اکال پرکھ اکّ ہے اتے ستگورو دی کرپا نال ملدا ہے۔
(کامناں=دلیلاں۔ جوہے=تکدے ہن۔ دھوہن=دھروہنہار، ٹھگّ۔ چھوہے=کرودھ۔ پوہے=چمبڑنا۔)
لکھاں ('کامنا') دلیلاں کر کے باہلے (اپرادکاں دے) روپ کر کے کام دکھالی دیندا ہے۔
لکھاں 'کروپ' کرودھ کر کے ویری ہوکے تکدے ہن۔
لکھاں لوبھ، لکھاں لکھمیاں ہوکے دھروہ نال ٹھگّ رہے ہن۔
مایا دے موہ کروڑاں ملکے بہگنے ہوکے سوبھ رہے ہن۔
دینتاں دے سنگھار دا (کارن) ہنکار لکھاں پرکاراں دی ہنتا ممتا کر کے ('چھوہیں') کرودھ کر کے (داؤ تاڑدا ہے)۔
سادھ سنگت (وکھے ملکے جو) گرو دا سکھّ گرو سکھیا نوں شرون کردا ہے (اس نوں اتلے کہے ہوئے کامادک کوئی) اسر نہیں کردے۔
لکھاں استیاں (جادو واننُ موہن والیاں) لکھاں کامروپ (نامے دیش دیاں) ار لکھاں ٹنے کرن ہاریاں۔
سنگلادیپ دیاں پدمنیاں باہلے روپ نال شیگاریاں ہوئیاں۔
اندرپری (سرگ) دیاں موہت کرن والیاں (رمبھا اروشی نامے) اپسراں چنگے آچار والیاں۔
لکھاں ہوراں، لکھاں پریاں بہشت دیاں سواریاں ہوئیاں۔
لکھاں 'کولاں' (لچھمیاں) نویں جوبن والیاں، لکھاں ('کامکراری' کام کلا والیاں۔
گرمکھاں (دی چھایا) نوں (بی) چھہ نہیں سکدیاں (کیوں گرمکھاں دی) سادھ سنگت بھاری (واڑ) ہے۔ اس واڑ دے آشی گرمکھ انھاں اپدرواں تھوں بچیا رہندا ہے۔ (سادھ سنگت توں وہوناں تپی پرکھ بھلا بی ہووے تاں پھس مردا ہے)۔
لکھاں دریودھن، لکھاں کنس، لکھاں ہی ہور دیت لڑن والے۔
لکھاں راون، لکھاں کمبھکرن، لکھاں راکھش مند کرماں والے۔
لکھاں پرسرام تے سہنسر باہو (جہے راجے) ہنکار کر کے کھہن والے۔
ہرنکسیپ، ہرناکھش ار نرسنگھ گجن والے۔
لکھاں کرودھ، لکھاں ورودھ، لکھاں ویر کرن ہارے،
گرُ سکھ اپر کوئی بل نہیں پا سکدے (کیونکِ اہ گرمکھاں دی) سادھ سنگت وکھے ملِ بیٹھدے ہن۔
سونے چاندی دے لکھاں مناں مونہی بھنڈارے بھرے ہوئے ہون۔
موتی مانک، ہیرے باہلے اپار ملّ والے۔
لکھاں دیش، لکھاں موہنے بھیکھ، راج بھاگ ار ہزاراں الاکے۔
ردھیاں (کئی) سدھیاں دے جوگ (ملاپ) تے بھوگ کئی گہنیاں دے شنگار۔
لکھاں کامدھین (گؤاں)، لکھاں کلپ برچھ ار چنتامنی دے ٹکڑے۔
چارے پدارتھ (دھرمادِ)، سارے پھل، لکھاں لوبھاں دے (“ابھار”) ادے ہون۔
گر سکھ نوں کوئی وسّ نہیں کر سکدا۔ (کیوں جو) سادھ سنگت وکھے اس دا ادھار ہویا ہے۔
پتر پیو دا، ماں دھی دا، بھین بھراؤ دا۔
استری ار بھرتا دا پیار اجہے لکھاں ہی من دے میل ملاپ ہو رہے ہن (بھاو انھاں دے آپو وچی دلی میل ہندا ہے)۔
سندر مندر، چتر سال، باغ ار شوبھانیک پھل۔
