ਜਿਵੇਂ ਧਨੁਖ ਤੇ ਬਾਣ ਧਰ ਕੇ ਤੇ ਖਿੱਚ ਕੇ ਚਲਾਈਦਾ ਹੈ ਤਾਂ ਉਹ ਉਧਰ ਨੂੰ ਹੀ ਚਲਿਆ ਜਾਂਦਾ ਹੈ ਜਿਧਰ ਨੂੰ ਚਲਾਈਦਾ ਹੈ।
ਜਿਵੇਂ ਜਿਵੇਂ ਘੋੜੇ ਦੇ ਤਨ ਤੇ ਚਾਬਕ ਲਗਾਇਆਂ ਘੋੜਾ ਤੇਜ਼ੀ ਨਾਲ ਵਿਆਕੁਲ ਹੋ ਕੇ ਭੀ ਉਧਰੇ ਹੀ ਦੌੜਿਆ ਜਾਂਦਾ ਹੈ ਜਿਧਰ ਨੂੰ ਦੁੜਾਈਦਾ ਹੈ।
ਜਿਵੇਂ ਸੁਆਮਣੀ ਅੱਗੇ ਦਾਸੀ ਤਿਆਰ ਬਰ ਤਿਆਰ ਖੜੀ ਰਹਿੰਦੀ ਹੈ ਤੇ ਉਧਰ ਨੂੰ ਹੀ ਦੌੜਦੀ ਹੈ ਜਿਧਰ ਨੂੰ ਭੇਜੀ ਜਾਂਦੀ ਹੈ।
ਤਿਵੇਂ ਪ੍ਰਾਣੀ ਕਿਰਤ ਸੰਜੋਗਾਂ ਅਨੁਸਾਰ ਧਰਤੀ ਤੇ ਭਰਮਦਾ ਫਿਰਦਾ ਹੈ, ਜਿੱਥੇ ਜਿੱਥੇ ਇਸ ਦਾ ਖਾਣਾ ਪੀਣਾ ਹੁੰਦਾ ਹੈ, ਉੱਥੇ ਉੱਥੇ ਹੀ ਜਾ ਕੇ ਖਾਂਦਾ ਹੈ ॥੬੧੦॥