کبیت سوئے بھائی گورداس جی

ਸੋਰਠਾ ।

گرو مہاراج جی دا اکال پرکھ سروپ ورنن:

ਬਿਸਮਾਦਹਿ ਬਿਸਮਾਦ ਅਸਚਰਜਹਿ ਅਸਚਰਜ ਗਤਿ ।

بسماد توں بسماد مہان توں مہان اچمبھے وچ پان والا ارُ اسچرج توں بھی اسچرج مہاں اپورب،

ਆਦਿ ਪੁਰਖ ਪਰਮਾਦਿ ਅਦਭੁਤ ਪਰਮਦਭੁਤ ਭਏ ।੧।੮।

الوکک چمتکار سروپی گیان ہے گرو ساہب دا ایشور اؤر مایا آدِ سبھناں آدِ روپاں دے آدِ پہلے ہی استھت روپ مہان توں مہان ولکھن انوکھے بھاو توں بھی ادبھت ولکھن سروپ پرکھ نر تن دھاری اہ ہوئے ہن ۔۔22۔۔

ਦੋਹਰਾ ।

اوہو ہی سدھانت مڑ:

ਅਸਚਰਜਹਿ ਅਸਚਰਜ ਗਤਿ ਬਿਸਮਾਦਹਿ ਬਿਸਮਾਦ ।

چیشٹا گتِ اوناں دی اسچرج توں بھی اسچرج اتینت کر کے چمتکاری وسماد نوں بھی وسماد اچمبھے وچ پون والی-

ਅਦਭੁਤ ਪਰਮਦਭੁਤ ਭਏ ਆਦਿ ਪੁਰਖ ਪਰਮਾਦਿ ।੨।੮।

تتھا آسچرجتا وکھے پون ہاری ایسی کِ اس توں ودھ کے کوئی ادبھت انوکھا ہو ہی نہی سکدا، اس بھانت دے آدِ رہت پرم +آدِ، آدِ پرکھ اہ ہوئے ہن ۔۔23۔۔

ਛੰਦ ।

ਆਦਿ ਪੁਰਖ ਪਰਮਾਦਿ ਸ੍ਵਾਦ ਰਸ ਗੰਧ ਅਗੋਚਰ ।

پرمادِ' 'پرمدبھت' آدی وشیشناں سنجگت نروپن کیتے گئے، آدِ پرکھ ستگورو سواد رس دی آدھار رسنا ارُ گندھ باسنا دی آدھار ناسکا اندری توں اگوچر ہن (ء+گو+چر = گو نام اندریاں دا تے +چر = اوناں وکھے وچرنے یا ورتنے والا ایسا جو اندریاں دا وکھی پدارتھ ہووے اوس نوں گوچر کہندے ہن، تے 'ء' اکھیر نکھیدھی واچک، جس کر کے اگوچر' شبد سدھّ ہویا، بھاو جو اکت اندریاں دا وکھی نہیں ہووے۔

ਦ੍ਰਿਸਟਿ ਦਰਸ ਅਸ ਪਰਸ ਸੁਰਤਿ ਮਤਿ ਸਬਦ ਮਨੋਚਰ ।

ایسا ہی درشن دی آدھار نیتر، اندری، ارُ ء+سپرش تچا اندری جو سپرش دی آدھار ہے اوناں توں بھی وی ہونے جوگ نہیں تیسا ہی شبد دی آدھار سرتِ کنّ اندری، اتے متِ منن کرتا برتی من دی توں اچا ہو کے ورتن والے ہن۔ منوچر = من +)اچ+چر روپ مشرت شبداں دی سندھی جوڑ ہو کے بنیا ہویا ہے۔ اپروکت سموہ کتھن دا بھاو اہ ہے کِ ستگورو اندریاں تتھا من دی گمتا گوچرے کسے پرکار بھی نہیں ہن۔

ਲੋਗ ਬੇਦ ਗਤਿ ਗਿਆਨ ਲਖੇ ਨਹੀਂ ਅਲਖ ਅਭੇਵਾ ।

اس تراں لوگ+گتِ = لوکاچار لوکک گیان پرتکھّ چالی ارُ بھید گیان شبد پرمان دوارے بھی الکھ ابھیو ستگورو نہیں لکھے جانے جا سکدے۔

ਨੇਤ ਨੇਤ ਕਰਿ ਨਮੋ ਨਮੋ ਨਮ ਸਤਿਗੁਰ ਦੇਵਾ ।੩।੮।

تاں تے نیتِ = ن اتی = نہیں اس پرکار، نہیں ایسا ویسا کر کے کتھے جان والے ہون کارن پرکاش سروپ ستگراں تائیں نمسکار ہی بارمبار کردا ہاں ۔۔24۔۔