کبیت سوئے بھائی گورداس جی

انگ - 172

ਸੋਵਤ ਪੈ ਸੁਪਨ ਚਰਿਤ ਚਿਤ੍ਰ ਦੇਖੀਓ ਚਾਹੇ ਸਹਜ ਸਮਾਧਿ ਬਿਖੈ ਉਨਮਨੀ ਜੋਤਿ ਹੈ ।

sovat pai supan charit chitr dekheeo chaahe sahaj samaadh bikhai unamanee jot hai |

ستے پیاں سپنے دی ہالت وچ بیتے برتانت دے چتر دی جیوں کی تیوں چھبِ وا مورتی نوں جے کوئی دیکھنا چاہے تاں کداچت نہیں دیکھ سکدا۔ ایسا ہی سہج استھتی آتما پرائنی ٹکاؤ اندر جو انمنی جوت دا ساکھیات چمتکار پرگٹ ہویا کردا ہے اوس دا برتانت ہے۔

ਸੁਰਾਪਾਨ ਸ੍ਵਾਦ ਮਤਵਾਰਾ ਪ੍ਰਤਿ ਪ੍ਰਸੰਨ ਜਿਉ ਨਿਝਰ ਅਪਾਰ ਧਾਰ ਅਨਭੈ ਉਦੋਤ ਹੈ ।

suraapaan svaad matavaaraa prat prasan jiau nijhar apaar dhaar anabhai udot hai |

مدرا پین دے رس نال مست ہوئے ہوئے املی تانئیں جس تراں دی پرسنتا پراپت ہوئی ہندی ہے اس نوں جیکوں اہ ورنن بیان نہیں کر سکدا تیوں ہی نرنتر اپار دھارا انبھوی رس دی اک سار تار وکھے لولینتا دے آنند دا جو انبھؤ پرگٹیا کردا ہے آکھن وچ نہیں آ سکدا۔

ਬਾਲਕ ਪੈ ਨਾਦ ਬਾਦ ਸਬਦ ਬਿਧਾਨ ਚਾਹੈ ਅਨਹਦ ਧੁਨਿ ਰੁਨ ਝੁਨ ਸ੍ਰੁਤਿ ਸ੍ਰੋਤ ਹੈ ।

baalak pai naad baad sabad bidhaan chaahai anahad dhun run jhun srut srot hai |

بائد باجے دے شبد دی ناد گونج دھنی نوں جے چاہے کوئی بالک پاسوں بدھان ورنن کرونی تاں جیکوں اہ اسمبھو ہے تیکوں ہی سرت دوارے سنی جان ہاری انہد ناد دی دھنی دے رن جھنکار دی وتھیا بھی بانی نہیں کتھن کر سکدی۔

ਅਕਥ ਕਥਾ ਬਿਨੋਦ ਸੋਈ ਜਾਨੈ ਜਾ ਮੈ ਬੀਤੈ ਚੰਦਨ ਸੁਗੰਧ ਜਿਉ ਤਰੋਵਰ ਨ ਗੋਤ ਹੈ ।੧੭੨।

akath kathaa binod soee jaanai jaa mai beetai chandan sugandh jiau tarovar na got hai |172|

اس نا کتھے جا سکن والے بنود کوتک دی کتھا کہانی کیول اوہو ہی جان سکدا ہے جس دے نال ہڈیں بیتدی ارتھات جس دے اندر ورتدی واپردی انبھؤ وکھے آیا کردی ہے جس پرکار کِ چنن دی سگندھی۔ باسنا نال مہک کے 'تروور برچھ ن گوت ہے' نہیں آکھ سکدا۔ کیول لپٹاں دوارے آپنے آپے دا چنن روپ ہو جانا لکھایا کردا ہے، ایسا ہی برہمانند نوں پراپت ہویا پرکھ سپشٹ نہیں لکھا سکیا کردا ۔۔172۔۔

سوچی (1 - 675)

کبیت سوئے انگ: 1 - 675