واراں بھائی گورداس جی

ੴ ਸਤਿਗੁਰ ਪ੍ਰਸਾਦਿ ॥

اکال پرکھ اکّ ہے اتے ستگورو دی کرپا نال ملدا ہے۔

ਪਉੜੀ ੧

ਸਤਿਗੁਰ ਸਚਾ ਨਾਉ ਗੁਰਮੁਖਿ ਜਾਣੀਐ ।

ستگورو دا سچا نام ہے، گرمکھ (لوک اس نوں) جاندے ہن۔

ਸਾਧਸੰਗਤਿ ਸਚੁ ਥਾਉ ਸਬਦਿ ਵਖਾਣੀਐ ।

(گراں دی) سادھ سنگت ہی سچا تھاؤں ہے (کیوں جو 'سبد وکھانیئ' اتھے) برہم دی چرچا ہندی ہے۔

ਦਰਗਹ ਸਚੁ ਨਿਆਉ ਜਲ ਦੁਧੁ ਛਾਣੀਐ ।

(گراں دی) سبھا وکھے سچا نیاؤں ہندا ہے، پانی تے ددھّ اڈو اڈّ ہندا ہے۔

ਗੁਰ ਸਰਣੀ ਅਸਰਾਉ ਸੇਵ ਕਮਾਣੀਐ ।

گرو دی شرن ہی آسرا روپ ہے، (چوراسی دی پھاسی کٹدی ہے، پرنتو) سیوا کر کے جگیاسو پھل لیندے ہن)۔

ਸਬਦ ਸੁਰਤਿ ਸੁਣਿ ਗਾਉ ਅੰਦਰਿ ਆਣੀਐ ।

گرو سبد نوں سندے تے گانودے (بھئی وکتا ہووے تاں شروتا، جے شروتا ملے تاں وکتا بن جاندے) ہن، آپ من وکھے ندھیاسن کردے ہن،

ਤਿਸੁ ਕੁਰਬਾਣੈ ਜਾਉ ਮਾਣੁ ਨਿਮਾਣੀਐ ।੧।

اجہے (ستگورو) دے کربان جاندا ہاں، جو (میرے جہے) نمانے نوں مان دندے ہن۔ اگلی پؤڑی وکھے انھاں دی سنگت دا ورنن کردے ہن:-

ਪਉੜੀ ੨

ਚਾਰਿ ਵਰਨ ਗੁਰਸਿਖ ਸੰਗਤਿ ਆਵਣਾ ।

گرو جی دے سکھاں دی سنگت وکھے (کھتری، براہمن، سود، ویش) چارے ورناں (دے لوک) آؤندے ہن۔

ਗੁਰਮੁਖਿ ਮਾਰਗੁ ਵਿਖੁ ਅੰਤੁ ਨ ਪਾਵਣਾ ।

(پرنتو) گرمکھاں دا مارگ وکھم (کرڑا) ہے، اس دا انت نہیں آ سکدا (کیوں جو تتکھیا سہارنی پیندی ہے، اتھوا گرمکھاں دے مارگ دی اک الانگھ دا انت نہیں ہے)۔

ਤੁਲਿ ਨ ਅੰਮ੍ਰਿਤ ਇਖ ਕੀਰਤਨੁ ਗਾਵਣਾ ।

(اتھے اجہا) کیرتن ہو رہا ہے، (جس دے) برابر کئی کماداں (دے رس) امرت بروبری نہیں کردے۔

ਚਾਰਿ ਪਦਾਰਥ ਭਿਖ ਭਿਖਾਰੀ ਪਾਵਣਾ ।

چارے پدارتھاں دی بھکھیا پاؤندے ہن۔

ਲੇਖ ਅਲੇਖ ਅਲਿਖ ਸਬਦੁ ਕਮਾਵਣਾ ।

(جنھاں نے) الکھ (واہگرو دا) شبد کمایا ہے (اوہ لوک آپ وی) لیکھے تھوں الیکھ ہو گئے ہن۔

ਸੁਝਨਿ ਭੂਤ ਭਵਿਖ ਨ ਆਪੁ ਜਣਾਵਣਾ ।੨।

(جہاکُ انھاں نوں) بھوت بھوکھت (ورتمان تنو کالاں) دا گیان ہو جاندا ہے، (پرنتو ترکال گیاتا ہوکے بی) آپنا آپ نہیں گناؤندے (بھاو اہنکار نہیں کردے)۔

