کلر وچ بی بیجیاں دھان انّ دا پتا ماتر بھی اتپنّ نہیں ہندا، سگوں مول موڑی نوں گوا کے رونا پیندا ہے تے نال ہی راج ڈنڈ بھی لگدا ہے ارتھات ماملا سرکار دا بھرنا پے جاندا ہے۔
جس تراں پانی دے رڑکیاں گھیو مکھن تاں نکلدا نہیں، سگوں مٹکی چاٹی مدھانی نوں توڑ پھڑ کے نٹھنا ہی پیا کردا ہے۔
جس تراں بھوتاں پریتاں پاسوں پتّ منگیاں کوؤ سپتی تاں ہو نہیں جاندی سگوں جیء جان دا سنسا پے جاندا ہے تے آپ تیاگیاں بھی اہ بھوت نہیں تیاگیا کردے۔
اسے تراں جس کسے نوں بناں گرو دیو ارادھن دے ہور دیوتیاں دی سیوا پیاری لگدی رچدی ہے، اہ لوک پرلوک اندر جیؤندے مردے شوک نوں ہی پراپت ہندے ہن، کیونکِ اہ سیوا سبھ پرکار دی دکھاں دے دین ہاری ہے ۔۔476۔۔