کبیت سوئے بھائی گورداس جی

انگ - 28

ਸਬਦ ਸੁਰਤਿ ਲਿਵ ਗੁਰ ਸਿਖ ਸੰਧ ਮਿਲੇ ਸਸਿ ਘਰਿ ਸੂਰਿ ਪੂਰ ਨਿਜ ਘਰਿ ਆਏ ਹੈ ।

sabad surat liv gur sikh sandh mile sas ghar soor poor nij ghar aae hai |

گرو ار سکھّ دی سندھِ جوڑ مل جڑ پین تے شبد گرو دے اپدیش نام دی سہج دھنی وکھے سرتِ دی لو لگدی ہے، اؤں کر کے کِ جد سسِ چندرما = کھبے پاسے دی پران دھارا گھرِ سور سورج سر سجے پاسے دی پران دھارا دے گھر آ جاوے تے اہی الٹ کے بھاو سورج سر چندرما دے گھر پور پورن آن بھریئے، تاں گرمکھ دا من نج گھر اپنے اسلی ٹکانے آتم پد وکھے آ جاندا ہے۔

ਓੁਲਟਿ ਪਵਨ ਮਨ ਮੀਨ ਤ੍ਰਿਬੈਨੀ ਪ੍ਰਸੰਗ ਤ੍ਰਿਕੁਟੀ ਉਲੰਘਿ ਸੁਖ ਸਾਗਰ ਸਮਾਏ ਹੈ ।

oulatt pavan man meen tribainee prasang trikuttee ulangh sukh saagar samaae hai |

اہ الٹایا اس بھانت جاندا ہے کِ مچھی وانگوں جل دے سروت اپر پہنچن خاتر جیکوں اہ پرواہ الٹا پکڑ کے۔ چلدی تے تھاہ نا پا کے مڑ آؤندی ار پھیر اننجیں ہی پچھاہاں نوں الٹا موڑا کھاندی ہوئی بار بار ایسا ہی کردی رہندی ہے، تیکوں ہی سو من مچھّ نوں پون دی دھارا نال شبد دے آسرے اکت دھارا انوسار اک سار سواساں دی آواجائی انوسار ورتائی جاوے، تاں سجی کھبی سر جہڑے ٹکانے سکھمنا ناڑی دے گھاٹ اپر میل کھاندیاں ہن اوس تربینی دے ٹکانے جا پرسنگ سمبدھ = پہنچ پراپت کردا ہے، ارُ پھیر ترکٹی دے استھان تے پج اوس نوں بھی النگھ کے شانت سروور نامی سکھ ساغر سکھ سمندر روپ سنّ پد اپھر پد سروپ چوتھے دھام وکھے ہی جا سماؤندا ہے۔

ਤ੍ਰਿਗੁਨ ਅਤੀਤ ਚਤੁਰਥ ਪਦ ਗੰਮਿਤਾ ਕੈ ਨਿਝਰ ਅਪਾਰ ਧਾਰ ਅਮਿਅ ਚੁਆੲੈ ਹੈ ।

trigun ateet chaturath pad gamitaa kai nijhar apaar dhaar amia chuaaeai hai |

جد اؤں چوتھے پد تریا پد وکھے گمتا کے پہنچ پراپت کر لیندا ہے تاں تناں گناں رجو ستو تمو ارُ اناں دے بل توں اتپنّ ہون ہاریاں جاگرت سپن سکھوپت روپ اوستھاواں دے بیگ توں ہون ہاریاں اسراں توں اتیت = رہت ہو جاندا ہے، جد کِ نجھر جھرنے پھہارے = جھلار توں بناں ہی اپار دھارا امرت دی اس دے اندر چو آیا کردی ہے۔

ਚਕਈ ਚਕੋਰ ਮੋਰ ਚਾਤ੍ਰਿਕ ਅਨੰਦਮਈ ਕਦਲੀ ਕਮਲ ਬਿਮਲ ਜਲ ਛਾਏ ਹੈ ।੨੮।

chakee chakor mor chaatrik anandamee kadalee kamal bimal jal chhaae hai |28|

سورج دی گتی سادھ لین کر کے چکوی وت تے چندر سر نوں سادھ کے چکور سمان ار شبد دھنی نوں پراپت ہندا ہویا مور وانگوں تتھا امرت دھارا دے چون کارن چاترک پپیہے سمان، آنند مئی آنند روپنی دشا نوں ماندا ہویا ایس تراں پرپھلت ہندا ہے، جس تراں کِ نرمل جل وکھے کول تتھا کیلا ۔۔28۔۔ کیلے تے کول اندر اتنی ہدّ درجے دی چکناہٹ ہون کارن جیکوں جل انھاں نوں پوہ نہیں سکدا تیکوں ہی گرمت وکھے درڑھ ہوئے گرمکھ گیانی نوں ایہ سنسار بھی ہن آپنے وچ رہندیاں سندیاں بھی لپائمان نہیں کر سکدا۔

سوچی (1 - 675)

کبیت سوئے انگ: 1 - 675