ਪਉੜੀ ੩

ਆਦਿ ਪੁਰਖ ਆਦੇਸਿ ਅਲਖੁ ਲਖਾਇਆ ।

اکال پرکھ (یا گرو نانک) نوں (میری) نمشکار ہے جو الکھ (وستو) دے لکھنہارے ہن۔

ਅਨਹਦੁ ਸਬਦੁ ਅਵੇਸਿ ਅਘੜੁ ਘੜਾਇਆ ।

(انہد) اک رس شبد دا (اویسِ=ستھان) ہن، اگھڑ (جو من ہے اس) دے گھڑنہارے ہن۔

ਸਾਧਸੰਗਤਿ ਪਰਵੇਸਿ ਅਪਿਓ ਪੀਆਇਆ ।

سادھ سنگت وکھے جو (جگیاسو) پرویش کردا ہے (اس نوں نام) امرت پلاؤندے ہن۔

ਗੁਰ ਪੂਰੇ ਉਪਦੇਸਿ ਸਚੁ ਦਿੜਾਇਆ ।

گرو پرے (دا جنھاں نوں) اپدیش ہویا ہے (انھاں نے) سچّ نوں درڑ کیتا ہے۔

ਗੁਰਮੁਖਿ ਭੂਪਤਿ ਵੇਸਿ ਨ ਵਿਆਪੈ ਮਾਇਆ ।

گرمکھ لوک راجے دا سروپ ہن پرنتو مایا توں الیپ رہندے ہن۔

ਬ੍ਰਹਮੇ ਬਿਸਨ ਮਹੇਸ ਨ ਦਰਸਨੁ ਪਾਇਆ ।੩।

برہما وشنوں، شو (تنے دیوتے بی) درشن نہیں پا سکدے۔

ਪਉੜੀ ੪

ਬਿਸਨੈ ਦਸ ਅਵਤਾਰ ਨਾਵ ਗਣਾਇਆ ।

وشنوں نے دس اوتار (دھارکے) نام ہی گنایا (بھاو، وشنوں دا ارتھ ہے، 'جو سارے ویاپک ہووے'، پھیر راکھش دا ناش کر کے آپنے آپ دا کیوں گھات کیتا، اتھوا آپنا ہی نام جپاکے پالنادِ ستوگن وکھے رہا)۔

ਕਰਿ ਕਰਿ ਅਸੁਰ ਸੰਘਾਰ ਵਾਦੁ ਵਧਾਇਆ ।

ہتھاں نال (کنسادک) راکھشاں دا سنگھار کیتا، اتے جھگڑا ودھایا۔

ਬ੍ਰਹਮੈ ਵੇਦ ਵੀਚਾਰਿ ਆਖਿ ਸੁਣਾਇਆ ।

برہماں نے ویداں دا وچار (لوکاں نوں) آکھکے سنایا۔

ਮਨ ਅੰਦਰਿ ਅਹੰਕਾਰੁ ਜਗਤੁ ਉਪਾਇਆ ।

پر من وکھے (اس) ہنکار (وچ وسیا رہا ہے کِ میں) جگت پیدا کیتا ہے، (سو رجوگن وکھے وسیا رہا)۔

ਮਹਾਦੇਉ ਲਾਇ ਤਾਰ ਤਾਮਸੁ ਤਾਇਆ ।

شو تار لا کے تمو گن وکھے تتا ہی رہا، (شانتِ نا آئی)۔

ਗੁਰਮੁਖਿ ਮੋਖ ਦੁਆਰ ਆਪੁ ਗਵਾਇਆ ।੪।

گرمکھ مکتی دا دروازا ہن، (جنھاں نے) آپنا آپ گوا دتا ہے۔

ਪਉੜੀ ੫

ਨਾਰਦ ਮੁਨੀ ਅਖਾਇ ਗਲ ਸੁਣਾਇਆ ।

نارد نے (آپ نوں) 'منی' (ایشور دا مننشیل) کہا کے گل ہی سنائی (بھاو گپّ ہی ماری، سچّ نہیں کیتا) (اتھوا لوکاں دیاں گلاں سنن لئی ہی آیا کیوں جو اک دوجے دیاں گلاں سنکے)۔

ਲਾਇਤਬਾਰੀ ਖਾਇ ਚੁਗਲੁ ਸਦਾਇਆ ।

چغلی وٹن نال بیئتبارا ہی سدایا (بھاو راکھشاں دیاں گلاں دیوتیاں پاس ت اناں دیا گلاں راکھشاں پاس آکھکے گھول مچائے، نارد دے پریمی اس نوں ایسا ہی مندے ہن)۔

ਸਨਕਾਦਿਕ ਦਰਿ ਜਾਇ ਤਾਮਸੁ ਆਇਆ ।

جد سنکادکاں دے دروازے پر گیا اتھے تموگن (روہ بھریا) ہو گیا (کیوں جو اہ مہاراج دی آگیا باجھ اندر جان نہیں دندے سن، انھاں نوں لوہے لاکھاں ہو کے راکھش ہون دا سراپ دے بیٹھا، پھیر بھگوان نوں انھاں دے ادھار واستے رام کرشنادک اوتار دھارنے پئے، ایسا نارد پریمی مند

ਦਸ ਅਵਤਾਰ ਕਰਾਇ ਜਨਮੁ ਗਲਾਇਆ ।

(وشنوں دے) دس اوتار کراکے جنم گال دتا، (بھاو لڑائیاں تے گھولاں وچ ہی انھاں دا سماں بتیت کرایا)۔

