ਜਿਸ ਤਰ੍ਹਾਂ ਕਉਡਾਂ; ਪੈਸਿਆਂ; ਰੁਪਯਾਂ ਤਥਾ ਮੋਹਰਾਂ ਦਾ ਵਣਜ ਕਰਦਿਆਂ ਕਰਦਿਆਂ; ਰਤਨਾਂ ਦਾ ਪਾਰਖੂ ਪਰਖਈਆ ਬਣ ਕੇ ਜੌਹਰੀ ਕਹੌਣ ਲਗ ਪਿਆ।
ਪਰ ਜੇ ਜਉਹਰੀ ਅਖਵਾ ਕੇ ਮੁੜ ਕਉਡੀਆਂ ਦਾ ਵਣਜ ਕਰੇਤਾਂ ਪ੍ਰਵਾਣ ਪਏ ਮੰਨਿਆਂ ਪ੍ਰਮੰਨਿਆਂ ਪੈਂਚਾਂ ਵਿਚ ਆਪਣੀ ਪ੍ਰਤਿਸ਼ਟਾ ਪਤ ਆਬਰੋ ਨੂੰ ਘਟਾ ਲੈਂਦਾ ਹੈ।
ਜੇਕਰ ਹੋਰ ਦੇਵਾਂ ਨੂੰ ਸੇਵਦਾ ਹੋਇਆ ਸਤਿਗੁਰੂ ਦੇਵ ਦਾ ਸੇਵਕ ਬਣ ਜਾਵੇ, ਤਦ ਤਾਂ ਲੋਕ ਪਰਲੋਕ ਵਿਖੇ ਉੱਚੇ ਮਰਾਤਬੇ ਨੂੰ ਪ੍ਰਾਪਤ ਹੋਯਾ ਕਰਦਾ ਹੈ।
ਪਰ ਜੇ ਗੁਰੂ ਦੇਵ ਦੀ ਸੇਵਾ ਨੂੰ ਤ੍ਯਾਗ ਕੇ ਕੋਈ ਆਨ ਦੇਵਾਂ ਦਾ ਸੇਵਕ ਜਾ ਬਣੇਗਾ ਤਾਂ ਉਸ ਦਾ ਜਨਮ ਅਜਾਈਂ ਜਾਵੇਗਾ, ਤੇ ਕਪੁੱਤ ਬਣਿਆ ਅਪਣੀ ਹਾਸੀ ਕਰਾਵੇਗਾ ਹਾਸੋ ਹੀਣੀ ਕਰਾਵੇਗਾ ॥੪੭੯॥