ਕਿਸੇ ਦਿਸ਼ਾ ਦੀ ਪੌਣ ਚਲਣ ਨਾਲ ਤਾਂ ਬਰਖਾ ਹੋ ਪੈਂਦੀ ਹੈ ਤੇ ਕਿਸੇ ਦਿਸ਼ਾ ਦੀ ਪੌਣ ਨਾਲ ਬੱਦਲ ਉਡ ਜਾਇਆ ਕਰਦੇ ਹਨ, ਮੀਂਹ ਪੈਣਾ ਬੰਦ ਹੋ ਜਾਇਆ ਕਰਦਾ ਹੈ।
ਕਿਸੇ ਜਲ ਦੇ ਪੀਤਿਆਂ ਸਰੀਰ ਨਵਾਂ ਨਰੋਆ ਰਹਿੰਦਾ ਹੈ, ਅਤੇ ਕਿਸੇ ਜਲ ਪੀਨ ਤੋਂ ਬ੍ਰਿਥਾ ਬਿਆਪੈ ਰੋਗ ਉਲਟਾ ਧਾ ਉਠਿਆ ਕਰਦਾ ਤੇ ਰੋਣਾ ਪੈਂਦਾ ਹੈ।
ਕਿਸੇ ਘਰ ਰਸੋਈ ਦੀ ਅੱਗ ਤਾਂ ਪਾਕ ਸਾਕ ਭੋਜਨ ਭਾਜੀ ਆਦਿ ਰਸੋਈ ਦੇ ਸਮਾਨ ਤ੍ਯਾਰ ਕਰਦੀ ਹੈ ਤੇ ਕਿਸੇ ਘਰ ਦੀ ਕਾਰਖਾਨੇ ਆਦਿ ਅੰਦਰ ਗਲੀ ਹੋਈ = ਭੜਕੀ ਹੋਈ ਅੱਗ ਮਹਲ ਮੰਦਿਰ ਸਾੜ ਸੁੱਟਿਆ ਕਰਦੀ ਹੈ।
ਇਸੇ ਪ੍ਰਕਾਰ ਕਿਸੇ ਦੀ ਸੰਗਤ ਵਿਚ ਮਿਲਿਆਂ ਤਾਂ ਜੀਵਨ ਮੁਕਤੀ ਪ੍ਰਾਪਤ ਹੋ ਔਂਦੀ ਹੈ, ਤੇ ਕਿਸੇ ਦੀ ਸੰਗਤ ਵਿਚ ਬੈਠਿਆਂ ਨਰਕ ਨੂੰ ਜਾਈਦਾ ਹੈ ॥੫੪੯॥