کبیت سوئے بھائی گورداس جی

انگ - 316

ਚਕਈ ਚਕੋਰ ਮ੍ਰਿਗ ਮੀਨ ਭ੍ਰਿੰਗ ਅਉ ਪਤੰਗ ਪ੍ਰੀਤਿ ਇਕ ਅੰਗੀ ਬਹੁ ਰੰਗੀ ਦੁਖਦਾਈ ਹੈ ।

chakee chakor mrig meen bhring aau patang preet ik angee bahu rangee dukhadaaee hai |

چکوی دی اک سورج ماتر نال، تے چکور دی چندرمے نال اتے ہرن دی گھنڈے ہیڑے دی دھنی نال مچھی دی رس سواد ماتر نال، تتھا بھنگر بھورے دی کول پھلّ نال، ارُ پتنگے دی دیوے دی لاٹ ماتر نال اسے کر کے ہی اینا دی پریتی اک انگی کہی جاندی ہے؛ ایسی اک ماتر پریتی توں چھٹّ سبھنیں پاسیں لتّ اڑان والی پریتی بہُ رنگی کہی جاندی ہے، سو بہتیاں تھاواں تے ونڈی ہوئی بہرنگی پریتی دکھدائی ہندی ہے، کیونکِ بہتیاں پریتماں نوں اکو وار ہی اک سمیں رجھایا نہیں جا سکدا۔ اتھوا اک رنگی اک پاسڑ پریت بہرنگی دکھدائی بہت پرکار کر کے دکھاں دی داتی ہے اؤں بھی ارتھ ہو سکدا ہے پر کبت وچ بھائی ساہب نے جو آشی پرگٹ کیتا ہے اوہ پہلیاں ارتھاں نوں ہی سدھّ کردا ہے۔

ਏਕ ਏਕ ਟੇਕ ਸੈ ਟਰਤ ਨ ਮਰਤ ਸਬੈ ਆਦਿ ਅੰਤਿ ਕੀ ਚਾਲ ਚਲੀ ਆਈ ਹੈ ।

ek ek ttek sai ttarat na marat sabai aad ant kee chaal chalee aaee hai |

اکو اک ہی پیارے دی ٹیک دھار کے اوس ولوں ٹالے ہوئے رلدے نہیں ہن اپروکت جیو، سگوں سارے ہی پیارے دے پیار پچھے موت نوں سہیڑدے ہن۔ اہ آدِ انت دھر توں ہی جگت وچ چال چلی آ رہی ہے بھاو اناں جیواں دے پیار دی اسے کر کے ہی ستھّ تری ہوئی ہے۔

ਗੁਰਸਿਖ ਸੰਗਤਿ ਮਿਲਾਪ ਕੋ ਪ੍ਰਤਾਪੁ ਐਸੋ ਲੋਗ ਪਰਲੋਗ ਸੁਖਦਾਇਕ ਸਹਾਈ ਹੈ ।

gurasikh sangat milaap ko prataap aaiso log paralog sukhadaaeik sahaaee hai |

گر سکھاں دی سنگت سادھ سنگت دے ملاپ دا مہاتم ایسا ہے کِ لوک وچ جیؤندے جی تاں سبھ تراں سکھاں دے دینہارا ہے، تے سریر چھٹن اپرنت پرلوک وچ بھی اتم گتی کلیان دا کارن ہون کر کے سہائی ہے۔ بھاو اکت جیواں واکوں پیار وچ مر مٹیاں کیول نامنے دی پراپتی کر کے اتھے ہی تباہ نہیں کر سٹن والا بلکِ اتھے بھی تیز پرتاپ دا جیؤندے جی کارن، تے پرلوک وچ بھی سہائی ہون ہارا ایسا سادھ سنگت دا پریم ہے۔

ਗੁਰਮਤਿ ਸੁਨਿ ਦੁਰਮਤਿ ਨ ਮਿਟਤ ਜਾ ਕੀ ਅਹਿ ਮਿਲਿ ਚੰਦਨ ਜਿਉ ਬਿਖੁ ਨ ਮਿਟਾਈ ਹੈ ।੩੧੬।

guramat sun duramat na mittat jaa kee eh mil chandan jiau bikh na mittaaee hai |316|

ایسے مہاں پربھاو والی سادھ سنگتِ وچ مل کے تے اننّ پریم دکھالدیاں بھی جیکر گرمتِ گر اپدیش سرون کردیاں کسے دی دشٹ بدھی نہیں مٹدی، بھاو تھاں تھاں بھٹکن دی بان نہیں ہٹدی، تاں اوس نوں چنن دے بوٹے نال چمبڑیا سپّ ہی سمجھنا جو شانتی پرداتے چنن دی سنگت وچ ہر سمیں وسدیاں ہویاں بھی، اپنی وکھ نوارن نہیں کر سکدا ۔۔316۔۔

سوچی (1 - 675)

کبیت سوئے انگ: 1 - 675