واراں بھائی گورداس جی

ੴ ਸਤਿਗੁਰ ਪ੍ਰਸਾਦਿ ॥

اکال پرکھ اکّ ہے اتے ستگورو دی کرپا نال ملدا ہے۔

ਪਉੜੀ ੧

ਆਦਿ ਪੁਰਖੁ ਆਦੇਸੁ ਕਰਿ ਆਦਿ ਪੁਰਖ ਆਦੇਸੁ ਕਰਾਇਆ ।

آدی پرکھ(پرماتماں نوں گرو نے) آدیس کیتی، آدِ پرکھ نے (گرو نوں) آدیس (نمشکار سارے جگت تھوں) کروائی ہے، (یتھا-'فریدا جے تو میرا ہوئ رہہِ سبھُ جگُ تیرا ہوئ'۔)

ਏਕੰਕਾਰ ਅਕਾਰੁ ਕਰਿ ਗੁਰੁ ਗੋਵਿੰਦੁ ਨਾਉ ਸਦਵਾਇਆ ।

اک نراکار نے سروپ رچکے گرو ہرگوبند نام سدایا۔

ਪਾਰਬ੍ਰਹਮੁ ਪੂਰਨ ਬ੍ਰਹਮੁ ਨਿਰਗੁਣ ਸਰਗੁਣ ਅਲਖੁ ਲਖਾਇਆ ।

پاربرہم پورن برہم (ارتھات) نرگن توں سرگن ہوکے الکھ نے آپنا آپ لکھا دتا ہے۔

ਸਾਧਸੰਗਤਿ ਆਰਾਧਿਆ ਭਗਤਿ ਵਛਲੁ ਹੋਇ ਅਛਲੁ ਛਲਾਇਆ ।

(کی لوڑ سی؟) سادھ سنگت نے ارادھنا کیتی سی، بھگت وچھل ہون کر کے اچھل ہوکے بی آپ نوں چھلایا۔ (بھاو بھگتاں پچھے اوتار دھارکے جگت دا ادھار کیتا۔ جگت ککر رچیا؟)۔

ਓਅੰਕਾਰ ਅਕਾਰ ਕਰਿ ਇਕੁ ਕਵਾਉ ਪਸਾਉ ਪਸਾਇਆ ।

اوئنکار نے اک واک کر کے پسارا پسار دتا۔

ਰੋਮ ਰੋਮ ਵਿਚਿ ਰਖਿਓਨੁ ਕਰਿ ਬ੍ਰਹਮੰਡੁ ਕਰੋੜਿ ਸਮਾਇਆ ।

(اتنا کِ) اک اک روم وکھے کروڑ کروڑ برہمنڈ دی سمائی کر چھڈی ہے۔

ਸਾਧ ਜਨਾ ਗੁਰ ਚਰਨ ਧਿਆਇਆ ।੧।

اہ (لکھتا کس نوں ہندی ہے؟ جنھاں نے) سنتاں دی سنگت کر کے گرو جی دے چرناں نوں دھیایا ہے۔

ਪਉੜੀ ੨

ਗੁਰਮੁਖਿ ਮਾਰਗਿ ਪੈਰੁ ਧਰਿ ਦਹਿ ਦਿਸਿ ਬਾਰਹ ਵਾਟ ਨ ਧਾਇਆ ।

(جس نے) گرمکھاں دے رستے وکھے پیر دھریا ہے اہ دوس دشا تے بارہواٹ (بپتا) وکھے نہیں دوڑدا (اتھوا جوگیاں دے باراں پنتھ وکھے جاں 'بارانواٹ' باراں راساں: مین میکھادک نچھتراں دے دھرم وکھے نہیں پھسدا)۔

ਗੁਰ ਮੂਰਤਿ ਗੁਰ ਧਿਆਨੁ ਧਰਿ ਘਟਿ ਘਟਿ ਪੂਰਨ ਬ੍ਰਹਮ ਦਿਖਾਇਆ ।

(کیوں جو اگے ہیتو دسدے ہن:) گرو دی مورتی وکھے گرو(=وڈا) دھیان دھرکے گھٹ گھٹ وکھے پورن برہم دسّ آیا ہے ('کت جائیئ رے گھر لاگو رنگُ۔۔ میرا چتُ ن چلے منُ بھئیو پنگُ')۔

ਸਬਦ ਸੁਰਤਿ ਉਪਦੇਸੁ ਲਿਵ ਪਾਰਬ੍ਰਹਮ ਗੁਰ ਗਿਆਨੁ ਜਣਾਇਆ ।

(گرو دے) شبد دی سرت ار گرو دے اپدیش دی ('لو') سمادھی نے پاربرہم دا گیان جنا دتا ہے۔

ਸਿਲਾ ਅਲੂਣੀ ਚਟਣੀ ਚਰਣ ਕਵਲ ਚਰਣੋਦਕੁ ਪਿਆਇਆ ।

جس نے الونی سلا چٹنی کیتی ہے اس نوں چرن کملاں دا چرنودک (آپ پیکے ہورناں نوں) پیایا ہے، (بھاو وکھیاں تھوں نروکھی ہوکے پریت کیتی ہے، پھل کی ہے؟)۔

ਗੁਰਮਤਿ ਨਿਹਚਲੁ ਚਿਤੁ ਕਰਿ ਸੁਖ ਸੰਪਟ ਵਿਚਿ ਨਿਜ ਘਰੁ ਛਾਇਆ ।

گرو دی مت کرکے، نہچل چت ہو سکھاں دے ڈبے نج سروپ وکھے ستھت ہو گیا۔

ਪਰ ਤਨ ਪਰ ਧਨ ਪਰਹਰੇ ਪਾਰਸਿ ਪਰਸਿ ਅਪਰਸੁ ਰਹਾਇਆ ।

پارس (گرو دے چرن) پرسکے پر تن (پر استری 'پر دھن') پرائے پدارتھ نوں منوں چھڈکے اپرس رہندا ہے۔

