کبیت سوئے بھائی گورداس جی

انگ - 150

ਸਤਿਗੁਰ ਸਤਿ ਸਤਿਗੁਰ ਸਤਿ ਸਤਿ ਰਿਦੈ ਭਿਦੈ ਨ ਦੁਤੀਆ ਭਾਉ ਤ੍ਰਿਗੁਨ ਅਤੀਤ ਹੈ ।

satigur sat satigur sat sat ridai bhidai na duteea bhaau trigun ateet hai |

ستگورو ستی سروپ ساکھیات پاربرہم روپ ہن، تے اوناں دی متِ اپدیش مئی بانی بھی ستی سروپی برہمبھاونی ہی ہے۔ ہردے وکھے نہیں پونہدا دویت بھاؤ مایا روپی سنسار دی سچّ پرتیتی روپ بھاونا بھونی ارتھات اوناں گرمکھاں دے اندر نہیں کدی پھردی میں، متتا سبندھی پدارتھاں وکھے ستیتا بدھی، جناں دے ہردے اندر ستی سروپی ستگراں دی سچی سکھیا بانی نے نواس پا لیا ہووے تے اسے کر کے ہی اہ تناں گناں توں اتیت رہندے ہن بھاو رجو تمو ستو گناں توں اتپنّ ہون والیاں برتیاں اتھوا جاگرت سپن سکھوپتی روپ اوستھاواں دے گیڑ وچ ورتدے ہوئے بھی اہ اناں توں رہت اناں تناں دے ساکھی سروپ چیتنّ تتّ روپ تریا پد وکھے ہی ٹکے رہندے ہن۔

ਪੂਰਨ ਬ੍ਰਹਮ ਗੁਰ ਪੁਰਨ ਸਰਬਮਈ ਏਕ ਹੀ ਅਨੇਕ ਮੇਕ ਸਕਲ ਕੇ ਮੀਤ ਹੈ ।

pooran braham gur puran sarabamee ek hee anek mek sakal ke meet hai |

پورن برہم سروپ پورن ستگورو ہی سرب سروپ ہویا اونھاں نوں دکھائی دیا کردا ہے ارُ اکّ پرماتم ستا ہی انیکاں وکھے میک ملی ہوئی سدیو کال دسن کر کے اہ سبھ دے متر پیارے سنیہی بنے رہندے ہن۔

ਨਿਰਬੈਰ ਨਿਰਲੇਪ ਨਿਰਾਧਾਰ ਨਿਰਲੰਭ ਨਿਰੰਕਾਰ ਨਿਰਬਿਕਾਰ ਨਿਹਚਲ ਚੀਤ ਹੈ ।

nirabair niralep niraadhaar niralanbh nirankaar nirabikaar nihachal cheet hai |

اوناں دے چِ توچ ویر ورودھ نہیں رہندا، کسے دی موہ ممتا آدِ دا لیپ سپرش اونھاں نوں نہیں لگیا کردا، ادھار آسرے پرنے توں بھی اہ رہت ہندے ہن، ارُ المب سہارے توں بھی اہ بہین ہندے ہن، تتھا اکار دھاری ہندے ہوئے بھی دیہ آدِ توں اسنگ نراکار بھاو وکھے ورتیا کردے ہن، اسے تراں سریر ارُ من دیاں وکاراں ہیرا پھیریاں توں انھاں دا چتّ اچھوہ رہندا ہے تے اویں ہی چنچلتا توں رہت اڈول بھی۔

ਨਿਰਮਲ ਨਿਰਮੋਲ ਨਿਰੰਜਨ ਨਿਰਾਹਾਰ ਨਿਰਮੋਹ ਨਿਰਭੇਦ ਅਛਲ ਅਜੀਤ ਹੈ ।੧੫੦।

niramal niramol niranjan niraahaar niramoh nirabhed achhal ajeet hai |150|

اناں دے اندر ممتا دی میل توں رہت اجلا ہندا ہے، تے اتینت اچّ بھاواں والا اوناں دا چتّ ہو جان کارن اوناں دی کیمت کدر نہیں پائی جا سکیا کردی۔ مایا اودیا دی انجن روپ کالک توں اہ رہت ہندے ہن تے اہ پراربدھ انوسار خان پان آدِ کردے ہوئے بھی اندریاں دے ابھیمان رہت ہون کارن مانو نراہار رہندے ہن۔ موہن کرن ہارے پدارتھ اونھاں نوں موہت نہیں کر سکدے تے بھرم کر کے اوناں دا ہردا بھیدیا ونیا نہیں جایا کردا۔ اسی بھانت اہ اندرجال آدِ ودیا دوارے چھلے نہیں جا سکیا کردے تتھا اہ اجیت اجی سروپ ہندے ہن ۔۔150۔۔

سوچی (1 - 675)

کبیت سوئے انگ: 1 - 675