راگ، رنگ رس اتے روپ لکھاں بھوگاں دے بھلائے باہلے۔
لکھاں مایا، لکھاں موہاں دے نال میل کر کے داویگیر ہوکے دائوے بنھنے۔
گرسکھ پر بل نہیں پا سکدے (کیوں جو اوہ) سادھ سنگت وکھے ہی شوبھانیک ہو رہے ہن۔
اک ورن نوں دوجا ورن چنگا نہیں لگدا (اس لئی) ہنکار کر کے آپو وچ کھہندے ہن۔
(درشٹانت) بن وکھے دو شیر بل والے جکر بھبکاں ماردے ہن۔
ہاتھی مستی لا کے اڑیئل ہو اڑ کھلوندے (اک دوجے نوں مارن پیندے) ہن۔
چھوٹے راجے ار وڈے راجے دیشاں نوں ملّ کے (آپو وچی جدھّ اتے) گھمسان کردے ہن۔
(اک) دیش وکھے دو پاتشاہ (نہیں رہِ سکدے، دوویں) جنگ کرن نوں ادت ہندے ہن۔
ہؤمیں ار ہنکار کر کے لکھاں ملّ بھلوان (جدبجدی گھلکے) کشتیاں کردے ہن۔
(اہ دوش) گرسکھ نوں نہیں پوہ سکدے، کیوں جو اوہ سادھ سنگت وکھے نواس رکھدے ہن۔
گورکھ ناتھ جتی کہا جاندا ہے، اس دا گرو (مچھندر ناتھ) کامی سی (کیوں جو اک مرتک راجے دے سریر وکھے پرویس کر کے اس دی رانی نال بھوگ بھوگدا رہا)۔
شکر کانا ہو گیا، کھوٹے منتر دے وچار کرن کر کے (بھاو اہ بی داغی ہو گیا ہے۔
لچھمن نے (باراں ورہے) بھکھ تریہ سادھ لیتی سی (کیوں جو رام چندر دے نال بن وکھے پھلاہاری ہی رہا، پرنتو ہؤمیں کر کے ہنکاری ہی رہا۔
ہنومان بلی ہویا ہے پرنتو مت اسدی چنچل تے کھاری سی۔
بھیروں دے نال بھوتاں دا کستر بنیا رہا ہے، (اس نے بی) درمتھ ہی ار وکھے دھارن کیتی رکھی
گرو دے سکھّ جتی شلاگھا کرن دے جوگ ہن، (کیوں جو) انھاں نے ہؤمیں مار دتی ہے، (نردوش ہن۔
ہری چند راجا (آپنے) ست رکھن (لئی) منڈی وکھے وکیا (تے وشوا متر دا سو بھار سونے دا پورا کیتا)۔
راجا بل پاتال چلیا گیا پر ست نا چھڈیا۔
کرن سونے دا دان کر کے انت نوں پچھوتایا، (کیوں جو اکیراں اشنان کر رہا سی، تدوں اندر نے پریکھیا لئی سونا منگیا اہ پاس نہیں سی، اس لئی آپنی تچا ادھیڑ دتی سی، باجے کہندے ہن کِ اگے پرلوک وکھے بی اس نوں سونا ہی ملدا سی، اس لئی بھرت کھنڈ وکھے پھیر آکے انّ دا دان
دھرم پتر وڈا ستوادی سی (پر اک) جھوٹھ کر کے جمپری گیا۔
جتی ستی سنتوکھی ہوئے (تاں بتھیرے پر) ہؤنمیں تے گرب وچ ہوئے (اس کر کے اندروں سکھی نا ہوئے)۔
(ایہ سارے) گرو سکھ دے روم دی برابری نہیں کر سکدے (کیونکِ) اہ نمانے ہندے ہن، (گرسکھ اسے کر کے بہتے مان یوگ ہن)۔
مسلمان ار ہندوآں نے (آپو آپنے) دے رستے چلا دتے ہن۔
(مسلمان آپنے رستے دا ناؤں) مزہب، (ار ہندو) ورن آکھدے ہن، (ہندو) گرو (ار مسلمان) پیر سداؤندے ہن۔
سکھ ار مرید وڈے پاکھنڈاں نال پھساؤندے تے اپدیش دیندے ہن۔