ਜਿਨਿ ਸੁਕੁ ਜਣਿਆ ਮਾਇ ਦੁਖੁ ਸਹਾਇਆ ।

جس ماں نے سکھ پھل نوں کھا کے (ارتھات پریم رس دھارن کر کے سہارنا پیا۔

ਗੁਰਮੁਖਿ ਸੁਖ ਫਲ ਖਾਇ ਅਜਰੁ ਜਰਾਇਆ ।੫।

گرمکھاں نے سکھ پھل نوں خاکے (ارتھات پریم رس دھارن کرکے) 'اجر' من نوں جریا ہے۔

ਪਉੜੀ ੬

ਧਰਤੀ ਨੀਵੀਂ ਹੋਇ ਚਰਣ ਚਿਤੁ ਲਾਇਆ ।

دھرتی نے نیویں ہو کے چرناں دے وکھے چت لایا ہے، (بھاو نیچ اوچ ہر ایک جیو جنت دے پیراں ہیٹھ رہندی ہے۔ تتھا:- گرمکھ لوک بھی دھرتی وانو نمرتا دھاردے ہن)۔

ਚਰਣ ਕਵਲ ਰਸੁ ਭੋਇ ਆਪੁ ਗਵਾਇਆ ।

آپنا آپ گواکے سبھ دے چرن کولاں دے رس وکھے بھجی رہندی ہے۔

ਚਰਣ ਰੇਣੁ ਤਿਹੁ ਲੋਇ ਇਛ ਇਛਾਇਆ ।

تناں لوکاں دے چرناں دی دھوڑی بنی ہوئی ہے، (جس دھوڑی دی) اچھا نوں (سارے) لوچدے ہن۔

ਧੀਰਜੁ ਧਰਮੁ ਜਮੋਇ ਸੰਤੋਖੁ ਸਮਾਇਆ ।

دھیرج دا دھرم اتے سنتوکھ (دھرتی وکھے) سمایا ہویا ہے (بھاو کوئی پٹے کوئی پورے سبھ نال پرسنّ ہے)۔

ਜੀਵਣੁ ਜਗਤੁ ਪਰੋਇ ਰਿਜਕੁ ਪੁਜਾਇਆ ।

جیون دی جگتی آپنے وکھے رکھکے سبھ نوں رزک پچاؤندی ہے، (بھاو کسان لوک پٹدے ہن، اہ انھاں نوں جیون انادک دے کے پورن کردی ہے، اتھوا جیون کہیئے جل دا دان کردی ہے)۔

ਮੰਨੈ ਹੁਕਮੁ ਰਜਾਇ ਗੁਰਮੁਖਿ ਜਾਇਆ ।੬।

(رجائی) اکال پرکھ دے بھانے وکھے پرسنّ رہندی ہے، (جیہڑے) گرمکھ (دھرتی وانگوں اکت گناں یکت ہوکے بھانے وکھے پرسنّ ہن اوہ) جنمے ہن۔

ਪਉੜੀ ੭

ਪਾਣੀ ਧਰਤੀ ਵਿਚਿ ਧਰਤਿ ਵਿਚਿ ਪਾਣੀਐ ।

پانی وکھے دھرتی ہے دھرتی وکھے پانی ہے (ار سیتل سبھاء رہندا ہے)۔

ਨੀਚਹੁ ਨੀਚ ਨ ਹਿਚ ਨਿਰਮਲ ਜਾਣੀਐ ।

نیویاں تھوں نیواں جاندا ہے، (اڑی جاں) ہٹھ نہیں کردا، پھیر نرمل ہی جانیدا ہے (بھاو گھٹا پے جاوے پھیر نترکے آپنا گن دسدا ہے)

ਸਹਦਾ ਬਾਹਲੀ ਖਿਚ ਨਿਵੈ ਨੀਵਾਣੀਐ ।

وڈی کھچّ سہاردا ہے، (آکرکھن شکتی نوان نوں لے جاندی ہے) (تے سدا) نوانا نوں رخ کردا ہے۔

ਮਨ ਮੇਲੀ ਘੁਲ ਮਿਚ ਸਭ ਰੰਗ ਮਾਣੀਐ ।

من میلی اجہا ہے (کِ 'گھل مچ' کہیئے) مل گلکے سارے رنگ ماندا ہے (بھاو لال نال لال، چٹے نال چٹا، پیلے نال پیلا ہو جاندا ہے)۔

ਵਿਛੁੜੈ ਨਾਹਿ ਵਿਰਚਿ ਦਰਿ ਪਰਵਾਣੀਐ ।

(اک وار 'ورچِ' کہیئے) رچکے (سنجرکے) پھیر اڈّ نہیں ہندا (اسے کرکے) درگاہ وکھے پرمانک ہے (یتھا:- “پہلا پانی جیؤ ہے جتُ ہریا سبھُ کوئ”)۔

