کبیت سوئے بھائی گورداس جی

انگ - 286

ਨਵਨ ਗਵਨ ਜਲ ਸੀਤਲ ਅਮਲ ਜੈਸੇ ਅਗਨਿ ਉਰਧ ਮੁਖ ਤਪਤ ਮਲੀਨ ਹੈ ।

navan gavan jal seetal amal jaise agan uradh mukh tapat maleen hai |

جس پکار نوان نیویں پاسے ولّ گمن کردا چلدا ہے پانی تے اس کر کے رہندا ہے اہ ٹھنڈھا ٹھار تے نرمل سوچھ = میل دور کرن والا، اسے تراں نمرتا -ادھینگی دھارن والے ہندے ہن، سادھ اسل سکھّ اتے اگّ چلدی بلدی ہے جیکوں اتاہاں منہ کر کے تے اس کر کے ہی اہ رہندی ہے سدا سڑدی اتے میلی تیکوں ہی ہنکاری گرمت نوں لتاڑ آپا ہدری وچ ترن والے ہندے ہن، اسادھ = اسکھّ۔

ਬਰਨ ਬਰਨ ਮਿਲਿ ਸਲਿਲ ਬਰਨ ਸੋਈ ਸਿਆਮ ਅਗਨਿ ਸਰਬ ਬਰਨ ਛਬਿ ਛੀਨ ਹੈ ।

baran baran mil salil baran soee siaam agan sarab baran chhab chheen hai |

رنگ رنگ نال، بھاو جیہو جیہا رنگ آن ملے جل اوسے ہی رنگ دا ہو دکھوندا ہے۔ پر اندروں اپنی سوچھ رنگت دا رہندا ہے ارتھات نا پرائے دا ہرجا کردا تے نا اپنی ہی ہانی ہون دندا ہے پر اگّ آپ کالے مونہ والی ہے تے سبھ رنگاں روپاں دی چھبِ = سندرتا نوں ناس کر سٹدی ہے۔ ایسا ہی ہال اسلی سکھاں تے اسکھاں وا سادھاں اسادھاں دا سمجھ رکھو۔

ਜਲ ਪ੍ਰਤਿਬਿੰਬ ਪਾਲਕ ਪ੍ਰਫੁਲਿਤ ਬਨਾਸਪਤੀ ਅਗਨਿ ਪ੍ਰਦਗਧ ਕਰਤ ਸੁਖ ਹੀਨ ਹੈ ।

jal pratibinb paalak prafulit banaasapatee agan pradagadh karat sukh heen hai |

جل سورج دے الٹویں بمب اکس = پرچھاویں نوں اپنے وچ پیندیاں پالدا سمپالدا ہے اس لئی کِ سورج دے پرکاش دوارے اوس توں اپجیاں بنسپتیاں پرپھلت رہندیاں ہن اتھوا جل برکھا روپ ہویا مانو سورج توں پرگٹدا ہے۔ پرنتو اگّ جل نوں تے اوس توں اتپنّ ہوئیاں بناسپتیاں نوں پردگدھ کردی بھلی پرکار بری ترھاں ساڑدی ہے، تے اونھاں نوں سرب سکھاں توں رہت کر دندی ہے مانو اپنے توں اپجائے ہون دی لاج نہیں پالدی۔ اہی ہال سکھّ سادھ دا تے اسکھّ اسادھ دا ہے، کِ اہ دوسرے دے اپکار نوں کدی نہیں وساردا تے اپنتّ دی لاج نبانہدا ہے ارُ اہ اپکار یا اپنتّ نوں مولوں ہی وسار کے سدا اپکار برا ہی کردا ہے۔

ਤੈਸੇ ਹੀ ਅਸਾਧ ਸਾਧ ਸੰਗਮ ਸੁਭਾਵ ਗਤਿ ਗੁਰਮਤਿ ਦੁਰਮਤਿ ਸੁਖ ਦੁਖ ਹੀਨ ਹੈ ।੨੮੬।

taise hee asaadh saadh sangam subhaav gat guramat duramat sukh dukh heen hai |286|

تسے پرکار ہی اسادھ تتھا سادھ دے سنگم ملاپ دی گتِ ہالت جان لوو، کِ سادھ تاں گرمت دے کارن دکھ ہین = سکھ سروپ ہے، اتے اسادھ درمتِ کر کے سکھ ہین = دکھی رہندا ہے ۔۔286۔۔

سوچی (1 - 675)

کبیت سوئے انگ: 1 - 675