(ہندو) رام رام، (مسلمان) رہیم دھیاؤندے ہنکار ار گرب کردے ہن۔
(مسلمان) مکے دی زیارت (جاترا) (ار ہندو) گنگا ار کانشی دا سیون کردے (بھاو اتھے مرن نال مکتی سمجھدے ہن)
(مسلمان) روزے (ہندو) ورت رکھدے نمازاں تے ڈنڈؤتاں کردے ہن۔ (ستویں تک وکھے سدھانت دسدے ہن)۔
گرو دے سکھّ دے اک روم برابر نہیں پجدے ہن (کیونکِ اہ) آپا گواؤندے ہن۔
چھی درشن چودہ ودیا دے جھگڑے وکھے ورتدے ہن۔
گرہستھی لوک اسوار پیادے (پاتشاہی نوکر چاکر) گھر دی گھمنگھیری وکھے پھسے ہوئے (' روٹیاں کارن پورہِ تال”) ہن۔
سنیاسی دس ناؤں (گری پری آد رکھاکے اتر پرشناں دے جھگڑے کر رہے ہن۔
راول (جوگی) لوک باراں پنتھ بنا کے (ہنکار آدِ مد پان کرکے) مست ہوئے پھر رہے ہن۔
جین مارگیاں دی جوٹھ نہیں اتردی (کیوں جو اہ آپنے سیوکاں دا) بچت انّ کھاندے (ار بھانڈیاں دے دھون دا پانی پین ار نھاؤن وکھے ورتدے) ہن۔
(اہ سبھ) گرو دے سکھ دے اک روم دے برابر نہیں پجدے، جنھاں دی دھر (ٹیک 'آدِ جگادی') واہگرو پر ہے۔
سنی، شیئے، راپھزی (آد) بہتے مزہب (مسلماناں دے) من وکھے چنگے لگے ہن۔
ملہد، مناپھک سبھ بھرم وکھے بھلے رہے (کیونکِ اوہ جگت کرتا نہیں مندے، جاندے ہن کِ گھاہ توں گھاہ واگوں آپے جگت ہویا آؤندا ہے۔
ایسائی لوک ار موسا پیکمبر دے منن والے ہؤمیں وکھے ہیران ہن۔
پھرگستانی، 'ارمنی' (آرمینیاں واسی) رومی ہنکار وکھے مست ہن۔
کالی پیش (جو کالی پشاک رکھدے ہن) کلندر اتے درویش لوک (جو کِ دیشاٹن کری پھردے ہن) ('دگانے) دو گنڈے کوڈاں دے ملّ والے ہن، (کیوں جو جو ہنکار کرے بھاویں کوئی ہووے کوڈیؤں کھوٹا ہے)۔
گرو دے سکھ دے اک وال دے برابر نہیں ہن، (کیوں جو گرو دے سکھ) گرو دی ہٹی پر وک چکے ہن۔
جپ، تپ، سنجم (اندری روک دیاں) سادھناں (تپسیا) ہٹھ نوں دھارکے کرنیاں۔
ورت، نیم، تیرتھ باہلے آتما نمتّ کرنے۔
دیویاں، دیوتے، (دہرے) ٹھاکر دواریا دی پوجا وکھے تتپر ہونا
بہتے ہوم، جگ، دان کرنے، ویداں دا مکھوں پاٹھ کرنا۔
کرماں، دھرماں، بھے بھرماں وچ باہلے جمدے مردے ہی رہندے ہن۔
(سکھ پھل) سوروپانند دی پراپتی گرمکھاں نوں ہندی ہے جو سادھ سنگت نوں ملکے کٹھن (سنسار نوں) تر جاندے ہن (جو ہؤں توں ٹیک چککے گرو تے ٹیک دھاردے ہن)۔
چکرورتی راجے ادی است تیک راج کر کے باہلے (پرتاپ والے) ہوئے۔
ارب کھربادِ پدارتھاں دیاں ندھاں (گھر وکھے ار) رساں دے بھوگ چنگیاں تھوں چنگے (تیار سن)۔
نرپت لوک، چھتر پتی، ('سرپتِ') اندرادک ہؤمیں وکھے گھیرے رہے۔