ਪਰਉਪਕਾਰ ਸਰਚਿ ਭਗਤਿ ਨੀਸਾਣੀਐ ।੭।

(جو) پروپکار وکھے ملیا ہویا ہے، (ایہو) بھگتاں دی نشانی ہے۔

ਪਉੜੀ ੮

ਧਰਤੀ ਉਤੈ ਰੁਖ ਸਿਰ ਤਲਵਾਇਆ ।

دھرتی اتے برچھّ الٹا ہوکے (سر ہیٹھ تے پیر اپرّ نوں کر کے اگدے ہن)۔

ਆਪਿ ਸਹੰਦੇ ਦੁਖ ਜਗੁ ਵਰੁਸਾਇਆ ।

آپ کشٹ (دھپ چھاؤں دا) سہارکے جگ دا ورساؤ (پروپکار) کردے ہن۔

ਫਲ ਦੇ ਲਾਹਨਿ ਭੁਖ ਵਟ ਵਗਾਇਆ ।

وٹیاں دے ماریاں بی پھلاں نوں دیکے (لوکاں دی) بھکھّ دور کردے ہن۔

ਛਾਵ ਘਣੀ ਬਹਿ ਸੁਖ ਮਨੁ ਪਰਚਾਇਆ ।

سنگھنی چھاؤں دے نال من نوں پرچاکے وڈا سکھ دندے ہن۔

ਵਢਨਿ ਆਇ ਮਨੁਖ ਆਪੁ ਤਛਾਇਆ ।

جد کوئی منکھّ وڈھن آوے آپنا آپ (تچھاؤندے) کٹاؤندے ہن، (گلّ کی بھانے وچ سنتشٹ ہن)۔

ਵਿਰਲੇ ਹੀ ਸਨਮੁਖ ਭਾਣਾ ਭਾਇਆ ।੮।

(تویں اکال پرکھ دے) بھانے وکھے سنمکھ رہکے (جو بیمکھ نہیں ہندے، اوہ لوک) ورلے ہی ہن۔

ਪਉੜੀ ੯

ਰੁਖਹੁ ਘਰ ਛਾਵਾਇ ਥੰਮ੍ਹ ਥਮਾਇਆ ।

برچھ تھوں گھر (کڑیاں اتے چھتیراں نال) چھتاکے اس دے ہیٹھ تھمھیا دا سہارا دندے ہن۔

ਸਿਰਿ ਕਰਵਤੁ ਧਰਾਇ ਬੇੜ ਘੜਾਇਆ ।

سر پر آرا دھرا کے (برچھ کٹّ کے تختے چیر کے) بیڑا گھڑاؤندے ہن۔

ਲੋਹੇ ਨਾਲਿ ਜੜਾਇ ਪੂਰ ਤਰਾਇਆ ।

لوہے نال آپ نوں جڑاکے (اہ بیڑا پوراں دے) پور تار دندا ہے۔

ਲਖ ਲਹਰੀ ਦਰੀਆਇ ਪਾਰਿ ਲੰਘਾਇਆ ।

دریاواں (جاں سمندراں) دیاں لکھاں لہراں تھوں پار لنگھا دندا ہے۔

ਗੁਰਸਿਖਾਂ ਭੈ ਭਾਇ ਸਬਦੁ ਕਮਾਇਆ ।

(جنھاں) گرو جی دے سکھاں نے بھے اتے (بھائ) پریم نال شبد (دے بیڑے نوں) کمایا ہے۔

ਇਕਸ ਪਿਛੈ ਲਾਇ ਲਖ ਛੁਡਾਇਆ ।੯।

(اہناں) اک شبد دے (بیڑے) پر چڑھا کے لکھاں پرانیاں نوں (ڈبن دے دکھاں تھوں) چھڈا دتا ہے۔

ਪਉੜੀ ੧੦

ਘਾਣੀ ਤਿਲੁ ਪੀੜਾਇ ਤੇਲੁ ਕਢਾਇਆ ।

تل نے (کولو دی) گھانی وچ (آپنے آپ نوں) پڑوا تیل کڈھوایا۔

ਦੀਵੈ ਤੇਲੁ ਜਲਾਇ ਅਨ੍ਹੇਰੁ ਗਵਾਇਆ ।

(پھیر تیل نے آپ نوں) دیوے وچ سڑواکے (لوکاں دا) اندھکار دور کیتا۔

ਮਸੁ ਮਸਵਾਣੀ ਪਾਇ ਸਬਦੁ ਲਿਖਾਇਆ ।

(اس تیل نے) (سیاہی بنکے) دوات وچ پیکے (گرو دا شبد لکھوایا۔

ਸੁਣਿ ਸਿਖਿ ਲਿਖਿ ਲਿਖਾਇ ਅਲੇਖੁ ਸੁਣਾਇਆ ।

(اس شبد نوں) گرو دے سکھاں نے سنکے ار لکھ لکھاکے پرماتما (دے نام) نوں سنایا۔

ਗੁਰਮੁਖਿ ਆਪੁ ਗਵਾਇ ਸਬਦੁ ਕਮਾਇਆ ।

گرمکھاں نے (تل وانگو تتکھیا سہاری) آپنا آپ گواکے گرو دے شبد دا ابھیاس کیتا، (تیل روپ ہو جگت دے پاپاں دا اندھیر دور کیتا)۔

