ਜਿਵੇਂ ਪੱਤਲ ਵਿਚ ਬਹੁਤੇ ਭੋਜਨ ਪਰੋਸੀਦੇ ਹਨ ਫਿਰ ਭੋਜਨ ਖਾ ਕੇ ਜਦ ਸੁੱਟ ਦੇਈਦੀ ਹੈ ਤਾਂ ਉਹ ਜੂਗ਼ਠੀ ਪੱਤਲ ਕਿਤੇ ਟਿਕਾਣਾ ਨਹੀਂ ਪਾਉਂਦੀ।
ਜਿਵੇਂ ਕਿ ਰਸਨਾ ਨਾਲ ਰਸਾ ਰਸਾ ਕੇ ਪਾਨ ਦਾ ਰਸ ਚੂਸ ਲਈਦਾ ਹੈ ਫਿਰ ਉਹ ਫੋਗ ਹੋ ਗਿਆ ਪਾਨ ਉਗਾਲਕੇ ਸੁੱਟ ਦੇਈਦਾ ਹੈ ਉਹ ਫਿਰ ਕਉਡੀ ਮੁੱਲ ਦਾ ਭੀ ਨਹੀਂ ਰਹਿੰਦਾ।
ਫੁੱਲਾਂ ਦਾ ਹਾਰ ਜਿਵੇਂ ਗਲੇ ਵਿਚ ਪਾ ਕੇ ਵਾਸਨਾ ਲੈ ਲਈਦੀ ਹੈ ਜਦ ਕੁਮਲਾ ਜਾਵੇ ਤਾਂ ਪਿਛੋਂ ਇਹ ਕਹਿ ਕੇ ਕਿ ਕਿਸੇ ਕੰਮ ਦਾ ਨਹੀਂ ਹੈ, ਸੁੱਟ ਦੇਈਦਾ ਹੈ।
ਜਿਵੇਂ ਵਾਲ ਤੇ ਨਹੁੰ ਆਪਣੇ ਥਾਂ ਤੋਂ ਡਿੱਗੇ ਹੋਏ ਕਿਸੇ ਨੂੰ ਚੰਗੇ ਨਹੀਂ ਲਗਦੇ, ਤਿਵੇਂ ਪੀਆ ਦੇ ਛੱਡ ਦਿੱਤਿਆਂ ਇਸਤ੍ਰੀ ਦਾ ਹਾਲ ਹੁੰਦਾ ਹੈ॥੬੧੫॥