ਸਾਧ ਅਸਾਧਿ ਸਾਧਸੰਗਿ ਆਇਆ ।੨।

(کیوں جو) سادھ سنگت وکھے آ کر کے اسادھ (وایو وت دشکر من نوں) وسیکار وچ کر لیتا ہے۔

ਪਉੜੀ ੩

ਜਿਉ ਵੜ ਬੀਉ ਸਜੀਉ ਹੋਇ ਕਰਿ ਵਿਸਥਾਰੁ ਬਿਰਖੁ ਉਪਜਾਇਆ ।

جویں بوہڑ دا بیج پنگرکے وستھار والا برچھ پیدا کردا ہے۔

ਬਿਰਖਹੁ ਹੋਇ ਸਹੰਸ ਫਲ ਫਲ ਫਲ ਵਿਚਿ ਬਹੁ ਬੀਅ ਸਮਾਇਆ ।

برچھّ تھوں ہزاراں پھل ہندے ہن، ہریک پھل وکھے باہلے بیج بھرے ہندے ہن (دارشٹانت-اک گرمکھ ہزاراں نوں آپنے جہا کر لیندا ہے)۔

ਦੁਤੀਆ ਚੰਦੁ ਅਗਾਸ ਜਿਉ ਆਦਿ ਪੁਰਖ ਆਦੇਸੁ ਕਰਾਇਆ ।

اکاش وکھے دوج دے چند واننوں 'آدِ پرکھ' (سبھناں تھوں) نمسکاراں کراؤندا ہے۔

ਤਾਰੇ ਮੰਡਲੁ ਸੰਤ ਜਨ ਧਰਮਸਾਲ ਸਚ ਖੰਡ ਵਸਾਇਆ ।

سنت تاریاں دے منڈلاں واننوں دھرمسال سچکھنڈ (روپ اکاش) وکھے وسدے ہن۔

ਪੈਰੀ ਪੈ ਪਾਖਾਕ ਹੋਇ ਆਪੁ ਗਵਾਇ ਨ ਆਪੁ ਜਣਾਇਆ ।

پیراں دی خاک ہوکے پیریں پونا کردے ہن، (بھاو-اہنکار نہیں کردے) آپا بھاو گواکے آپنا آپ نہیں گناؤندے۔

ਗੁਰਮੁਖਿ ਸੁਖ ਫਲੁ ਧ੍ਰੂ ਜਿਵੈ ਨਿਹਚਲ ਵਾਸੁ ਅਗਾਸੁ ਚੜ੍ਹਾਇਆ ।

گرمکھ دھروہ بھگت واننوں (اکاش روپ) سچکھنڈ وکھے اٹلّ واسا رکھدے ہن۔

ਸਭ ਤਾਰੇ ਚਉਫੇਰਿ ਫਿਰਾਇਆ ।੩।

سارے تارے انھاں دی پرکرماں کردے ہن۔

ਪਉੜੀ ੪

ਨਾਮਾ ਛੀਂਬਾ ਆਖੀਐ ਗੁਰਮੁਖਿ ਭਾਇ ਭਗਤਿ ਲਿਵ ਲਾਈ ।

نامے نے جو جات دا چھیمبا کہیدا سی، پریما بھگتی وکھے ('لو') پریتِ کیتی، گرمکھاں (سدرش)۔

ਖਤ੍ਰੀ ਬ੍ਰਾਹਮਣ ਦੇਹੁਰੈ ਉਤਮ ਜਾਤਿ ਕਰਨਿ ਵਡਿਆਈ ।

دیہرے وکھے کھتری براہمن اتم جات دے شوبھا کرن لگے۔

ਨਾਮਾ ਪਕੜਿ ਉਠਾਲਿਆ ਬਹਿ ਪਛਵਾੜੈ ਹਰਿ ਗੁਣ ਗਾਈ ।

(پنڈیاں نے) نامے نوں پھڑکے باہر کڈھّ دتا، اہ مندر دے پچھواڑے بیٹھکے ہری دا جس گاؤن لگا۔

ਭਗਤ ਵਛਲੁ ਆਖਾਇਦਾ ਫੇਰਿ ਦੇਹੁਰਾ ਪੈਜਿ ਰਖਾਈ ।

(ہری نے جو) بھگت وچھل سداؤندا ہے، دیہرا پھیر کے پیج رکھ دتی۔

ਦਰਗਹ ਮਾਣੁ ਨਿਮਾਣਿਆ ਸਾਧਸੰਗਤਿ ਸਤਿਗੁਰ ਸਰਣਾਈ ।

نمانیاں نوں درگاہ وکھے مان ملدا ہے جو سادھ سنگت ستگورو جی دی شرن ہن۔

ਉਤਮੁ ਪਦਵੀ ਨੀਚ ਜਾਤਿ ਚਾਰੇ ਵਰਣ ਪਏ ਪਗਿ ਆਈ ।

اچی پدوی والے (کھتری براہمن ار) نیچ جات والے (شودر لوک، گلّ کی) چارے ورن نامیں دی پیریں آ ڈگے۔ (اس پر درشٹانت دندے ہن)۔

