कबित सव्ये भाई गुरदास जी
पृष्ठ - 461
ਆਨ ਹਾਟ ਕੇ ਹਟੂਆ ਲੇਤ ਹੈ ਘਟਾਇ ਮੋਲ ਦੇਤ ਹੈ ਚੜਾਇ ਡਹਕਤ ਜੋਈ ਆਵੈ ਜੀ ।
आन हाट के हटूआ लेत है घटाइ मोल देत है चड़ाइ डहकत जोई आवै जी ।
ਤਿਨ ਸੈ ਬਨਜ ਕੀਏ ਬਿੜਤਾ ਨ ਪਾਵੈ ਕੋਊ ਟੋਟਾ ਕੋ ਬਨਜ ਪੇਖਿ ਪੇਖਿ ਪਛੁਤਾਵੈ ਜੀ ।
तिन सै बनज कीए बिड़ता न पावै कोऊ टोटा को बनज पेखि पेखि पछुतावै जी ।
ਕਾਠ ਕੀ ਹੈ ਏਕੈ ਬਾਰਿ ਬਹੁਰਿਓ ਨ ਜਾਇ ਕੋਊ ਕਪਟ ਬਿਉਹਾਰ ਕੀਏ ਆਪਹਿ ਲਖਾਵੈ ਜੀ ।
काठ की है एकै बारि बहुरिओ न जाइ कोऊ कपट बिउहार कीए आपहि लखावै जी ।
ਸਤਿਗੁਰ ਸਾਹ ਗੁਨ ਬੇਚ ਅਵਗੁਨ ਲੇਤ ਸੁਨਿ ਸੁਨਿ ਸੁਜਸ ਜਗਤ ਉਠਿ ਧਾਵੈ ਜੀ ।੪੬੧।
सतिगुर साह गुन बेच अवगुन लेत सुनि सुनि सुजस जगत उठि धावै जी ।४६१।