ਗਿਆਨ ਅੰਜਨ ਲਿਵ ਲਾਇ ਸਹਜਿ ਸਮਾਇਆ ।੧੦।

گیان (روپی) سرمے وچ لو لاکے (اکھنڈ سمادھی لاکے) سہج (پد وکھے) سما گئے۔

ਪਉੜੀ ੧੧

ਦੁਧੁ ਦੇਇ ਖੜੁ ਖਾਇ ਨ ਆਪੁ ਗਣਾਇਆ ।

(گؤ نوں) گھاہ خاکے ددھّ دندی ہے (پھر) آپنا آپ نہیں گناؤندی (غریب ہندی ہے)۔

ਦੁਧਹੁ ਦਹੀ ਜਮਾਇ ਘਿਉ ਨਿਪਜਾਇਆ ।

اس دے ددھّ تھوں دہیں جمائیدا ہے، (اس نوں رڑک کے) گھیو کڈھیدا ہے۔

ਗੋਹਾ ਮੂਤੁ ਲਿੰਬਾਇ ਪੂਜ ਕਰਾਇਆ ।

گوہے نال لیپن ہندا ہے اس دے موتر تھوں (پنچانمتر بنا) (ہندو لوک) پوجا کردے ہن۔ (اگے تنّ تکاں وکھے سدھانت دسدے ہن)۔

ਛਤੀਹ ਅੰਮ੍ਰਿਤੁ ਖਾਇ ਕੁਚੀਲ ਕਰਾਇਆ ।

(منکھّ) چھتی پرکار دے بھوجن خاکے 'کچیل' کر دندا ہے۔

ਸਾਧਸੰਗਤਿ ਚਲਿ ਜਾਇ ਸਤਿਗੁਰੁ ਧਿਆਇਆ ।

(پرتوں جو پرانی) سادھ سنگت وکھے گھروں چلکے جا پہنچدا ہے ار اتھے ستگر (گرو ارجن دیو جی) نوں دھیاؤندا ہے۔

ਸਫਲ ਜਨਮੁ ਜਗਿ ਆਇ ਸੁਖ ਫਲ ਪਾਇਆ ।੧੧।

اس دا جگ وکھے جنم لینا سپھل ہے، (اس نے) سکھ پھل پایا ہے، (سوے سروپانند نوں دھارن کیتا ہے)۔

ਪਉੜੀ ੧੨

ਦੁਖ ਸਹੈ ਕਪਾਹਿ ਭਾਣਾ ਭਾਇਆ ।

کپاہ (وڈا) دکھ سہاردی ہے، (مانوں ربّ دا) بھانا چنگا لگدا ہے سُ۔

ਵੇਲਣਿ ਵੇਲ ਵਿਲਾਇ ਤੁੰਬਿ ਤੁੰਬਾਇਆ ।

ویلنے وکھے پاکے وڑیواں اڈّ کیتا جاندا ہے، (ہتھاں نال) تومبا تومبا (رتی رتی) کیتا جاندا ہے۔

ਪਿੰਞਣਿ ਪਿੰਜ ਫਿਰਾਇ ਸੂਤੁ ਕਤਾਇਆ ।

پنن وچوں کڈھدا ہے، (تے پھیر چرکھیاں وچ) سوت کتیدا ہے۔

ਨਲੀ ਜੁਲਾਹੇ ਵਾਹਿ ਚੀਰੁ ਵੁਣਾਇਆ ।

جلاہا نلیاں وچ پاکے کپڑا اندا ہے۔

ਖੁੰਬ ਚੜਾਇਨਿ ਬਾਹਿ ਨੀਰਿ ਧੁਵਾਇਆ ।

(دھوبی لوک) کھمب پر چڑاؤندے ہن (پھیر) وگدے ندی نالیاں پر پانی نال ساف کردے ہن۔

ਪੈਨ੍ਹਿ ਸਾਹਿ ਪਾਤਿਸਾਹਿ ਸਭਾ ਸੁਹਾਇਆ ।੧੨।

پاتشاہ ار شاہ لوک کپڑیاں نوں پہنکے سبھا وکھے سبھائمان ہندے ہن۔

ਪਉੜੀ ੧੩

ਜਾਣੁ ਮਜੀਠੈ ਰੰਗੁ ਆਪੁ ਪੀਹਾਇਆ ।

دیکھو مجیٹھ دے رنگ نے (پہلے) آپنا آپ (چکی وکھے) پسایا۔

ਕਦੇ ਨ ਛਡੈ ਸੰਗੁ ਬਣਤ ਬਣਾਇਆ ।

(بھاویں روپ بدلیا، پرنتو رنگ دا) سنگ نہیں چھڈیا، ایہ بنت بنی ہی رہی۔

ਕਟਿ ਕਮਾਦੁ ਨਿਸੰਗੁ ਆਪੁ ਪੀੜਾਇਆ ।

(اجہا ہی کماد دا ہال ہے کیوں جو) کماد ٹوٹے ہو آپنا آپ نشنگ ہوکے (رہُ دے ویلنیاں وچ) پڑاؤندا ہے۔