ਜਿਉ ਨੀਵਾਨਿ ਨੀਰੁ ਚਲਿ ਜਾਈ ।੪।

جکر پانی نوان نوں ترکے جاندا ہے۔

ਪਉੜੀ ੫

ਅਸੁਰ ਭਭੀਖਣੁ ਭਗਤੁ ਹੈ ਬਿਦਰੁ ਸੁ ਵਿਖਲੀ ਪਤਿ ਸਰਣਾਈ ।

راکھش ببھیکھن بھگت ہویا، بدر، دھرو تے ویشوا شرنی آئے۔

ਧੰਨਾ ਜਟੁ ਵਖਾਣੀਐ ਸਧਨਾ ਜਾਤਿ ਅਜਾਤਿ ਕਸਾਈ ।

دھنا بھگت جٹّ کہیدا ہے، سدھناں جاتاں وچوں نیچ جات والا کسائی (ہویا ہے)۔

ਭਗਤੁ ਕਬੀਰੁ ਜੁਲਾਹੜਾ ਨਾਮਾ ਛੀਂਬਾ ਹਰਿ ਗੁਣ ਗਾਈ ।

کبیر بھگت جلاہا، ناما چھیمبا ہوکے ہری دے گن گاؤن لگا۔

ਕੁਲਿ ਰਵਿਦਾਸੁ ਚਮਾਰੁ ਹੈ ਸੈਣੁ ਸਨਾਤੀ ਅੰਦਰਿ ਨਾਈ ।

چمیار دی کل وچ روداس ہویا ہے، (سنات) نیویاں کوماں وچوں سین بھگت نائی (اگے پنجویں چھیویں تک وچ دو درشٹانت دسدے ہن)۔

ਕੋਇਲ ਪਾਲੈ ਕਾਵਣੀ ਅੰਤਿ ਮਿਲੈ ਅਪਣੇ ਕੁਲ ਜਾਈ ।

(جکر) کانونی کوئل نوں (آپنی انش جانکے) پالدی ہے، (پرنتو) انت نوں اہ آپنے (ماپیاں دی بولی سنکے کوئلاں) دی کل وکھے جا ملدی ہے۔

ਕਿਸਨੁ ਜਸੋਧਾ ਪਾਲਿਆ ਵਾਸਦੇਵ ਕੁਲ ਕਵਲ ਸਦਾਈ ।

(کرشن) نوں جسودھاں (گزری نے باراں ورھے) پالیا سی، پرنتو واسدیو دی کل دا کول ہی کہلایا۔ (اویں اہ سنات نا کہلائے، بھگت کہلائے)۔

ਘਿਅ ਭਾਂਡਾ ਨ ਵੀਚਾਰੀਐ ਭਗਤਾ ਜਾਤਿ ਸਨਾਤਿ ਨ ਕਾਈ ।

جویں گھیو دا بھانڈا نہیں وچاریدا (تویں) بھگتاں دی (اچی) جات جاں نیویں جات کوئی نہیں (وچاری دی، یتھا “گھء پٹ بھانڈا کہے ن کوئ۔۔')

ਚਰਣ ਕਵਲ ਸਤਿਗੁਰ ਸਰਣਾਈ ।੫।

ستگورو (گرو نانک دے) چرناں کملاں دی شرن (لین دے کارن سدا اتم ہن، انت نوں پرم دھام وکھے نواس دینگے۔)۔

ਪਉੜੀ ੬

ਡੇਮੂੰ ਖਖਰਿ ਮਿਸਰੀ ਮਖੀ ਮੇਲੁ ਮਖੀਰੁ ਉਪਾਇਆ ।

مسری ڈیموناں دی کھکھروں، مکھیاں دے میل تھوں شہت اتپت ہندا ہے۔

ਪਾਟ ਪਟੰਬਰ ਕੀੜਿਅਹੁ ਕੁਟਿ ਕਟਿ ਸਣੁ ਕਿਰਤਾਸੁ ਬਣਾਇਆ ।

پٹّ دے کپڑے کیڑیاں تھوں (بندے ہن، ار) سن نوں کٹ کٹکے کاگت بناؤندے ہن۔

ਮਲਮਲ ਹੋਇ ਵੜੇਵਿਅਹੁ ਚਿਕੜਿ ਕਵਲੁ ਭਵਰੁ ਲੋਭਾਇਆ ।

وڑیویاں تھوں ململ ہندی ہے، چکڑ وچوں کول (اجہا سوہنا ہندا ہے جس پر) بھورے لوبھدے ہن۔

ਜਿਉ ਮਣਿ ਕਾਲੇ ਸਪ ਸਿਰਿ ਪਥਰੁ ਹੀਰੇ ਮਾਣਕ ਛਾਇਆ ।

جکوں کالے سپّ دے سر منی ار پتھراں وکھے، ہیرے تے مانک شوبھدے ہن۔

ਜਾਣੁ ਕਥੂਰੀ ਮਿਰਗ ਤਨਿ ਨਾਉ ਭਗਉਤੀ ਲੋਹੁ ਘੜਾਇਆ ।

کستوری مرگاں دی نابھی وکھے ہندی ہے، لوہے تھوں تلوار گھڑیدی ہے۔

ਮੁਸਕੁ ਬਿਲੀਅਹੁ ਮੇਦੁ ਕਰਿ ਮਜਲਸ ਅੰਦਰਿ ਮਹ ਮਹਕਾਇਆ ।

بلی دی مجھّ تھوں مشک بلائی ہندی ہے، جہڑی مجلساں وچ مہاں مہکدی ہے۔

ਨੀਚ ਜੋਨਿ ਉਤਮੁ ਫਲੁ ਪਾਇਆ ।੬।

(ہن تاتپرج دسدے ہن کِ) نیچ جونیاں سن(پر) اتم پھل پا لیا، (تہا ہی بھگت جن نیچ جات ہوکے بی اچّ پھل نوں اجہے پراپت ہوئے کِ اجّ تیک گرنتھاں وچ لکھے چلے آؤندے ہن۔

