کبیت سوئے بھائی گورداس جی

انگ - 64

ਗੁਰਮੁਖਿ ਮਨ ਬਚ ਕਰਮ ਇਕਤ੍ਰ ਭਏ ਪਰਮਦਭੁਤ ਗਤਿ ਅਲਖ ਲਖਾਏ ਹੈ ।

guramukh man bach karam ikatr bhe paramadabhut gat alakh lakhaae hai |

من بانی سریر کر کے اکتر ایکتا بھاو وکھے پراپت ہو کے گرمکھ الکھ سروپی پرم ادبھت گتی اوستھا یا گیان نوں لکھائے ہے انبھو کریا کردا ہے۔

ਅੰਤਰ ਧਿਆਨ ਦਿਬ ਜੋਤ ਕੋ ਉਦੋਤੁ ਭਇਓ ਤ੍ਰਿਭਵਨ ਰੂਪ ਘਟ ਅੰਤਰਿ ਦਿਖਾਏ ਹੈ ।

antar dhiaan dib jot ko udot bheio tribhavan roop ghatt antar dikhaae hai |

اسی پرکار اندر اک سروپی درشن دے دھیان وچ سبھ تراں ورتدیاں ہویاں دبی جوت اپما توں رہت پرم منوہر پرکاش پرماتما دا ادوت بھئیو ادے ہو اؤندا ساکھیاتکارتا نوں پراپت ہویا کردا ہے جس کر کے گھٹ انتر سریر دے اندر اندر ہی تربھون روپ ترلوکی دے اندر ورتنہارے سربت روپ وا اکاش پتال مات لوک، اندر ورتنہارے سموہ نزارے چمتکار پرتکھّ دس آیا کردے ہن۔

ਪਰਮ ਨਿਧਾਨ ਗੁਰ ਗਿਆਨ ਕੋ ਪ੍ਰਗਾਸੁ ਭਇਓ ਗੰਮਿਤਾ ਤ੍ਰਿਕਾਲ ਗਤਿ ਜਤਨ ਜਤਾਏ ਹੈ ।

param nidhaan gur giaan ko pragaas bheio gamitaa trikaal gat jatan jataae hai |

جس پرکار آکاس پاتال ارُ مات لوک دے پسارے دکھائی دین لگ پیندے ہن تسی پرکار جد ندھیاں دا پرم استھان کارن روپ گر گیان اندر پرگاس پرگٹ ہویا کردا ہے، تاں ترکال گتِ تنّ کالاں بھوت بھوکھیت ورتمان دی درشٹی دی گمتا پہنچ پراپتی ہو اؤندی ہے۔ ارُ ایہو ہی جتن سادھن گیان جتائے ہے واہگرو وچ جوڑی رکھیا کردا ہے بھاو ترلوکی دی ارُ ترکال درشتا دی پراپتی ہون کر کے اس چیٹک وچ بھرم نہیں جایا کردا، بلکِ واہگرو وچ ہی استھت رہا کردا ہے۔

ਆਤਮ ਤਰੰਗ ਪ੍ਰੇਮ ਰਸ ਮਧ ਪਾਨ ਮਤ ਅਕਥ ਕਥਾ ਬਿਨੋਦ ਹੇਰਤ ਹਿਰਾਏ ਹੈ ।੬੪।

aatam tarang prem ras madh paan mat akath kathaa binod herat hiraae hai |64|

کیونکِ اہ اس پرکار دی گمتا وا انبھؤ نوں آتم ترنگ اپنے اندر دا ہی آتمک پھرنا ماتر سمجھ کے پریم رس برہمانند روپ مدھ امرت نشے نوں پان چھک کر کے، مت مست سرشار کھیوا، ہویا رہندا ہے، تے اہ جو بنود کوتک تماشا وا انبھوی لیلھا ہے، اس دی کتھا کہانی اکتھ کہن توں بہت ہی دور ہے، ارُ جہڑا کوئی ہیرت اس نوں تکتا انبھو کردا ہے، اہ آپنے آپ نوں ہی مانو ہرائے تکدا ہویا انبھو کردا ہے۔ اتھوا جو آپے نوں ہرائے گوائے اکت دھیان وچ گمّ کرے اہ اس نا کہے جان والے کوتک دی کہانی نوں سامرتکھّ تک پاویگا ۔۔64۔۔

سوچی (1 - 675)

کبیت سوئے انگ: 1 - 675