کبیت سوئے بھائی گورداس جی

انگ - 283

ਸ੍ਰੀ ਗੁਰ ਸਬਦ ਸੁਨਿ ਸ੍ਰਵਨ ਕਪਾਟ ਖੁਲੇ ਨਾਦੈ ਮਿਲਿ ਨਾਦ ਅਨਹਦ ਲਿਵ ਲਾਈ ਹੈ ।

sree gur sabad sun sravan kapaatt khule naadai mil naad anahad liv laaee hai |

سری گرو مہاراج دی دا شبد کناں دوارے سندے سار ہی کناں دے کپاٹ کواڑ کھلّ اؤندے ہن، بھاو انتریامی نے اپنیاں سموہ وبھوتیاں سمیت آپ اساڈے اندر نواس لیا ہویا ہون تے بھی، جناں آسا اندیسے آدِ روکاں کارن اسانوں اہ درشٹ نہیں اؤندا سی، اہ روکاں دور ہو کے اندر کھلھ آیا کردا ہے، ارگرو دے اپدیش روپ ناد وکھے اساڈی انتریوی ناد، بھاو اندرلا بول = آتمک سدّ جد مل جاندی ہے ارتھات گر شبد وکھے سرتِ اساڈی جد پورن پرچا پراپت کر لیندی ہے، تد انہد دھنی ربی ناد اساڈے اندر پرگٹ ہو اؤندی ہے، تے اس وچ اساڈی لو لگ جاندی ہے۔

ਗਾਵਤ ਸਬਦ ਰਸੁ ਰਸਨਾ ਰਸਾਇਨ ਕੈ ਨਿਝਰ ਅਪਾਰ ਧਾਰ ਭਾਠੀ ਕੈ ਚੁਆਈ ਹੈ ।

gaavat sabad ras rasanaa rasaaein kai nijhar apaar dhaar bhaatthee kai chuaaee hai |

تاتپرج کیہ کِ رسائن = رس+آئن = رساں دی استھان سروپ سرت بھاوی رسنا دوارے وا ساکھیات رسنا دوارے = رس پریم نال شبد گاین کردیاں اپدیش کماندیاں دسم دوار روپ بھٹھی توں نتّ جھرن والی اپار دھارا نوں چوا لیندا ہے بھاو اک سار لو دی تار لگن دے انبھو رس نوں مانن لگ پیندا ہے۔

ਹਿਰਦੈ ਨਿਵਾਸ ਗੁਰ ਸਬਦ ਨਿਧਾਨ ਗਿਆਨ ਧਾਵਤ ਬਰਜਿ ਉਨਮਨਿ ਸੁਧਿ ਪਾਈ ਹੈ ।

hiradai nivaas gur sabad nidhaan giaan dhaavat baraj unaman sudh paaee hai |

اسے تراں نال گیان دے ندھان بھنڈار گر شبد دے ہردے اندر ٹک جان کر کے بھٹکدا ہویا من سبھاوک ہی برجیا رہندا ہے، جس کر کے اکاگرت من نوں انمنی بھاو آپے وکھے مگن ہون دی اوستھا دی سوجھ پراپت ہو اؤندی ہے۔

ਸਬਦ ਅਵੇਸ ਪਰਮਾਰਥ ਪ੍ਰਵੇਸ ਧਾਰਿ ਦਿਬਿ ਦੇਹ ਦਿਬਿ ਜੋਤਿ ਪ੍ਰਗਟ ਦਿਖਾਈ ਹੈ ।੨੮੩।

sabad aves paramaarath praves dhaar dib deh dib jot pragatt dikhaaee hai |283|

اس بھانت گر شبد نوں سنِ رسنا دوارے گاین کردیاں تتھا ہردے اندر وسایاں جد سبھ تراں نال گرمکھ شبد وکھے اویس سمائی پا کے پرمارتھ وچ پرویش پا لیندا ہے، تاں گرمکھ دی دیہ دبّ جوت والی اتینت پراکرمی پرم تیجسوی پرتکھّ ہی درشٹ اؤن لگ پیا کردی ہے۔ اتھوا اوس دی دیہ بھی دبّ سندر بھاو والی ہو جایا کردی ہے تے اوس دے اندر واہگرو دی جوت پرکاش ساکھیات پرگٹ دس پیندی ہے ۔۔283۔۔

سوچی (1 - 675)

کبیت سوئے انگ: 1 - 675