ਪਉੜੀ ੭

ਬਲਿ ਪੋਤਾ ਪ੍ਰਹਿਲਾਦ ਦਾ ਇੰਦਰਪੁਰੀ ਦੀ ਇਛ ਇਛੰਦਾ ।

پرہلاد دا پوترا (ارتھات، وروچن دا پتر راجا) بلِ اندرپری دے راج دی اچھا دا لوڑوندا سی۔

ਕਰਿ ਸੰਪੂਰਣੁ ਜਗੁ ਸਉ ਇਕ ਇਕੋਤਰੁ ਜਗੁ ਕਰੰਦਾ ।

اک سو جگّ سمپورن کر چکا سی ار اکوتر سو پورے کرن لئی اک (جگّ ہور) کر رہا سی۔

ਬਾਵਨ ਰੂਪੀ ਆਇ ਕੈ ਗਰਬੁ ਨਿਵਾਰਿ ਭਗਤ ਉਧਰੰਦਾ ।

باونروپ والے نے آ کر کے ہنکار دور کر کے بھگت دا ادھار کر دتا۔

ਇੰਦ੍ਰਾਸਣ ਨੋ ਪਰਹਰੈ ਜਾਇ ਪਤਾਲਿ ਸੁ ਹੁਕਮੀ ਬੰਦਾ ।

اندراسن (دی اچھا) نوں چھڈکے، ہکمی بندا ہو پتال چلیا گیا۔

ਬਲਿ ਛਲਿ ਆਪੁ ਛਲਾਇਓਨੁ ਦਰਵਾਜੇ ਦਰਵਾਨ ਹੋਵੰਦਾ ।

بلِ نوں چھلدا ہویا آپنا آپ چھلا بیٹھا، دروازے پر دروان ہو گیا، (راجا بلِ دے پتال جان پر درشٹانت دندے ہن)۔

ਸ੍ਵਾਤਿ ਬੂੰਦ ਲੈ ਸਿਪ ਜਿਉ ਮੋਤੀ ਚੁਭੀ ਮਾਰਿ ਸੁਹੰਦਾ ।

جکر سپّ سوانتِ بوند لے کے، ٹبی مارکے شوبھنیک موتی ہو جاندا ہے؛

ਹੀਰੈ ਹੀਰਾ ਬੇਧਿ ਮਿਲੰਦਾ ।੭।

(تکر بل بھگت دا من) ہیرے نال ہیرے وانگو ونھیاں جاکے مل گیا۔

ਪਉੜੀ ੮

ਨੀਚਹੁ ਨੀਚ ਸਦਾਵਣਾ ਕੀੜੀ ਹੋਇ ਨ ਆਪੁ ਗਣਾਏ ।

کیڑی نیویاں توں نیواں سداؤندی ہے، (کیوں جو نکی ہوکے) آپنا آپ نہیں گناؤندی (جاں کیڑی وانگوں نیچ توں نیچ سداکے آپ جنائے)۔

ਗੁਰਮੁਖਿ ਮਾਰਗਿ ਚਲਣਾ ਇਕਤੁ ਖਡੁ ਸਹੰਸ ਸਮਾਏ ।

(جکوں مونہی کیڑی دے مگر سبھ چلدیاں ہن تویں) گرمکھاں دے مارگ پر چلنا چاہیئے (پھیر کیڑی واننوں) اک کھڈّ وچ ہزاراں دی سمائی کرے (بھاو پیار نال رہن)۔

ਘਿਅ ਸਕਰ ਦੀ ਵਾਸੁ ਲੈ ਜਿਥੈ ਧਰੀ ਤਿਥੈ ਚਲਿ ਜਾਏ ।

گھیو شکر دی واشنا لے کے جتھے ہووے جا پہنچدی ہے (تویں ستسنگت وچ پجکے جائے)۔

ਡੁਲੈ ਖੰਡੁ ਜੁ ਰੇਤੁ ਵਿਚਿ ਖੰਡੂ ਦਾਣਾ ਚੁਣਿ ਚੁਣਿ ਖਾਏ ।

(جیکر) ریت وکھے کھنڈ ڈلھ پوے اتھوں بی چن چن کے کھنڈ دا دانا ہی کھا لویگی۔ (“ہرِ ہے کھانڈُ ریتُ مہِ بکھری ہاتھی چنی ن جائ۔۔ کہِ کبیر گرِ بھلی بجھائی کیٹی ہوئکے کھائ”۔۔ بھاو گرمکھ لوک کیڑی ہوکے گناں روپی کھنڈ ریت وکھے رلی ہوئی بی چنکے دھارن کردے ہن، ارتھات:-”ساجھ

ਭ੍ਰਿੰਗੀ ਦੇ ਭੈ ਜਾਇ ਮਰਿ ਹੋਵੈ ਭ੍ਰਿੰਗੀ ਮਾਰਿ ਜੀਵਾਏ ।

بھرنگی (کیڑے دے) ڈر نال مرکے بھرنگی ہوکے مار جیوائے، (ہور کیڑیاں نوں دہادھیاسوں مارکے آپنے جہا کردی ہے، درشٹانت گرمکھ لوک جیوت بھاو تھوں جگیاسو نوں مارکے آپنے وانگوں بھگونت پرائن کردے ہن)

