کبیت سوئے بھائی گورداس جی

انگ - 16

ਉਲਟਿ ਪਵਨ ਮਨ ਮੀਨ ਕੀ ਚਪਲ ਗਤਿ ਸਤਿਗੁਰ ਪਰਚੇ ਪਰਮਪਦ ਪਾਏ ਹੈ ।

aulatt pavan man meen kee chapal gat satigur parache paramapad paae hai |

من جد مچھلی دی جل دی پربل دھارا دے سہارے اکت سروت دے نکاس نوں پراپت ہون خاتر، چپل گتِ = چنچل چال وت پون پراناں دی دھارا نوں پکڑ کے الٹا ہو وگدا ہے۔ بھاو باہرلے پھرنیاں سنکلپاں ولوں ہٹکے سواساں دی تار دے سہارے انھاں دی آؤن جان دی چال موجب جد الٹا انترمکھ ہو وگدا ہے، تاں ستگر پرچے = ستگراں اپر پورن پرتیت نوں لیا کے پرم پد موکھ پد نوں پراپت ہو جاندا ہے بھوگاں پدارتھاں اتھوا رساں دی کھچّ ولوں مکت ہو جایا کردا ہے۔

ਸੂਰ ਸਰ ਸੋਖਿ ਪੋਖਿ ਸੋਮ ਸਰ ਪੂਰਨ ਕੈ ਬੰਧਨ ਦੇ ਮ੍ਰਿਤ ਸਰ ਅਪੀਅ ਪਿਆਏ ਹੈ ।

soor sar sokh pokh som sar pooran kai bandhan de mrit sar apeea piaae hai |

سور سر سوکھ = سر نام پرواہ دا ہے، سو سورج سر نوں سوکھن سکونا کرے یا سورج نامی اڑا ناڑی سجے پاسے دی ناس رستے چلن ہاری سواس دی سر نوں سکاوے باہر نکال دیوے جو کھبی ناس دے بند کیتیاں ہو سکدا ہے، یا دھیرج نال سمجھ کے کرے تاں ایویں بھی ارُ ایسا کر کے سوم سر چندرما نامی سر سواس دی جو کھبے پاسے دی ناس وچ چلیا کردی ہے، اوس راہیں باہر کڈھ سواس نوں پورن کے بھر کر کے اندر نوں مڑ 'پوکھ' نام پالے ارتھات خالی سواس توں ورتی شتھلتا نوں مڑ تھوہ سر لیاوے، پرنتو جیکوں مچھی الٹی چلکے ٹکر کھا کے مڑ آؤندی تے مڑ پہلے دی تراں ہی الٹی چلدی ہے ارُ لاگتار اجیہا کلول جل دے پرواہ اندر کردی ہے، اسے تراں سواس پرسواس دی لگاتار اندر باہر یا ہیٹھ اپرلی چال انوسار من بھی اس ابھیاس وچ اکسار جٹیا رہے تاں بندھن دے مرت سر = جس ٹکانے سر اپنی پہلی دشا نوں تیاگ کے دوسری دشا وچ پلٹدی ہے تے دوسری وچ پلٹ کے مڑ پہلی ہالت ول ہی جتھوں دی ہو کے الٹدی ہے، اہ سر دی مرتو دا ٹکانا جو سکھمنا دا گھاٹ آکھیا جاندا ہے، اتھے کچھ کال بندھن دے ٹکاؤ سرت دا کرے اجیہا بارمبار کردے رہاں اپء نہیں ہر اک دے پینے لیک جو انبھو رس روپ امرت، اس نوں پیتا کردا ہے۔

ਅਜਰਹਿ ਜਾਰਿ ਮਾਰਿ ਅਮਰਹਿ ਭ੍ਰਾਤਿ ਛਾਡਿ ਅਸਥਿਰ ਕੰਧ ਹੰਸ ਅਨਤ ਨ ਧਾਏ ਹੈ ।

ajareh jaar maar amareh bhraat chhaadd asathir kandh hans anat na dhaae hai |

اجرہِ جارِ = نا ساڑی جا سکن والی ہؤمیں نوں اس پرکار ابھیاس نوں کردا ہویا ساڑ سٹدا ہے تے امرہِ مارِ = امر ہوئے ہوئے، بھاو آمر آکی ہوئے ہوئے من نوں بھی مار پچھاڑ لیندا ہے، جدکِ بھراتِ بھرمنا بھرمچتی اتھوا دیہ ادھیاس بھاو برتی والی اس نوں چھوڑ تیاگ جاندی ہے، جس کر کے استھر کندھ = کندھ روپ سریر دیہ اجر امر ہو جاندی تے ہنس جیو پھیر انت ہور درے ہور ہور جون جونانتراں وچ ن دھائے ہے نہیں بھٹکیا کردا۔

ਆਦੈ ਆਦ ਨਾਦੈ ਨਾਦ ਸਲਲੈ ਸਲਿਲ ਮਿਲਿ ਬ੍ਰਹਮੈ ਬ੍ਰਹਮ ਮਿਲਿ ਸਹਜ ਸਮਾਏ ਹੈ ।੧੬।

aadai aad naadai naad salalai salil mil brahamai braham mil sahaj samaae hai |16|

آدے آدِ سبھ تتاں دی آدِ جو آکاش ہے، جیکوں گھٹ مٹ گھڑے، کوٹھے آدِ دے ٹٹّ گر پین تے مہاں آکاش وچ مل جاندا ہے، ارُ نادے نادِ شبد دی دھنی دھنی وکھے تتھا جل وکھے جل، مل کے ابھید ہو جایا کردا ہے تیکوں ہی اہ جیوت بھاو نوں تیاگ برہ بھاو نوں پراپت ہویا برہم سروپ وکھے مل کے سہجے ہی سما لین ہو جایا کردا ہے ۔۔16۔۔

سوچی (1 - 675)

کبیت سوئے انگ: 1 - 675