ਕਰੈ ਨ ਮਨ ਰਸ ਭੰਗੁ ਅਮਿਓ ਚੁਆਇਆ ।

من دا رس بھنگ نہیں کردا، امرت (ورگا مٹھا رس) چواؤندا ہے۔

ਗੁੜੁ ਸਕਰ ਖੰਡ ਅਚੰਗੁ ਭੋਗ ਭੁਗਾਇਆ ।

(رہُ تھوں) گڑ شکر ار کھنڈ (اچنگ) جستھوں ہور کوئی چنگا نا ہووے (دیندا ہے، ار سنسار نوں نانا پرکار دے مٹھے) بھوگ بھگاؤندا ہے۔

ਸਾਧ ਨ ਮੋੜਨ ਅੰਗੁ ਜਗੁ ਪਰਚਾਇਆ ।੧੩।

(تویں) سادھ لوک آپنا سریر نہیں موڑدے جگت نوں سکھ دندے ہن۔

ਪਉੜੀ ੧੪

ਲੋਹਾ ਆਰ੍ਹਣਿ ਪਾਇ ਤਾਵਣਿ ਤਾਇਆ ।

لوہا لوہار دی بھٹھی وچ پا کے اگّ نال تاکے اگّ دا روپ کیتا جاندا ہے۔

ਘਣ ਅਹਰਣਿ ਹਣਵਾਇ ਦੁਖੁ ਸਹਾਇਆ ।

ہتھوڑے نال لوہے دی اہرن اتے ('انوائ' کہیئے) سٹاں نال دکھ دیئیدا ہے۔

ਆਰਸੀਆ ਘੜਵਾਇ ਮੁਲੁ ਕਰਾਇਆ ।

شیشیاں (وانگو) پتلا گھڑاکے ملّ کیتا جاندا ہے۔

ਖਹੁਰੀ ਸਾਣ ਧਰਾਇ ਅੰਗੁ ਹਛਾਇਆ ।

کھردری سان اتے رکھکے (تلواراں، کاچو، کینچی آدِ چنگے 'انگ') اؤزار بنائے جاندے ہن۔

ਪੈਰਾਂ ਹੇਠਿ ਰਖਾਇ ਸਿਕਲ ਕਰਾਇਆ ।

پیراں ہیٹھ رکھّ کے سکل کیتا جاندا ہے (چھیکڑلی تک وکھے درشٹانت دسدے ہن)۔

ਗੁਰਮੁਖਿ ਆਪੁ ਗਵਾਇ ਆਪੁ ਦਿਖਾਇਆ ।੧੪।

گرمکھاں نے آپنا آپ گواکے آپ نوں دیکھیا ہے، (تتھا گرمکھاں نے من روپی لوہے نوں جپ جپادکاں نال تاکے پھیر گیان ابھیاس روپ ہتھوڑے دیاں سٹاں نال شیشے واننوں سدھّ کیتا، آپنا آپ گواکے سنسار نوں آپا کرنی دے اپدیش نال دکھایا ہے۔

ਪਉੜੀ ੧੫

ਚੰਗਾ ਰੁਖੁ ਵਢਾਇ ਰਬਾਬੁ ਘੜਾਇਆ ।

چنگی جات (تن آدِ) برچھّ وڈھاکے رباب گھڑایا۔

ਛੇਲੀ ਹੋਇ ਕੁਹਾਇ ਮਾਸੁ ਵੰਡਾਇਆ ।

چھوٹی بکری نے ہوکے (اپنا آپ) کہاکے ماس ونڈوایا۔

ਆਂਦ੍ਰਹੁ ਤਾਰ ਬਣਾਇ ਚੰਮਿ ਮੜ੍ਹਾਇਆ ।

(آپنیاں) آندراں توں تاراں بنا کے چمّ (نال رباب) مڑھیا۔

ਸਾਧਸੰਗਤਿ ਵਿਚਿ ਆਇ ਨਾਦੁ ਵਜਾਇਆ ।

سادھ سنگت وکھے آکے (ربابیاں نے اس تار توں 'ناد') شبد وجایا۔

ਰਾਗ ਰੰਗ ਉਪਜਾਇ ਸਬਦੁ ਸੁਣਾਇਆ ।

(رباب وچ کئی تراں دے 'رنگ') پریم بھرے راگ کڈھکے (اس نال) شبد (گرو دے) سنائے۔

ਸਤਿਗੁਰੁ ਪੁਰਖੁ ਧਿਆਇ ਸਹਜਿ ਸਮਾਇਆ ।੧੫।

(ایؤں رباب وانگو دکھ تے تاؤ سہارکے جنھاں نے) ستگورو پرکھ نوں چنتن کیتا ہے (اہ لوک) 'سہج پد' وکھے سمائے (سروپ وکھے مگن ہو گئے)۔