ਅੰਡਾ ਕਛੂ ਕੂੰਜ ਦਾ ਆਸਾ ਵਿਚਿ ਨਿਰਾਸੁ ਵਲਾਏ ।

(جکر) کچھو اتے کونج دے بچے آسا وچ نراس رہندے ہن۔

ਗੁਰਮੁਖਿ ਗੁਰਸਿਖੁ ਸੁਖ ਫਲੁ ਪਾਏ ।੮।

گرمکھ گر سکھیا لے کے “سکھ پھل” پاؤندے ہن۔

ਪਉੜੀ ੯

ਸੂਰਜ ਪਾਸਿ ਬਿਆਸੁ ਜਾਇ ਹੋਇ ਭੁਣਹਣਾ ਕੰਨਿ ਸਮਾਣਾ ।

بیاس دیو سورج دے کول جاکے نکا جہا کیڑا روپ دھارکے (اچی شروا نامے سورج دے گھوڑے دے) کنّ وچ وڑ بیٹھا (بھاو-نکا بنکے ادھین ہوکے کسے گنی توں ودیا پائی تے نپنّ ہوکے گھر آیا)۔

ਪੜਿ ਵਿਦਿਆ ਘਰਿ ਆਇਆ ਗੁਰਮੁਖਿ ਬਾਲਮੀਕ ਮਨਿ ਭਾਣਾ ।

(بالمیک بی نمربھوت ہو) ودیا پڑھکے گرمکھ بالمیک من نوں بھاؤننا گھر نوں آیا۔

ਆਦਿ ਬਿਆਸ ਵਖਾਣੀਐ ਕਥਿ ਕਥਿ ਸਾਸਤ੍ਰ ਵੇਦ ਪੁਰਾਣਾ ।

آدِ ویاس نے متھ متھکے شاستر وید پراناں (دیاں سنہتاں) بنا دتیاں (پرنتو شانتِ ن آئی)۔

ਨਾਰਦਿ ਮੁਨਿ ਉਪਦੇਸਿਆ ਭਗਤਿ ਭਾਗਵਤੁ ਪੜ੍ਹਿ ਪਤੀਆਣਾ ।

ناردمنی نے (اس نوں) اپدیش دتا کِ بھگوت دی بھگتی پڑھ، (اس نوں پڑھکے اہ) پتیجیا (بھاو شانت آ گئی۔)

ਚਉਦਹ ਵਿਦਿਆ ਸੋਧਿ ਕੈ ਪਰਉਪਕਾਰੁ ਅਚਾਰੁ ਸੁਖਾਣਾ ।

چوداں ودیا سودھ کے پرؤپکار دے آچار وچ سکھ پایا۔

ਪਰਉਪਕਾਰੀ ਸਾਧਸੰਗੁ ਪਤਿਤ ਉਧਾਰਣੁ ਬਿਰਦੁ ਵਖਾਣਾ ।

سادھ سنگت پرؤپکاری ہے ار پتتاں دا ادھار کرنا (سادھ سنگت دا) برد کہیدا ہے۔

ਗੁਰਮੁਖਿ ਸੁਖ ਫਲੁ ਪਤਿ ਪਰਵਾਣਾ ।੯।

گرمکھاں نے سکھ پھل پایا ہے، (ار انھاں دی) پت پروان ہوئی ہے۔

ਪਉੜੀ ੧੦

ਬਾਰਹ ਵਰ੍ਹੇ ਗਰਭਾਸਿ ਵਸਿ ਜਮਦੇ ਹੀ ਸੁਕਿ ਲਈ ਉਦਾਸੀ ।

سکدیو نے باراں ورہے (ماتا دے) گربھ وکھے رہکے جمدے سار ہی 'اداسی' لیتی۔

ਮਾਇਆ ਵਿਚਿ ਅਤੀਤ ਹੋਇ ਮਨਹਠ ਬੁਧਿ ਨ ਬੰਦਿ ਖਲਾਸੀ ।

مایا وچ اتیت (ورکتی تاں) ہویا، (پرنتو) من دی ہٹھ بدھی دی بند خلاس نا ہوئی۔

ਪਿਉ ਬਿਆਸ ਪਰਬੋਧਿਆ ਗੁਰ ਕਰਿ ਜਨਕ ਸਹਜ ਅਭਿਆਸੀ ।

بیاس پتا نے اپدیش دتا کِ جنک جہڑا سہج ابھیاسی ہے (اس نوں) گرو دھارن کر۔

ਤਜਿ ਦੁਰਮਤਿ ਗੁਰਮਤਿ ਲਈ ਸਿਰ ਧਰਿ ਜੂਠਿ ਮਿਲੀ ਸਾਬਾਸੀ ।

ہن درمتِ (ہٹھ) نوں چھڈکے سرپر جوٹھیاں پتلاں سہار کر گرو سکھیا لیتی (تے گرو پاسوں 'شاباسی'=) تھاپی ملی۔

ਗੁਰ ਉਪਦੇਸੁ ਅਵੇਸੁ ਕਰਿ ਗਰਬਿ ਨਿਵਾਰਿ ਜਗਤਿ ਗੁਰ ਦਾਸੀ ।

گرو دے اپدیش وکھے گرب نوں نوارکے جد (جگت گرداسی=راجا پریکھت جہے) جگت دے پوجی نے داسی بھاگ گرہن کیتا تاں (جگت اس پوجی دا داس ہویا)۔

ਪੈਰੀ ਪੈ ਪਾ ਖਾਕ ਹੋਇ ਗੁਰਮਤਿ ਭਾਉ ਭਗਤਿ ਪਰਗਾਸੀ ।

(درشٹانت) پیری پینا، پیراں دی خاک ہونا، گرمت اتے پریما بھگتی دا (گرمکھاں نے) پرکاش کیتا، (بھاو اپدیش دتا)۔

