कबित सव्ये भाई गुरदास जी
पृष्ठ - 563
ਜੈਸੇ ਨਰਪਤਿ ਬਨਿਤਾ ਅਨੇਕ ਬ੍ਯਾਹਤ ਹੈ ਜਾ ਕੇ ਸੁਤ ਜਨਮ ਹ੍ਵੈ ਤਾਂਹੀ ਗ੍ਰਿਹ ਰਾਜ ਹੈ ।
जैसे नरपति बनिता अनेक ब्याहत है जा के सुत जनम ह्वै तांही ग्रिह राज है ।
ਜੈਸੇ ਦਧ ਬੋਹਥ ਬਹਾਇ ਦੇਤ ਚਹੂੰ ਓਰ ਜੋਈ ਪਾਰ ਪਹੁੰਚੈ ਪੂਰਨ ਸਭ ਕਾਜ ਹੈ ।
जैसे दध बोहथ बहाइ देत चहूं ओर जोई पार पहुंचै पूरन सभ काज है ।
ਜੈਸੇ ਖਾਨ ਖਨਤ ਅਨੰਤ ਖਨਵਾਰੋ ਖੋਜੈ ਹੀਰਾ ਹਾਥ ਆਵੈ ਜਾ ਕੈ ਤਾਂ ਕੇ ਬਾਜੁ ਬਾਜ ਹੈ ।
जैसे खान खनत अनंत खनवारो खोजै हीरा हाथ आवै जा कै तां के बाजु बाज है ।
ਤੈਸੇ ਗੁਰਸਿਖ ਨਵਤਨ ਅਉ ਪੁਰਾਤਨ ਪੈ ਜਾਂ ਪਰ ਕ੍ਰਿਪਾ ਕਟਾਛ ਤਾਂ ਕੈ ਛਬਿ ਛਾਜ ਹੈ ।੫੬੩।
तैसे गुरसिख नवतन अउ पुरातन पै जां पर क्रिपा कटाछ तां कै छबि छाज है ।५६३।