کبیت سوئے بھائی گورداس جی

انگ - 71

ਆਦਿ ਕੈ ਅਨਾਦਿ ਅਰ ਅੰਤਿ ਕੈ ਅਨੰਤ ਅਤਿ ਪਾਰ ਕੈ ਅਪਾਰ ਨ ਅਥਾਹ ਥਾਹ ਪਾਈ ਹੈ ।

aad kai anaad ar ant kai anant at paar kai apaar na athaah thaah paaee hai |

آدِ کے انادِ آدِ ارمبھ ولوں انادِ آدِ رہت ہن بھاو جیکر کوئی ستگراں دی آدِ ارمبھ جانن دا جتن کرے، کِ ستگر کد ارُ کس جگ وچ پرگٹے تاں اوناں دی آدِ نہیں پائی جا سکدی، کیونکِ ستگر جگ جگ وکھے ہی پرگٹ رہندے ہن۔ اتے انت کے اننت اتِ انت ولوں ارتھات انت دا پکھّ کوئی لوے تاں اوس ولوں اتِ سے کر کے اننت ہن کیونکِ ہر دیس کال ارُ وستو اندر ہی اوناں دی کلا مری ویاپی رہندی ہے ارُ ایسا ہی پار کے اپار اوناں دا پار بھی کوئی نہیں پا سکدا، کیونکِ اوناں توں پار پرے پرلے کنارے انھاں بناں دوآ ہور کوئی نہیں ہے اوناں دے سویں پورن پاربرہم سوروپ ہون کر کے۔ پھیر اوناں دی تھاہ ہاتھ بھی کسے نے نہیں پائی، کیونکِ اہ اتھاہ اگادھ روپ ہن بھاو اوناں دا تھوہ تھتا اجّ تکّ کوئی نہیں پا سکیا۔

ਮਿਤਿ ਕੈ ਅਮਿਤਿ ਅਰ ਸੰਖ ਕੈ ਅਸੰਖ ਪੁਨਿ ਲੇਖ ਕੈ ਅਲੇਖ ਨਹੀ ਤੌਲ ਕੈ ਤੌਲਾਈ ਹੈ ।

mit kai amit ar sankh kai asankh pun lekh kai alekh nahee taual kai taualaaee hai |

مت کے امت مریادا ولوں اتھواں منتی وجوں، اہ امیؤ اماپ روپ ہن، بھاو اوناں دی لمبائی چڑائی دی مریادا جانن توں پرے ہے بہڑو پھیر ارُ اننجیں ہی پھیر سنکھ کے اسنکھ سنکھیا گینتی والے پکھوں بھی اہ اسنکھ بیشمار انگنت سروپ ہن اتے لیکھے ولوں الیکھ لیکھیوں پار ہن ارؤہ تول کے تولن کر کے جاچیاں ہاڑیاں نہیں تلائی ہے کسے پرکار تولے ہاڑے یا جاچے نہیں جا سکدے۔

ਅਰਧ ਉਰਧ ਪਰਜੰਤ ਕੈ ਅਪਾਰ ਜੰਤ ਅਗਮ ਅਗੋਚਰ ਨ ਮੋਲ ਕੈ ਮੁਲਾਈ ਹੈ ।

aradh uradh parajant kai apaar jant agam agochar na mol kai mulaaee hai |

اردھ ہیٹھاں اردھ اپر دی پرجنت ہدّ اوڑک ولوں اہ اپارجنت اپرجنت اسیم بیؤڑکے ہن۔ بھاو ہیٹھاں اپر دیاں ہداں وٹاں وچ بھی اہ نہیں آ سکدے۔ تے اگمّ من بدھ آدِ انتاکرن دی گمتا توں رہت ہن اتے اگوچر اندریاں دے گھیرے وچ نہیں آ سکدے بھاو نروکھی سروپ ہن تتھا مول کے ن ملائی ہے ملّ وجوں اوناں دا ملّ نہیں کسے پرکار پایا جا سکدا۔

ਪਰਮਦਭੁਤ ਅਸਚਰਜ ਬਿਸਮ ਅਤਿ ਅਬਿਗਤਿ ਗਤਿ ਸਤਿਗੁਰ ਕੀ ਬਡਾਈ ਹੈ ।੭੧।

paramadabhut asacharaj bisam at abigat gat satigur kee baddaaee hai |71|

بہت کیہ آکھیئے، ستگورو پرمدبھت اتسے کر کے اچمبھتکاری سروپ والے ہن، ارُ اتی کر کے اسچرج وچتر سروپ تتھا پریشان کرن والے چرتراں کرنہارے بسم بماد سروپ ہن اہ سبھ کچھ ہندیاں ہویاں بھی ستگراں دی بڈائی مہتّ اہ ہے کِ ابگت اپگتیاں گھور اپرادھیاں دی بھی گتِ کلیان کرنہارے ہن ۔۔71۔۔

سوچی (1 - 675)

کبیت سوئے انگ: 1 - 675