ਗੁਰਮੁਖਿ ਸੁਖ ਫਲੁ ਸਹਜ ਨਿਵਾਸੀ ।੧੦।

(انت نوں) گرمکھاں دے (شانتِ سروپ) سکھ پھل دے سہجے نواسی ہندے ہن۔

ਪਉੜੀ ੧੧

ਰਾਜ ਜੋਗੁ ਹੈ ਜਨਕ ਦੇ ਵਡਾ ਭਗਤੁ ਕਰਿ ਵੇਦੁ ਵਖਾਣੈ ।

راجا جنک راج اتے جوگ دوویں کردا سی وڈا بھگت کر کے وید نے ورنن کیتا ہے۔

ਸਨਕਾਦਿਕ ਨਾਰਦ ਉਦਾਸ ਬਾਲ ਸੁਭਾਇ ਅਤੀਤੁ ਸੁਹਾਣੈ ।

سنکادک تے نارد ایہ بال اوستھا تھوں ہی اتیت اتے اداس رہے (اہو دشا) چنگی لگدی رہی ہے؛

ਜੋਗ ਭੋਗ ਲਖ ਲੰਘਿ ਕੈ ਗੁਰਸਿਖ ਸਾਧਸੰਗਤਿ ਨਿਰਬਾਣੈ ।

پرنتو گرو دے سکھّ لکھاں ہی راج اتے جوگاں نوں لنگھکے سادھ سنگت وکھے (نربانے) نربندھن رہندے ہن (کارن اہ کِ جو)

ਆਪੁ ਗਣਾਇ ਵਿਗੁਚਣਾ ਆਪੁ ਗਵਾਏ ਆਪੁ ਸਿਞਾਣੈ ।

آپنا آپ گناؤندے ہن خراب ہندے ہن، (پر جو) ہنکار دا تیاگ کردے ہن اوہ آپنا آپ ساندے ہن۔ (بھاو-سروپ دی لکھتا ہو جاندی ہے)۔

ਗੁਰਮੁਖਿ ਮਾਰਗੁ ਸਚ ਦਾ ਪੈਰੀ ਪਵਣਾ ਰਾਜੇ ਰਾਣੈ ।

اسے لئی گرمکھاں دا رستا سچّ دا ہے، (راجے) وڈے اتے (رانے) چھوٹے (سارے) پیریں آ پیندے ہن۔

ਗਰਬੁ ਗੁਮਾਨੁ ਵਿਸਾਰਿ ਕੈ ਗੁਰਮਤਿ ਰਿਦੈ ਗਰੀਬੀ ਆਣੈ ।

(اوہ بی) گرب تے گمان نوں (منوں تنوں) ہٹاکے گرمتِ اتے غریبی نوں ردے وکھے دھاردے ہن، (پھل اہ ہندا ہے)

ਸਚੀ ਦਰਗਹ ਮਾਣੁ ਨਿਮਾਣੈ ।੧੧।

کِ سچی درگاہ وکھے (انھاں) نمانیاں نوں مان (آدر) ملدا ہے۔

ਪਉੜੀ ੧੨

ਸਿਰੁ ਉਚਾ ਅਭਿਮਾਨੁ ਵਿਚਿ ਕਾਲਖ ਭਰਿਆ ਕਾਲੇ ਵਾਲਾ ।

سر ہنکار وچ اچا ہے، کالکھ دا بھریا کالے والاں والا ہے۔

ਭਰਵਟੇ ਕਾਲਖ ਭਰੇ ਪਿਪਣੀਆ ਕਾਲਖ ਸੂਰਾਲਾ ।

بھروٹے کالکھ دے بھرے ہن، جھمنیاں کالیاں سولاں (برچھیاں) وانگوں ہن۔

ਲੋਇਣ ਕਾਲੇ ਜਾਣੀਅਨਿ ਦਾੜੀ ਮੁਛਾ ਕਰਿ ਮੁਹ ਕਾਲਾ ।

نیتر کالے جانیدے ہن، داڑھی مچھاں نال (سارا) مونہ کالا ہو رہا ہے۔

ਨਕ ਅੰਦਰਿ ਨਕ ਵਾਲ ਬਹੁ ਲੂੰਇ ਲੂੰਇ ਕਾਲਖ ਬੇਤਾਲਾ ।

نکّ دے اندر نکّ دے وال بہتے ہن، لوں لوں کالکھ والا بیڈھنگا (سروپ) ہے۔

ਉਚੈ ਅੰਗ ਨ ਪੂਜੀਅਨਿ ਚਰਣ ਧੂੜਿ ਗੁਰਮੁਖਿ ਧਰਮਸਾਲਾ ।

اچے ہون کر کے انگاں دی پوجا نہیں ہندی، گرمکھاں دی چرن دھوڑ دھرمسالا (وکھے پوجیدی ہے، کیونکِ جو)

ਪੈਰਾ ਨਖ ਮੁਖ ਉਜਲੇ ਭਾਰੁ ਉਚਾਇਨਿ ਦੇਹੁ ਦੁਰਾਲਾ ।

پیراں دی نونہ ('مکھ اجلے') چٹے مونہ ولے ہن، دیہ بھاری دا بھار چکدے ہن (اپکار کردے ہن)۔

ਸਿਰ ਧੋਵਣੁ ਅਪਵਿੱਤ੍ਰ ਹੈ ਗੁਰਮੁਖਿ ਚਰਣੋਦਕ ਜਗਿ ਭਾਲਾ ।

سر دھوکے (پینا) آپوتر ہے، گرمکھاں دے چرنانمرت نوں جگت بھالدا ہے؛ (اسے کارن)

ਗੁਰਮੁਖਿ ਸੁਖ ਫਲੁ ਸਹਜੁ ਸੁਖਾਲਾ ।੧੨।

گرمکھ پھل پاکے 'سہجے ہی' (سبھاوک ہی) سکھاں دے گھر بنے رہندے ہن۔

ਪਉੜੀ ੧੩

ਜਲ ਵਿਚਿ ਧਰਤੀ ਧਰਮਸਾਲ ਧਰਤੀ ਅੰਦਰਿ ਨੀਰ ਨਿਵਾਸਾ ।

دھرتی دھرم دی جگھا پانی وکھے ٹکی ہوئی ہے (دھرتی دے چپھیرے سمندر ہن) ار دھرتی دے وچ بی پانی دا نواس ہے (دھرتی وکھے انیکاں دریا تے جھیلاں ہن)۔