ਪਉੜੀ ੧੬

ਚੰਨਣੁ ਰੁਖੁ ਉਪਾਇ ਵਣ ਖੰਡਿ ਰਖਿਆ ।

(ربّ نے) چندن دا برچھّ اتپت کر کے سنگھنے بن وکھے رکھیا ہے۔

ਪਵਣੁ ਗਵਣੁ ਕਰਿ ਜਾਇ ਅਲਖੁ ਨ ਲਖਿਆ ।

پون (اس وچ) گمن کر جاندی ہے، (بھاو=واشنا تھوں ملوم ہندا ہے کِ اہ باون چندن دی واشنا ہے) نہی تاں (آپ) الکھ ہے (کوئی اس نوں) لکھ نہیں سکدا۔

ਵਾਸੂ ਬਿਰਖ ਬੁਹਾਇ ਸਚੁ ਪਰਖਿਆ ।

(آپنی) واشنا تھوں ہور برچھاں نوں سگندھت کر دیندا ہے (ایؤں) سنچ پرکھیا جاندا ہے۔

ਸਭੇ ਵਰਨ ਗਵਾਇ ਭਖਿ ਅਭਖਿਆ ।

سارے ورن (بھکھّ ابھکھّ کہیئے) بھلے برے (ڈھکّ، پلاہ، ککر، نمّ آدِ روپ) گوا کے (چندن ہی کر دیندا ہے۔ اتھوا بھکھّ ابھکھّ کھان یا نا کھان والے پھلاں اپھلاں والے برچھّ سارے تد روپ ہی ہو جاندے ہن)۔

ਸਾਧਸੰਗਤਿ ਭੈ ਭਾਇ ਅਪਿਉ ਪੀ ਚਖਿਆ ।

سادھ سگنت وکھے (جنھاں) پریم کیتا ہے؛ اوہناں امرت نوں پیکے سواد لیتا ہے۔

ਗੁਰਮੁਖਿ ਸਹਜਿ ਸੁਭਾਇ ਪ੍ਰੇਮ ਪ੍ਰਤਖਿਆ ।੧੬।

(اوہناں) گرمکھاں دا سہج سبھا ہی پریم پرتکھّ ہندا ہے۔

ਪਉੜੀ ੧੭

ਗੁਰਸਿਖਾਂ ਗੁਰਸਿਖ ਸੇਵ ਕਮਾਵਣੀ ।

گرو دے سکھاں دی سیوا گرو دے سکھّ کردے ہن۔

ਚਾਰਿ ਪਦਾਰਥਿ ਭਿਖ ਫਕੀਰਾਂ ਪਾਵਣੀ ।

چار پدارتھ (دھرم، ارتھ، کام، موکھ) دی بھکھیا 'فکیر' (پرمیشر دے پیاریاں سکھاں نے جگیاسوآں) نوں پاؤنی ہے۔

ਲੇਖ ਅਲੇਖ ਅਲਖਿ ਬਾਣੀ ਗਾਵਣੀ ।

لیکھے تھوں الیکھ جو الکھّ (پرماتماں) ہے، اس دی بانی اچار (گرو دے سکھّ آپ) کردے ہن۔

ਭਾਇ ਭਗਤਿ ਰਸ ਇਖ ਅਮਿਉ ਚੁਆਵਣੀ ।

پریما بھگتی نال گنے دے رس واننوں مٹھی امرت (روپی بانی جگیاسوآں دے مونہ وچ 'چواؤنی' کہیئے) پاؤندے ہن (بھاو آپ جپدے تے ہورناں نوں جپاؤندے ہن)۔

ਤੁਲਿ ਨ ਭੂਤ ਭਵਿਖ ਨ ਕੀਮਤਿ ਪਾਵਣੀ ।

(اس پھل دے) سمان تناں کالاں دے پدارتھ نہیں تل سکدے نا ہی (اس دی) کوئی کیمت پے سکدی ہے۔

ਗੁਰਮੁਖਿ ਮਾਰਗ ਵਿਖ ਲਵੈ ਨ ਲਾਵਣੀ ।੧੭।

گرمکھاں دے مارگ دی اک الانگھ بھرنی کسے دے لوے نہیں لگدی (اسدی بروبری کویں بی نہیں ہو سکدی)۔

ਪਉੜੀ ੧੮

ਇੰਦ੍ਰ ਪੁਰੀ ਲਖ ਰਾਜ ਨੀਰ ਭਰਾਵਣੀ ।

(جو سادھ سنگت وکھے جاکے) پانی بھرن دی (ٹہل) ہے اہ اندرپری دے لکھاں راجاں (توں سریشٹ) ہے۔

ਲਖ ਸੁਰਗ ਸਿਰਤਾਜ ਗਲਾ ਪੀਹਾਵਣੀ ।

کنک پیہن دی (سادھ سنگت واستے جو سیوا ہے اہ) لکھاں سرگاں دی سرتاج ہے۔

ਰਿਧਿ ਸਿਧਿ ਨਿਧਿ ਲਖ ਸਾਜ ਚੁਲਿ ਝੁਕਾਵਣੀ ।

(سادھ سنگت دے پرسادے چھکاؤن دی سیوا وچ جو) چلھ جھوکنی ہے ردھیاں سدھیاں ندھیاں دے لکھاں سازاں (توں سریشٹ ہے)۔

