کبیت سوئے بھائی گورداس جی

انگ - 185

ਚਤੁਰ ਬਰਨ ਮੈ ਨ ਪਾਈਐ ਬਰਨ ਤੇਸੋ ਖਟ ਦਰਸਨ ਮੈ ਨ ਦਰਸਨ ਜੋਤਿ ਹੈ ।

chatur baran mai na paaeeai baran teso khatt darasan mai na darasan jot hai |

برہم آدِ چاروں برناں روپاں وکھے تیہو جیہا برن رنگ روپ نہیں پراپت ہو سکدا جیہو جہا کِ گرمکھاں نوں اکت سکھپھل دی پراپتی توں ہندا ہے۔ چھیاں درشناں جنگم جوگی سنیاسی بیراگی آدِ متاں وکھے نہیں ہے۔ اہ جوتِ تیز پرتاپ والی دمک جہڑی کِ اس گرو کے درشن پنتھ دی جوتِ پائی جا رہی ہے۔ ارتھات سموہ ورناں آشرماں وچ ایہو جیہا پربھاو شالی کوئی روپ نیتراں وکھے تکن لئی نہیں پراپت ہو سکدا۔

ਸਿੰਮ੍ਰਿਤਿ ਪੁਰਾਨ ਬੇਦ ਸਾਸਤ੍ਰ ਸਮਾਨਿ ਖਾਨ ਰਾਗ ਨਾਦ ਬਾਦ ਮੈ ਨ ਸਬਦ ਉਦੋਤ ਹੈ ।

sinmrit puraan bed saasatr samaan khaan raag naad baad mai na sabad udot hai |

سمرتیاں منوں وششٹ اتے یاگیولک آدِ رکھاں دیاں کتھن کیتیاں دھرم شاستر روپ پدھتیاں پران اکت دھرم مریادا وکھے ورتنہارے اداہرناں سمبدھی گرنتھ، بید دھراہوں گیان نروپک رچنا، ارُ شاستر دھراہوں گیان انوساری سانکیتک نیماں دی نرنا روپ گنتھنا، تتھا ایناں دے ہی سمان برابر خان چاروں کھانیاں اندر بولی جان ہاری وا پرا پشینتی مدھیما ویکھری روپ بانی ارُ راگ چھیاں راگاں ناد ہرسو دیرگھ پلُ ترو پؤچری دھنی وا ستّ سراں روپ تتھا بائد ساز باز آدِ سانگیتک سادھناں وکھے نہیں پایا جا سکدا ایسا شبد، جیسا کِ گرو کے شبد بانی وکھے ادوت، نام پرگٹ ہے۔

ਨਾਨਾ ਬਿੰਜਨਾਦਿ ਸ੍ਵਾਦ ਅੰਤਰਿ ਨ ਪ੍ਰੇਮ ਰਸ ਸਕਲ ਸੁਗੰਧ ਮੈ ਨ ਗੰਧਿ ਸੰਧਿ ਹੋਤ ਹੈ ।

naanaa binjanaad svaad antar na prem ras sakal sugandh mai na gandh sandh hot hai |

نانا پرکار دیاں خان پان آدِ دیاں سوادیک پدارتھاں وچ اہ سواد نہیں، جہا کِ پریم رس دا سواد ہے۔ ارُ سبھ پرکار دیاں سگندھیاں وکھے اوہو جیہی مہک نہیں ہندی جیسی کِ گرمکھ نوں ستگراں دے نال سندھی میل پراپت ہون وچ ہویا کردی ہے۔

ਉਸਨ ਸੀਤਲਤਾ ਸਪਰਸ ਅਪਰਸ ਨ ਗਰਮੁਖ ਸੁਖ ਫਲ ਤੁਲਿ ਓਤ ਪੋਤ ਹੈ ।੧੮੫।

ausan seetalataa saparas aparas na garamukh sukh fal tul ot pot hai |185|

گرمی ارُ سردی والے سپرشاں بھاو ایہو جیہے ہنالے سیالے دے موسماں اندر ورتین ہارے پہنن وا مردن آدِ دے لیک ایسا کوئی سکھدائی پدارتھ نہیں، جہا کِ اپرس روپ اسنگ الیپ بھاوی اوستھا دی پراپتی وکھے گرمکھاں نوں سکھ پراپت ہندا ہے۔ کیونکِ گرمکھی سکھپھل اک رس ہی ہر سمی رہندا ہے، اتے اہ تانے پیٹے وت اندر باہر رمو روم وکھے رمیا رہندا ہے ۔۔185۔۔

سوچی (1 - 675)

کبیت سوئے انگ: 1 - 675