شو لوک تھوں برہم لوک نوں چڑھکے کئی راجے بیکنٹھ دے واسی ہوئے۔
کئی چرجیوی باہلیاں امراں والے وڈیاں تھوں وڈے ہوئے۔
('سکھ پھل') سروپا نند دی پراپتی گرمکھاں نوں ہوئی ہے، (اس لئی اوہ گرمکھ اپر کہے ہوئے سارے) بھلیاں نالوں بھلیرے (اتم) ہن (کیوں جو شاتانتماں ہوکے آپنے آپ دے انند وکھے مگن رہندے ہن، نج سروپ توں نہیں ہلدے)۔
روپ انپ سروپ' (ارتھات کرتم سوہنے روپ، سروپ، جاتیی سندر روپ) لکھاں رنگاں نال مشرت ہون۔
راگ ناداں دے 'سمباد' (جھگڑے) لکھاں سنگتاں اک رس (رہن والیاں (ودمان) ہون۔
گندھیاں وچوں لکھاں سگندھیاں دے میلئر ارگجے (باہلیاں سگندھیاں دے ساربھوت تیل) سدھّ۔
رسوئی وکھے چھتیہ پرکار دے بھوجن ہور رساں دے بھوگ چنگے ڈھنگ بناؤن والے۔
پٹّ دے کپڑے (پہرن نوں۔ گہنے (سربنگاں) سارے انگاں دے (پورن لئی، کڑے بہٹے، والے آد) شوبھدے ہون۔
(پرنتو اکت سکھ) گرمکھاں دے سکھ پھل دے (انند وکھے آپنی) گمتا نہیں کر سکدے (سمانتا نہیں پا سکدے کیوں جو) گرسکھاں دا (انند اننت سکھاں دا) کارن ہے، (ہور سنسارک سکھ ناشمان ہن ار گرمکھاں دا سکھ پھل اک رس اتے اناشی ہے۔) .
لکھاں مت اتے لکھاں بدھیاں (ارتھات وہارک اتے پرمارتھک) ہن (سدھ) پوترتا (یا ہوش) اکت (وچناں دی چترائی) ار ہیٹھ لکھاں چاترتائیاں ہون۔
لکھاں بل (سریرک)، بچناں، وچاراں لکھاں، مایا لئی مہنتاں (اتھوا پرائی کرت کرنی)۔
لکھاں سیانپاں، لکھاں شرتیاں (پڑھے)، لکھاں 'گھڑائی' دی ('سرت') گیات ہووے (بھاو امارت دے کمّ چنگے ہو جان)
گیان دھیان اتے سمرن ہزار ہون، لکھاں پت اتے وڈیائیاں ہون، (پرنتو) سارے اکت سکھ تچھّ ہن، اگے اس دا کارن دسدے ہن)۔
ہنکار اتے ممتا دے وکھے ورتدے ہن، (اس لئی پرمیشر دی) درگاہ وکھے کبول نہیں ہندے۔
گرمکھ دا سکھ پھل اگمّ ہے، (کیوں جو اوہ) ستگورو (گر نانک دی) شرنی پئے ہن، (اس لئی آپ ستگورو انھاں دی سدا رکھیا کردے ہن تے ہؤں دے بندھن ٹٹّ جاندے ہن۔)
ست، سنتوکھ، دیا تے دھرم، لکھاں ارتھاں دا میل ہونا۔
لکھاں دھرتی لکھاں اکاش، لکھاں پانی، لکھاں پؤناں، لکھاں اگاں تپنیاں (بھاو اپ، تیز وائ، پرتھمی، اکاش، بھاو پنجاں تتاں دی رہت دھارن کرنی)۔
کھماں دھیرج دا سکھ (یتھا لابھ سنتسٹ ہونا)
سکرت (پنّ کرنے)، پریما بھگتی کرنی۔
سارے پدارتھ، سارے پھل، انند ودھیک ہونے۔
گرمکھ دے پریم رس دے سکھ پھل دے اک تل دے برابر (اکت سکھ) نہیں پج سکدے۔
لکھاں جوگی لوک، لکھاں دھیانی ملکے دھیان لاکے بیٹھدے ہن۔
لکھاں ' سنّ سمادھی' (اپھر سمادھی والے) لکھاں ہی آپو آپنے آسناں (کرماں) نوں سادھدے ہن۔