ਸਾਧ ਗਰੀਬ ਨਿਵਾਜ ਗਰੀਬੀ ਆਵਣੀ ।

سادھو (ابھیاگت تے) غریب نوں جو وڈیائی دینی ہے (اس نال یا اہو من وکھے) غریبی آؤنی ہے، (کوئی کہندے ہن کِ سادھو غریب نواج ہن انھاں نوں آپ بی غریبی ہی آؤندی ہے)۔

ਅਨਹਦਿ ਸਬਦਿ ਅਗਾਜ ਬਾਣੀ ਗਾਵਣੀ ।੧੮।

(گرو دے دوارے جاکے جو گرو دی) بانی گاؤنی ہے، اہو اناہد سبد پرگٹ ہے۔

ਪਉੜੀ ੧੯

ਹੋਮ ਜਗ ਲਖ ਭੋਗ ਚਣੇ ਚਬਾਵਣੀ ।

(گر سکھاں وچ) چھولے چباؤن (دی سیوا) لکھاں ہوم تے جگّ دا پھل جو لکھاں بھوگ ہن (انھاں توں سریشٹ ہے)۔

ਤੀਰਥ ਪੁਰਬ ਸੰਜੋਗੁ ਪੈਰ ਧੁਵਾਵਣੀ ।

(گر سکھاں دے) چرن دھون دھواون (دی سیوا) تیرتھاں دی پربیاں دے سنجوگاں دے (منے ہوئے پھلاں نالوں سریشٹ پھلدائک ہے)۔

ਗਿਆਨ ਧਿਆਨ ਲਖ ਜੋਗ ਸਬਦੁ ਸੁਣਾਵਣੀ ।

(گرو دے سکھاں نوں) شبد کیرتن کر کے سناون دی سیوا لکھاں گیان، دھیان دے جوگ (دے پھل نال سریشٹ ہے)۔

ਰਹੈ ਨ ਸਹਸਾ ਸੋਗ ਝਾਤੀ ਪਾਵਣੀ ।

(ستسنگ وکھے) پل دی پل جھاتی مارنی بی سنسے سوگ سارے دور کردی ہے۔

ਭਉਜਲ ਵਿਚਿ ਅਰੋਗ ਨ ਲਹਰਿ ਡਰਾਵਣੀ ।

سنسار وکھے اروگ رکھدی ہے تے (سنسار سمندر دی) لہر (چنتا) ڈراؤنی نہیں (بھاسدی)۔

ਲੰਘਿ ਸੰਜੋਗ ਵਿਜੋਗ ਗੁਰਮਤਿ ਆਵਣੀ ।੧੯।

گرو دی متّ وچّ آؤنا (اہ ہے) کِ سنجوگ وجوگ نوں لنگھے (سہج پد وکھے رہے)۔ (اتھوا) سنجوگ وجوگ دے (ہرکھ شوک توں) لنگھ کے گرمت دی ('آونی') پارپتی ہندی ہے۔ (اتھوا) گرو دی متّ دی ('آونی') پارپتی نال (بھاو، گرو دی سکھیا لیتیاں) سنجوگاں وجوگاں (دے پھل ہرکھ تے ش

ਪਉੜੀ ੨੦

ਧਰਤੀ ਬੀਉ ਬੀਜਾਇ ਸਹਸ ਫਲਾਇਆ ।

دھرتی وچّ بیؤ پاؤن نال ہزار گناں ہوکے پھلیبھوت ہندا ہے۔

ਗੁਰਸਿਖ ਮੁਖਿ ਪਵਾਇ ਨ ਲੇਖ ਲਿਖਾਇਆ ।

(تویں) گرو دے سکھّ دے مکھ وکھے (بھوجن آدک) پاؤن نال (کنّ پھل ہے) کجھ لیکھا ہی نہیں ہو سکدا۔

ਧਰਤੀ ਦੇਇ ਫਲਾਇ ਜੋਈ ਫਲੁ ਪਾਇਆ ।

دھرتی اہو پھل دیویگی جو پھل بیجیا جاؤ۔

ਗੁਰਸਿਖ ਮੁਖਿ ਸਮਾਇ ਸਭ ਫਲ ਲਾਇਆ ।

(پر) گر سکھاں دے مکھّ وکھے پاؤن نال ہریک پھل دی پراپتی ہو جاندی ہے۔

ਬੀਜੇ ਬਾਝੁ ਨ ਖਾਇ ਨ ਧਰਤਿ ਜਮਾਇਆ ।

بیجے باجھ (کوئی) پھل نہیں کھاندا، نا دھرتی ہی (انبیجیا) اگاؤندی ہے۔

ਗੁਰਮੁਖਿ ਚਿਤਿ ਵਸਾਇ ਇਛਿ ਪੁਜਾਇਆ ।੨੦।੧੪। ਚਉਦਾਂ ।

(پر) گرمکھاں (دی سیوا) نوں چتّ وچ وسا لوے، (بھاو-سیوا دے چاؤ تے سکّ نال جی بھریا رہے، بھاویں اوشیک کارناں کر کے ہو نا سکے تاں وی) اچھا پورن ہندی ہے۔