕੇ ਦੇਖੀਏ ਤਾਂ ਭਿਆਨਕ ਮੂੰਹ ਦਿੱਸਦਾ ਹੈ।
ਉਸੇ ਜੀਭ ਤੋਂ ਕੀਹ ਮਿੱਠਾ ਬੋਲ ਪਿਆਰਾ ਲਗਦਾ ਹੈ; ਪਰ ਉਸੇ ਜੀਭ ਤੋਂ ਕੌੜਾ ਬੋਲ ਸੁਣ ਕੇ ਹਿਰਦੇ ਨੂੰ ਤੀਰ ਵਰਗਾ ਲਗਦਾ ਹੈ।
ਜਿਵੇਂ ਮੂੰਹ ਅੰਨ ਖਾਂਦਾ ਹੈ ਤਾਂ ਮਿੱਠਾ ਸ੍ਵਾਦ ਲਗਦਾ ਹੈ ਤੇ ਸਰੀਰ ਬਲਵਾਨ ਹੁੰਦਾ ਹੈ ਪਰ ਉਹੋ ਮੂੰਹ ਜੇ ਪੋਸਤ ਪੀਵੇ ਤਾਂ ਦੁੱਖ ਨੂੰ ਪ੍ਰਾਪਤ ਹੋ ਅੰਤ ਮਸਾਣਾਂ ਵਿਚ ਪੁਜਦਾ ਹੈ ਭਾਵ ਮੌਤ ਦਾ ਕਾਰਨ ਬਣਦਾ ਹੈ।
ਤਿਵੇਂ ਦਾਸ ਸੁਭਾਵ ਦੇ ਨਿੰਦਕ ਸੁਭਾਵ ਦੋਵੇਂ ਚਕਵੀ ਸੁਭਾਵ ਤੇ ਚਕੋਰ ਸੁਭਾਵ ਵਾਂਗੂ ਹਨ; ਪਰ ਸਤਿਗੁਰੂ ਜੀ ਸਹਿਨਸ਼ੀਲਤਾ ਵਿਚ ਸੂਰਜ ਸਮਾਨ ਹਨ ॥੬੪੪॥