ਚਰਨ ਕਵਲ ਸਰਣਾਗਤੀ ਨਿਹਚਲ ਧੀਰਜੁ ਧਰਮੁ ਸੁਵਾਸਾ ।

(بھگتاں دے) چرن کولاں دی شرن کر کے (کیونکِ چرن چھنہدے ہن) دھیرج دھرم اتے کھماں آدِ گن کر کے (دھرتی) پورت ہے۔

ਕਿਰਖ ਬਿਰਖ ਕੁਸਮਾਵਲੀ ਬੂਟੀ ਜੜੀ ਘਾਹ ਅਬਿਨਾਸਾ ।

کھیتیاں، برچھ پھلواڑیاں، بوٹی، جڑی، گھاہ اکھٹّ ہندا ہے۔

ਸਰ ਸਾਇਰ ਗਿਰਿ ਮੇਰੁ ਬਹੁ ਰਤਨ ਪਦਾਰਥ ਭੋਗ ਬਿਲਾਸਾ ।

سر، سمندر، پربت، میرُ، (دھولیدار) باہلے رتن پدارتھ بھوگ بلاس۔

ਦੇਵ ਸਥਲ ਤੀਰਥ ਘਣੇ ਰੰਗ ਰੂਪ ਰਸ ਕਸ ਪਰਗਾਸਾ ।

دیو مندر، تیرتھ، رنگ روپ کئی رساں کساں دا پرکاش ہو رہا ہے۔

ਗੁਰ ਚੇਲੇ ਰਹਰਾਸਿ ਕਰਿ ਗੁਰਮੁਖਿ ਸਾਧਸੰਗਤਿ ਗੁਣਤਾਸਾ ।

گر چیلے دی راہ ریت کر کے گرمکھاں دی سادھ سنگت گناں دا سمندر ہے۔

ਗੁਰਮੁਖਿ ਸੁਖ ਫਲੁ ਆਸ ਨਿਰਾਸਾ ।੧੩।

(کیونکِ جو) گرمکھ (ہن) آسا تھوں نراس رہندے ن، (ایس لئی) سکھ پھل (اہناں نوں) پراپت ہندا ہے۔

ਪਉੜੀ ੧੪

ਰੋਮ ਰੋਮ ਵਿਚਿ ਰਖਿਓਨੁ ਕਰਿ ਬ੍ਰਹਮੰਡ ਕਰੋੜਿ ਸਮਾਈ ।

(نرگن برہم نے) کروڑاں برہمنڈاں دی سمائی روم روم وکھے (ارتھات آپنی شکتی وکھے) رکھی ہوئی ہے۔

