ਕਬਿਤ ਸਵਯੇ ਭਾਈ ਗੁਰਦਾਸ ਜੀ

ਜਿਵੇਂ ਕਿ ਪਪੀਹਾ ਹੇ ਪਿਆਰੇ! ਹੇ ਪਿਆਰੇ! ਕਹਿੰਦਾ ਸ੍ਵਾਂਤਿ ਬੂੰਦ ਨੂੰ ਤਰਸਦਾ ਹੈ ਤਿਵੇਂ ਪਤਿਬ੍ਰਤਾ ਇਸਤ੍ਰੀ ਪਤਿਬ੍ਰਤ ਧਰਮ ਦੀ ਪਾਲਣਾ ਕਰਦੀ ਹੈ।

ਜਿਵੇਂ ਦੀਵਾ ਜਗਦਾ ਦੇਖ ਕੇ ਪਤੰਗਾ ਦੀਵੇ ਦੀ ਲਾਟ ਵਿਚ ਸੜ ਮਰਦਾ ਹੈ ਤਿਵੇਂ ਪ੍ਰੇਮ ਕਰਨ ਵਾਲੀ ਇਸਤ੍ਰੀ ਪਿਆਰੇ ਦੇ ਪ੍ਰੇਮ ਦੇ ਨੇਮਾਂ ਨੂੰ ਸੰਭਾਲਦੀ ਹੈ।

ਜਿਵੇਂ ਪਾਣੀ ਵਿਚੋਂ ਨਿਕਲ ਕੇ ਮੱਛੀ ਝੱਟ ਮਰ ਜਾਂਦੀ ਹੈ; ਤਿਵੇਂ ਬਿਰਹਨੀ ਇਸਤ੍ਰੀ ਬਿਰਹ ਵਿਯੋਗ ਵਿਚ ਆਪਣਾ ਸਰੀਰ ਹਾਰ ਦਿੰਦੀ ਹੈ।

ਪਰ ਬਿਰਹਨੀ ਰਹਿ ਕੇ ਪ੍ਰੇਮ ਨੇਮ ਕਰਦਿਆਂ ਜੋ ਪਤਿਬ੍ਰਤਾ ਕਹਾਵੇ; ਐਸੀ ਕਰਣੀ ਕਰਨ ਵਾਲੀ ਕ੍ਰੋੜਾਂ ਵਿਚ ਕੋਈ ਇਕ ਪਤਿਬ੍ਰਤਾ ਇਸਤਰੀ ਹੁੰਦੀ ਹੈ ॥੬੪੫॥