ਓਹੋ ਹੀ ਲੋਹਾ ਸੰਸਾਰ ਵਿਖੇ ਸੰਗਲੀਆਂ ਸੰਗਲ ਕੁੰਡੇ ਜੰਜੀਰ ਆਦਿ ਅਨੇਕ ਭਾਂਤ ਦੇ ਬੰਧਨਾਂ ਦਾ ਰੂਪ ਹੁੰਦਾ ਹੈ ਤੇ ਓਹੀ ਪਾਰਸ ਦੇ ਪ੍ਰਸੰਗ ਮਿਲਾਪ ਨੂੰ ਪਾ ਕੇ ਜੋਤਿ ਸਰੂਪੀ ਦਮਕਨ ਹਾਰਾ ਸੋਨਾ ਬਣ ਜਾਯਾ ਕਰਦਾ ਹੈ।
ਓਹੋ ਹੀ ਸਿੰਗਾਰ ਗਹਿਣਾ ਗੱਟਾ ਆਦਿ ਪਤਿਬ੍ਰਤਾ ਪਤੀ ਪ੍ਰਤਿਗ੍ਯਾਵਾਨ ਇਸਤ੍ਰੀ ਦੇ ਅੰਗਾਂ ਉਪਰ ਅਤੀ ਸੋਭਾ ਸਜੌਟ ਦਾ ਕਾਰਣ ਹੋਯਾ ਹੋਯਾ ਹੁੰਦਾ ਹੈ ਤੇ ਓਹੋ ਹੀ ਅਭਰਣ ਸਿੰਗਾਰ, ਗਹਿਣੇ ਭੂਖਣ ਆਦਿ ਵੇਸ੍ਵਾ ਅਪਣੇ ਅੰਗਾਂ ਉਪਰ ਪਹਿਰੇ ਤਾਂ ਕਲੰਕ ਦਾ ਕਾਰਣ ਹੁੰਦਾ ਹੈ।
ਓਹੋ ਹੀ ਸ੍ਵਾਂਤੀ ਬੂੰਦ ਸਮੁੰਦਰ ਅੰਦਰ ਜੇਕਰ ਸਿੱਪ ਦੇ ਮੂੰਹ ਪਵੇ ਤਾਂ ਮੋਤੀ ਫਲ ਬਣ੍ਯਾ ਕਰਦੀ ਹੈ ਤੇ ਓਹੋ ਸ੍ਵਾਂਤੀ ਬੂੰਦ ਭੁਇਅੰਗ ਸੱਪ ਨੂੰ ਭੇਟ ਕੇ ਸੱਪ ਦੇ ਮੂੰਹ ਪੈ ਕੇ ਵਿਹੁ ਹੋ ਜਾਯਾ ਕਰਦੀ ਹੈ।
ਤਿਸੀ ਪ੍ਰਕਾਰ ਹੀ ਇਹ ਮਾਯਾ ਜਗਤ ਜੀਵਾਂ ਲਈ ਕਿਰਤ ਬਿਰਤ ਬਿਉਹਾਰੀ ਕਿਰਤ ਉਪਜੀਵਕਾ ਨਿਮਿਤਕ ਕਾਰਾਂ ਵਿਹਾਰਾਂ ਵਿਚ ਵਰਤੀਂਦੀ ਵਿਗਾੜ ਦਾ ਰੂਪ ਹਾਨੀਕਾਰਕ ਹੁੰਦੀ ਹੈ ਤੇ ਗੁਰ ਸਿੱਖਾਂ ਪਾਸ ਆਈ ਹੋਈ ਇਹ ਸ੍ਰਬੰਗ ਸਮੂਲਚੀ ਹੀ ਪਰਉਪਕਾਰ ਭਲੇ ਖਾਤਰ ਲੋਕਾਂ ਦੇ ਹਿਤ ਕਰਣਹਾਰੀ ਵਾ ਪਰਉਪਕਾਰ = ਪਰਮਾਤਮਾ+ਸਮੀਪ+ਕਾਰਣੀ = ਪਰਮਾਰਥ ਦੀ ਸਾਧਨ ਹਾਰੀ ਹੁੰਦੀ ਹੈ ॥੩੮੫॥