کبیت سوئے بھائی گورداس جی

انگ - 279

ਦਰਸਨ ਸੋਭਾ ਦ੍ਰਿਗ ਦ੍ਰਿਸਟਿ ਗਿਆਨ ਗੰਮਿ ਦ੍ਰਿਸਟਿ ਧਿਆਨ ਪ੍ਰਭ ਦਰਸ ਅਤੀਤ ਹੈ ।

darasan sobhaa drig drisatt giaan gam drisatt dhiaan prabh daras ateet hai |

نیتر درشٹی جد گیان دی گمتا پہنچ والی بن جایا کردی ہے تاں نگھا اندر اک پربھو نوں ہی دھیان وچ لیایا کردی ہے، جد کِ درشی درشن جوگ پدارتھ پرپنچ سموہ دکھاوا ماتر شوبھا رمنیکتا توں رہت ہو جایا کردا ہے۔ بھاو سرت دے گیان گامی ہویاں اس دی تار سنساراکار نہیں رہا کردی اہ سرب ٹھور واہگرو نوں ہی تکیا کردی ہے۔

ਸਬਦ ਸੁਰਤਿ ਪਰੈ ਸੁਰਤਿ ਸਬਦ ਪਰੈ ਜਾਸ ਬਾਸੁ ਅਲਖ ਸੁਬਾਸੁ ਨਾਸ ਰੀਤ ਹੈ ।

sabad surat parai surat sabad parai jaas baas alakh subaas naas reet hai |

ایسا ہی جیونکِ سرتِ شبد پرے شبد پراین شبد وکھے تتپر ہو آوے، اتھوا شبد دی سرتِ = سوجھی پے آوے، تاں کنّ شبد سننوں ہورناں نندا استتی بھرے بچناں وا راگ ناد آدِ سنن توں پرے ہو جاندے ہن۔ اتے دیر جاس جس گرمکھ دے الکھ دی باسنا کیرتی آن پرگٹی، اسدیاں ناساں سباس سگندھی آدِ اتر پھلیل آدِ دے بیسن ولوں ریت = خالی ہو جاندیاں ہن بھاو خوشبوآں دیاں لپٹاں لین دا چسکا بھی اوس دا دور ہو جاندا ہے۔

ਰਸ ਰਸਨਾ ਰਹਿਤ ਰਸਨਾ ਰਹਿਤ ਰਸ ਕਰ ਅਸਪਰਸ ਪਰਸਨ ਕਰਾਜੀਤ ਹੈ ।

ras rasanaa rahit rasanaa rahit ras kar asaparas parasan karaajeet hai |

انجے ہی جس دی رسنا نام جپن دے پریم رس وچ رہن لگ پوے اتھوا رسنا = رسیلے رس وکھے رہت دھارنا جس دی ہو جاوے اوس دی رسنا رس رہت سواداں دی چاٹ ولوں تیاگی ہو جاندی ہے۔ تے اس اسے بھانت دا ہی سپھرن وا انبھؤ ہتھاں دے پرس پدارتھ آدکاں دے چھوہن آدِ سمیں پھرن لگ پوے تاں پر دھن پر استری آدِ نا پرسن جوگ پدارتھاں دے پرسن = چھوہن ولوں کرا جیت = کر ہتھ اجیت ہو جاندے ہن۔ بھاو ہتھاں وچوں کامنا دے ویگ ادھین ہو چلایمان ہون دی شکتی لوپ ہو جاندی ہے۔

ਚਰਨ ਗਵਨ ਗੰਮਿ ਗਵਨ ਚਰਨ ਗੰਮਿ ਆਸ ਪਿਆਸ ਬਿਸਮ ਬਿਸ੍ਵਾਸ ਪ੍ਰਿਅ ਪ੍ਰੀਤ ਹੈ ।੨੭੯।

charan gavan gam gavan charan gam aas piaas bisam bisvaas pria preet hai |279|

ارُ اسی پرکار پیراں نوں اس مارگ وکھے گمتا پراپت ہویاں بھاو ستگراں دے مارگ وکھے پیراں دے چلن والے بندیاں ہور پاسے پیراں دا چلنا گمِ گت ہو جاندا چھٹّ جایا کردا ہے۔ بسّ پیارے پریتم ستگورو انتریامی وکھے پریم کرن دا درڑ بھروسا تے ایہی پیاس لالسا = ترشنا تے اسے دی ہی آس، ارتھات اسے وکھے ہی سموہ امیداں وا مراداں آپنیاں پورن سمجھدا ہے ۔۔279۔۔

سوچی (1 - 675)

کبیت سوئے انگ: 1 - 675