کبیت سوئے بھائی گورداس جی

انگ - 226

ਗੁਰਮਤਿ ਸਤਿ ਰਿਦੈ ਸਤਿਰੂਪ ਦੇਖੇ ਦ੍ਰਿਗ ਸਤਿਨਾਮ ਜਿਹਬਾ ਕੈ ਪ੍ਰੇਮ ਰਸ ਪਾਏ ਹੈ ।

guramat sat ridai satiroop dekhe drig satinaam jihabaa kai prem ras paae hai |

جناں پرکھاں دے ہردے اندر گرمتِ ستِ واستو دشا وچ وسّ گئی ہے، اہ پرتکھّ درگ نیتراں دوارے جدھر کدھر ستی سروپ پرماتما نوں ہی دیکھیا کردے ہن، تے جہبا رسنا دوارے جو اچاردے اتھوا رس سواد لیندے ہن اہ بھی سبھ ستِ ہی واہگرو دے نام سروپ تتھا پریم رس دی پراپتی روپ ہندا ہے۔

ਸਬਦ ਬਿਬੇਕ ਸਤਿ ਸ੍ਰਵਨ ਸੁਰਤਿ ਨਾਦ ਨਾਸਕਾ ਸੁਗੰਧਿ ਸਤਿ ਆਘ੍ਰਨ ਅਘਾਏ ਹੈ ।

sabad bibek sat sravan surat naad naasakaa sugandh sat aaghran aghaae hai |

سرون کناں دوارے سرتِ سندے ہن جو ناد دھنی آواز آدِ اہ ستِ شبد پرتکھّ اچارن دی گمتا توں پار، پرا روپ وا ربی دھونی روپ ہی ببیک ویچاریا وا سمجھیا کردے ہن تے ناساں تھانیں سنگھی جا رہی سگندھی نوں بھی ستی سروپ سنگھنی نال ہی ترپت منیا کردے ہن۔

ਸੰਤ ਚਰਨਾਮ੍ਰਤ ਹਸਤ ਅਵਲੰਬ ਸਤਿ ਪਾਰਸ ਪਰਸਿ ਹੋਇ ਪਾਰਸ ਦਿਖਾਏ ਹੈ ।

sant charanaamrat hasat avalanb sat paaras paras hoe paaras dikhaae hai |

سنتاں ستگراں دے چرناں دے امرت پان کرن کر کے گرمکھ سجن ماتر تے ہی جو کچھ بھی اوناں دے ہتھاں دے سہارے نوں پراپت ہو جاوے بھاو اوناں دے ہتھ جس کسے نوں لگ جاندے ہن، پارس واکوں پرسن والے پارس دی ساکھیات بن دکھالدے ہن اوس نوں سوار دین والے۔

ਸਤਿਰੂਪ ਸਤਿਨਾਮ ਸਤਿਗੁਰ ਗਿਆਨ ਧਿਆਨ ਗੁਰ ਸਿਖ ਸੰਧਿ ਮਿਲੇ ਅਲਖ ਲਖਾਏ ਹੈ ।੨੨੬।

satiroop satinaam satigur giaan dhiaan gur sikh sandh mile alakh lakhaae hai |226|

تاتپرج کیہ کِ ستگراں دے اپدیشے ستنامُ دے بل کر کے جو منکھّ نوں ہندا ہے گیان تتھا اس جانے ہوئے پرم تتّ وکھے بجھدا ہے جو دھیان اہ ستی سروپ ہی ہندا ہے تے بسّ ایہو ہی گرسکھّ سندھی دے ملن پر الکھ پدارتھ دا لکھتا وچ اؤنا ہے ۔۔226۔۔

سوچی (1 - 675)

کبیت سوئے انگ: 1 - 675