کبیت سوئے بھائی گورداس جی

انگ - 196


ਪਵਨਹਿ ਪਵਨ ਮਿਲਤ ਨਹੀ ਪੇਖੀਅਤ ਸਲਿਲੇ ਸਲਿਲ ਮਿਲਤ ਨਾ ਪਹਿਚਾਨੀਐ ।
pavaneh pavan milat nahee pekheeat salile salil milat naa pahichaaneeai |

پورب اتھوا پچھم وکھے بہِ رہی دھارا پون دی آپے وچ ملدی ہوئی نہیں تکی جا سکدی، یا اندر باہر دی پون دا میل ہندا ہویا نہیں تکیا جا سکدا، ارُ نداں تے سمندر دا اڈو اڈّ کہوندا ہویا پانی اکّ دوئے پانی وچ ملدا ہویا نہیں پچھانیا جا سکدا۔

ਜੋਤੀ ਮਿਲੇ ਜੋਤਿ ਹੋਤ ਭਿੰਨ ਭਿੰਨ ਕੈਸੇ ਕਰਿ ਭਸਮਹਿ ਭਸਮ ਸਮਾਨੀ ਕੈਸੇ ਜਾਨੀਐ ।
jotee mile jot hot bhin bhin kaise kar bhasameh bhasam samaanee kaise jaaneeai |

جوتِ اگنی وکھے جوتِ اگنی آپو وچ ملی کس تراں نیاری نیاری ہو سکے اتے بھسمہِ راکھ مرتکا وچ مرتکا سمانی ملی کس پرکار جانی جا سکیا کردی ہے کسے بھانت نہیں جان سکیدی۔

ਕੈਸੇ ਪੰਚਤਤ ਮੇਲੁ ਖੇਲੁ ਹੋਤ ਪਿੰਡ ਪ੍ਰਾਨ ਬਿਛੁਰਤ ਪਿੰਡ ਪ੍ਰਾਨ ਕੈਸੇ ਉਨਮਾਨੀਐ ।
kaise panchatat mel khel hot pindd praan bichhurat pindd praan kaise unamaaneeai |

انجیں ہی انھاں تتاں دی باہرلی دشا واکوں، پنجاں تتاں آکاش وایو اگنی جل پرتھوی دا میل ہو کے کس پرکار اہ سریراں تے پراناں دی ملونی دا کھیل ہو رہا ہے، ارُ کس پرکار اہ سریر تے پران آپو وچ وچھڑدے ہن بھاو جیون ارُ مرتُ کس بھانت سنسار وچ ورتدی ہے، اس دا انومان کیکوں لایا جا سکے کنتو نہیں لایا جا سکدا۔

ਅਬਿਗਤ ਗਤਿ ਅਤਿ ਬਿਸਮ ਅਸਚਰਜ ਮੈ ਗਿਆਨ ਧਿਆਨ ਅਗਮਿਤਿ ਕੈਸੇ ਉਰ ਆਨੀਐ ।੧੯੬।
abigat gat at bisam asacharaj mai giaan dhiaan agamit kaise ur aaneeai |196|

جد اہ باہرلے پسارے دا مرم ہی نہیں جانیا جا سکدا تاں ابگتِ گیان سروپ دی گتی اتی بسماد روپ اتے اچرج مئی ہے، اوس دے گیان نوں دھیان وچ لؤنا اگم اتِ اگمتا دی اودھی روپ ہے درشٹانت اداہرن دے کے اوس اگمّ دے کہن دا ویچار کس پرکار ہردے وچ لیاندا جا سکے؟ بھاو اہ سبھ پرکار کر کے ہی اگمّ توں بھی اگمّ ہے ۔۔196۔۔