ਲਿਖੇ ਹੋਏ ਵੇਦ ਸ਼ਾਸਤ੍ਰ ਆਦਿ ਕਹਿੰਦੇ ਹਨ ਤੇ ਜ਼ਬਾਨੀ ਵੀ ਸਿਆਣੇ ਤੇ ਆਮ ਲੋਕ ਕਹਿੰਦੇ ਹਨ ਕਿ ਪੰਜਾਂ ਤੱਤਾਂ ਦੇ ਮੇਲ ਤੋਂ ਸਰੀਰ ਬਣਦਾ ਹੈ, ਪਰ ਦੱਸੋ ਕਿ ਪੰਜੇ ਤੱਤ ਆਦਿ ਵਿਚ ਕਿਸ ਤਰ੍ਹਾਂ ਰਚੇ ਗਏ ਹਨ?
ਕਿਸ ਨਾਲ ਧਰਤੀ ਟਿਕਾਈ ਹੋਈ ਹੈ, ਤੇ ਉਸ ਵਿਚ ਧੀਰਜਤਾ ਕਿਵੇਂ ਖਿਲਾਰੀ ਹੋਈ ਹੈ, ਅਕਾਸ਼ ਕਿਸ ਨਾਲ ਗਡਿਆ ਹੋਇਆ ਹੈ, ਜੋ ਬਿਨਾਂ ਪੈਰਾਂ ਦੇ ਖੜਾ ਹੈ?
ਕਿਸ ਨਾਲ ਪਾਣੀ ਬਣਾਇਆ ਤੇ ਠੰਢੀ ਪੌਣ ਅਵਾਜ਼ ਕਰਦੀ ਹੈ? ਅੱਗ ਕਿਉਂ ਤਪਤੀ ਹੈ? ਬੜਾ ਹੀ ਅਸਚਰਜ ਹੈ।
ਇਨ੍ਹਾਂ ਸਭਨਾਂ ਦੇ ਕਾਰਨਾਂ ਦੇ ਕਰਨ ਵਾਲਾ ਮੂਲ ਕਾਰਣ ਅਲਖ ਨਾਥ ਆਪ ਹੈ,ਉਸ ਦਾ ਭੇਦ ਭੀ ਨਹੀਂ ਪਤਾ ਲੱਗਦਾ, ਉਸ ਦੀ ਭੀ ਉਹ ਆਪ ਹੀ ਜਾਣਦਾ ਹੈ ਸਾਡਾ ਇਹ ਕਹਿਣਾ ਬਿਲਕੁਲ ਵਿਅਰਥ ਹੈ ॥੬੨੪॥