کبیت سوئے بھائی گورداس جی

انگ - 156

ਜੈਸੇ ਜੈਸੇ ਰੰਗ ਸੰਗਿ ਮਿਲਤ ਸੇਤਾਂਬਰ ਹੁਇ ਤੈਸੇ ਤੈਸੇ ਰੰਗ ਅੰਗ ਅੰਗ ਲਪਟਾਇ ਹੈ ।

jaise jaise rang sang milat setaanbar hue taise taise rang ang ang lapattaae hai |

جس جس پرکار دے لال ساوے پیلے کالے آدِ رنگاں نال سیت امبر چٹا اجلا بستر ملت میل پاوے، تیہو تیہو جیہے رنگ نوں ہی انگ انگ لپٹائ اپنی تار تار وچ لین جزب کر کے ہئ ہے بن جاندا ہے اوسے ہی رنگ دا۔

ਭਗਵਤ ਕਥਾ ਅਰਪਨ ਕਉ ਧਾਰਨੀਕ ਲਿਖਤ ਕ੍ਰਿਤਾਸ ਪਤ੍ਰ ਬੰਧ ਮੋਖਦਾਇ ਹੈ ।

bhagavat kathaa arapan kau dhaaraneek likhat kritaas patr bandh mokhadaae hai |

کرتاس پتر کاغز دا پترا مہاں اپوتر گندا منیا ہے، کیونکِ گلیاں بازاراں وچ رلدیاں گلیاں سڑیاں لیراں کتیراں نوں گال گال، کٹّ کٹّ ار دبّ دبّ کے تیار کیتا جاندا ہے سو ایسے گندے مندے کاغز دے پتریاں اپر بھگوت ارادھن کؤ دھارنیک کتھا لکھت بھگونت دی ارادھنا خاتر دھارن جوگ جے کتھا لکھی جاوے تاں اوہو گندا کاغز سنسار دیاں بندھناں توں مکتی داتا بن پیا کردا ہے۔

ਸੀਤ ਗ੍ਰੀਖਮਾਦਿ ਬਰਖਾ ਤ੍ਰਿਬਿਧਿ ਬਰਖ ਮੈ ਨਿਸਿ ਦਿਨ ਹੋਇ ਲਘੁ ਦੀਰਘ ਦਿਖਾਇ ਹੈ ।

seet greekhamaad barakhaa tribidh barakh mai nis din hoe lagh deeragh dikhaae hai |

ورھے سال بھر دے سمیں اندر سیالا ہنالا تے برسات کنمنی بہار اہ تنّ پرسدھّ رتاں ورتیا کردیاں ہن، جناں رتاں دے نال سبندھ پائے رات دن چھوٹے تے وڈے ہو دکھایا کردے ہن۔

ਤੈਸੇ ਚਿਤ ਚੰਚਲ ਚਪਲ ਪਉਨ ਗਉਨ ਗਤਿ ਸੰਗਮ ਸੁਗੰਧ ਬਿਰਗੰਧ ਪ੍ਰਗਟਾਇ ਹੈ ।੧੫੬।

taise chit chanchal chapal paun gaun gat sangam sugandh biragandh pragattaae hai |156|

اتے اس بھانت پون دے گؤن آکاش وچ گتِ چلدیاں ہویاں اتھوا پؤن دے گؤن چلن دی گتِ چال جس جس بھانت دی بھلی بری مہک والے پدارتھ دے سنگم ساتھ نال میل پاوے اوہو اوہو جیہی ہی چنگی وا بھیڑی گندھ باسنا نوں پرگٹایا کردی ہے، تسے پرکار ہی چنچل چتّ دی چپل چلایمان دشا دا سبھاء سمجھو کِ جس جس بھانت دے سبھاء والے بھلے برے پرکھ وا پدارتھ دی سنگت نوں پراپت ہووے اوہو اوہو جیہیاں واسناں، سنکلپاں تتھا سنسکاراں نوں اپنے وچوں پرگٹ چاہ بھریا کردا ہے ۔۔156۔۔

سوچی (1 - 675)

کبیت سوئے انگ: 1 - 675