ਕਬਿਤ ਸਵਯੇ ਭਾਈ ਗੁਰਦਾਸ ਜੀ

ਜਿਵੇਂ ਪੀਲਾ, ਚਿੱਟਾ, ਕਾਲਾ, ਲਾਲ ਰੰਗ ਤੇ ਕਈ ਤਰ੍ਹਾਂ ਦਾ ਰੂਪ ਅੰਨ੍ਹੇ ਦੇ ਅੱਗੇ ਰਖੀਏ ਤਾਂ ਅੰਨ੍ਹਾ ਕੁਛ ਭੀ ਨਹੀਂ ਦੇਖ ਸਕਦਾ।

ਜਿਵੇਂ ਬੋਲੇ ਅੱਗੇ ਰਾਗ ਰਾਗਣੀ ਤੇ ਸੰਗੀਤ ਦੀ ਪ੍ਰਬੀਨਤਾਈ ਦੱਸਣ ਵਾਲੇ ਹੋਰ ਵਾਜੇ ਗਾਵੇਂ ਤੇ ਵਜਾਏ ਜਾਣ ਤਾਂ ਬੋਲਾ ਪਰਖ ਨਹੀਂ ਸਕਦਾ।

ਜਿਵੇਂ ਬੀਮਾਰ ਅੱਗੇ ਰਸਦਾਇਕ ਭੋਗ ਰਖੇ ਜਾਣ ਜਾਂ ਬੜੇ ਰਸਦਾਇਕ ਭੋਜਨ ਪਰੋਸੇ ਜਾਣ ਤਾਂ ਉਹ ਦੁਖੀ ਜੀਵ ਉਨ੍ਹਾਂ ਵਲ ਮੂਲੋਂ ਰੁਚੀ ਨਹੀਂ ਕਰਦਾ।

ਤਿਵੇਂ ਗੁਰੂ ਦੇ ਦਰਸ਼ਨ, ਬਚਨ, ਪ੍ਰੇਮ ਤੇ ਨੇਮ ਦੀ ਜੋ ਨਿਧੀ ਹੈ, ਮੈਂ ਨੀਚ ਤੇ ਬੁਰੇ ਭੇਸ ਵਾਲੇ ਨੇ ਉਸ ਦੀ ਮਹਿਮਾ ਨਹੀਂ ਜਾਣੀ ॥੬੦੦॥