لکھاں شیکھناگ سمرن کردے ہن، لکھاں گنی لوک گیان کرن لئی (گیان گودڑیاں لاندے ہن)
لکھاں مہاتماں (سریشٹ لوک مہما کردے ہن لکھاں جے جے کار تے نمسکار کردے ہن
لکھاں استت، لکھاں اپماں (کیرتن آدِ) تے لکھاں بھگت جاپ جپدے ہن۔
(پرنتو) گرمکھ پریم رس دا سکھ پھل دے اک پل نوں بی نہیں لے سکدے۔
اچرج توں جہڑا وڈا اچرج ہے، (اہ بی) اچرج ہو جاندا ہے۔
وسماد توں جہڑا بھاری وسماد ہے، اہ بی وسماد رہندا ہے۔
اجہا ہی ہیران چیزاں وچوں جو وڈی ہیران چیز ہے، (اہ بی) ہیران ہو جاندی ہے (کِ میں بی اجہی ہیران نہیں ہاں)۔
ابگت توں جہڑی ابگت ہے، (اپراپی وستو ہے) اہ بی الکھ نوں لکھ نہیں سکدی۔
اکتھّ تے الکھ ہے، (جگیاسو) نیتِ (اہ نہیں، اہ نہیں) سناؤندا ہے (کِ انت نہیں ہے ہور بی ہے)۔
گرمکھ نوں سکھ پھل جو پریم رس پراپت ہویا ہے (اس کر کے نتّ) واہُ واہُ کہندا ہے۔
اک واک توں پسارا کر کے کئی برہمنڈ پسار دتے۔
کروڑاں برہمنڈ کر کے اک روم وکھے لکھ لکھ (برہمنڈ) ملا رکھے ہن۔
پاربرہم' (نرگن) برہم ہی پورن برہم (ارتھات سگن مورتی) گرو روپ (دھارکے) ہنکار نوں مار کے (دکھا دتا)۔
گرو (نانک) چیلے دا روپ (اتھوا) چیلا (انگد) گرو (نانک دا) روپ (ایک جوتِ دیاں مورتیاں ہن، اہ پدوی چیلے نوں کتھوں ملی؟ گرو دے) بچن منن تھوں (کیوں جو دیہ تے من مان چھڈکے ٹہل کیتی)۔
(ہن اہ رس کتھوں ملدا ہے؟ اتر) گرو دی سریشٹ سنگت ہی سچ (پرماتما دا) ستھان ہے (کیوں جو انھاں دی 'واچا') بانی وکھے نرنکار نواس کردا ہے (جو بچن کردے ہن پورا ہو جاندا ہے)۔
گرمکھاں نے دیہ دے ہؤمیں مار دتی ہے، انھاں نوں پریم رس دا سکھ پھل پراپت ہویا ہے۔
سچا گرو، گرو نانک 'دیؤ' (پرکاش روپ) ہے، (کیوں جو) اوہی پرمیشر (دا سروپ) ہے۔
گرو (نانک جی) دے سریر توں گرو انگد ہوئے، جوتی (پرکاش روپ گرو نانک نے آپنی) جوت (اس وکھے سموئی) پا دتی۔
گرو، انگد توں امر پدوی والے (گرو امرداس) ہوئے، ('جان') جانن والے توں ('جنوئی') جانن والے ہوئے، (اتھوا 'جانو' منو کِ 'جانوئی' گیان سروپ ہن)۔
گرو امر توں گرو رامداس ہوئے، امرت رس (نام) دے رس وکھے بھجے ہوئے (اٹھّ پہر نام دی رنگ رہندی ہے)۔
رامداس توں ارجن گرو شبد دے (ستھوئی) دھارن ہارے ہوئے۔
گرو ارجن توں گرو ہرگوبند گوبند دا روپ ہوئے۔
(انھاں توں) ستسنگ نے (رچے جاکے) گرمکھ پد دا پریم رس روپی سکھ پھل دیکھیا (پراپت کیتا)۔
(تانتے) گرو تے پرمیشر توں باہرا دوجا کوئی نہیں، (اتھوا-اس ویلے گرو ہرِ گوبند توں باجھ ہور کوئی نہیں ہے)۔