ਪਾਰਬ੍ਰਹਮੁ ਪੂਰਨ ਬ੍ਰਹਮੁ ਸਤਿ ਪੁਰਖ ਸਤਿਗੁਰੁ ਸੁਖਦਾਈ ।

اسے پاربرہم پورن برہم نے 'ستگر' (گرو نانک) ست پرکھ دا (سکھدائی روپ رچیا)۔

ਚਾਰਿ ਵਰਨ ਗੁਰਸਿਖ ਹੋਇ ਸਾਧਸੰਗਤਿ ਸਤਿਗੁਰ ਸਰਣਾਈ ।

چارے ورن گرو دے سکھ ہوکے، سادھ سنگت دوارا ستگورو دی شرن آئے۔

ਗਿਆਨ ਧਿਆਨ ਸਿਮਰਣਿ ਸਦਾ ਗੁਰਮੁਖਿ ਸਬਦਿ ਸੁਰਤਿ ਲਿਵ ਲਾਈ ।

اتھے گیان دھیان ار سدا سمرن کر کے گرمکھاں نے شبد دی سرت وکھے لو لگائی۔

ਭਾਇ ਭਗਤਿ ਭਉ ਪਿਰਮ ਰਸ ਸਤਿਗੁਰੁ ਮੂਰਤਿ ਰਿਦੇ ਵਸਾਈ ।

پریما بھگتی، بھؤ، پریم بھار (گر مورت دا جس وکھے کروڑاں برہمنڈاں دی سمائی ہے

ਏਵਡੁ ਭਾਰੁ ਉਚਾਇਂਦੇ ਸਾਧ ਚਰਣ ਪੂਜਾ ਗੁਰ ਭਾਈ ।

چرن) چکدے ہن (اس لئی) سادھاں دے چرناں دی پوجا ہی ('گر بھائی'=) وڈے بھائ والی ہے۔

ਗੁਰਮੁਖਿ ਸੁਖ ਫਲੁ ਕੀਮ ਨ ਪਾਈ ।੧੪।

(کیوں جو) گرمکھاں دے سکھپھل دی کیمت نہیں پائی جاندی۔

ਪਉੜੀ ੧੫

ਵਸੈ ਛਹਬਰ ਲਾਇ ਕੈ ਪਰਨਾਲੀਂ ਹੁਇ ਵੀਹੀਂ ਆਵੈ ।

جھڑی لاکے (مینہ) وسدا ہے، پرنالیاں تھانی ہوکے گلیاں وکھے آؤندا ہے۔

ਲਖ ਨਾਲੇ ਉਛਲ ਚਲਨਿ ਲਖ ਪਰਵਾਹੀ ਵਾਹ ਵਹਾਵੈ ।

لکھاں نالے اچھلکے چلدے ہن، لکھاں پرواہاں دا 'واہ' (ہڑھ) ہو تردا ہے۔

ਲਖ ਨਾਲੇ ਲਖ ਵਾਹਿ ਵਹਿ ਨਦੀਆ ਅੰਦਰਿ ਰਲੇ ਰਲਾਵੈ ।

لکھاں نالے تے لکھاں ہڑھ وگکے ندیاں دے میل وکھے رل جاندے ہن۔

ਨਉ ਸੈ ਨਦੀ ਨੜਿੰਨਵੈ ਪੂਰਬਿ ਪਛਮਿ ਹੋਇ ਚਲਾਵੈ ।

999 ندیاں پورب تے پچھم وکھے چلدیاں ہن (سنسار وچ لؤ تاں کئی پورب پچھم، پر ایتھے ہند دا بھاو جاپدا ہے۔ سندھ تے سہایک ندیاں نالے پچھم ول جاندے تے گنگا برہم پتر آدِ سہایک ندیاں نالیاں سنے پورب جا ڈگدے ہن)۔

ਨਦੀਆ ਜਾਇ ਸਮੁੰਦ ਵਿਚਿ ਸਾਗਰ ਸੰਗਮੁ ਹੋਇ ਮਿਲਾਵੈ ।

(اکر) ندیاں سمندر وچ جاندیاں ہن، سمندر نال سنگم ہوکے ملدیاں ہن۔

ਸਤਿ ਸਮੁੰਦ ਗੜਾੜ ਮਹਿ ਜਾਇ ਸਮਾਹਿ ਨ ਪੇਟੁ ਭਰਾਵੈ ।

(اجیہے) ستّ سمندر ہوکے اک گڑاڑ (مہاں ساغر) وکھے سما رہے ہن، اس دا پیٹ اجے نہیں بھریدا (اگے ہن یتھارتھ توں پھیر النکار وچ جاکے سدھات النکار وچ کہندے ہن)۔

ਜਾਇ ਗੜਾੜੁ ਪਤਾਲ ਹੇਠਿ ਹੋਇ ਤਵੇ ਦੀ ਬੂੰਦ ਸਮਾਵੈ ।

گڑاڑ پتال وکھے جاکے تتے توے دی بوند ہوکے سما جاندا ہے، (بھلا جی ! ایڈے توے ہیٹھ لکڑیاں کہڑیاں بالیاں جاندیاں ہن؟ اتر)

ਸਿਰ ਪਤਿਸਾਹਾਂ ਲਖ ਲਖ ਇੰਨਣੁ ਜਾਲਿ ਤਵੇ ਨੋ ਤਾਵੈ ।

پاتشاہاں (تے راجیاں) دے لکھاں سر لکڑیاں دی تھاؤں جالکے اس توے نوں تائیدا ہے (کہڑے راجیاں تے پاتشاہاں دے سر بالیدے ہن؟)

ਮਰਦੇ ਖਹਿ ਖਹਿ ਦੁਨੀਆ ਦਾਵੈ ।੧੫।

(9) (جہڑے) جھوٹھیاں دے جھوٹھے دائوے بنھکے آپو وچ کھہِ کھہِ کے (انیائ نال زلم کرکے) مردے ہن۔

ਪਉੜੀ ੧੬

ਇਕਤੁ ਥੇਕੈ ਦੁਇ ਖੜਗੁ ਦੁਇ ਪਤਿਸਾਹ ਨ ਮੁਲਕਿ ਸਮਾਣੈ ।

اک میان وچ تلواراں دو (واننوں) دو پاتشاہ اک دیش وکھے نہیں سماؤندے۔

ਵੀਹ ਫਕੀਰ ਮਸੀਤਿ ਵਿਚਿ ਖਿੰਥ ਖਿੰਧੋਲੀ ਹੇਠਿ ਲੁਕਾਣੈ ।

اک مسیت وکھے کھپھنی جاں گودڑی ہیٹھ لک کے ویہ فکیر گزارا کر سکدے ہن، (ہن دہاں دا تیجی تک وکھے درشٹانت دندے ہن)۔

ਜੰਗਲ ਅੰਦਰਿ ਸੀਹ ਦੁਇ ਪੋਸਤ ਡੋਡੇ ਖਸਖਸ ਦਾਣੈ ।

(اک دیش وچ دو پاتشاہ) جنگل وچ دو شیراں (واگو ہن، ار ویہ فکیر) اک پوست دے ڈوڈے وکھے کھسکھس دے دانیاں وانگو ہن، (اوہ دانے اکو جہے ہن)۔

ਸੂਲੀ ਉਪਰਿ ਖੇਲਣਾ ਸਿਰਿ ਧਰਿ ਛਤ੍ਰ ਬਜਾਰ ਵਿਕਾਣੈ ।

سولی اپر کھیلدے ہن (بھاو پہلے دھرتی وچ گل گلکے ڈنڈی روپ سولی پر چڑھدے ہن جد) سر پر چھتر رکھیا گیا تاں بازاراں وکھے وکدے ہن، (اتھے پوست دے ڈوڈے تھوں چھتر دا بھاو لیتا گیا ہے)۔

ਕੋਲੂ ਅੰਦਰਿ ਪੀੜੀਅਨਿ ਪੋਸਤਿ ਪੀਹਿ ਪਿਆਲੇ ਛਾਣੈ ।

(پھیر دانے) کوہلو وچ پیڑیدے ہن (تے تیل ورتن وکھے کئی کمّ کڈھدا ہے) پوست مل کے پیالیاں وچ چھانکے (لوک پیندے ہن)۔

ਲਉਬਾਲੀ ਦਰਗਾਹ ਵਿਚਿ ਗਰਬੁ ਗੁਨਾਹੀ ਮਾਣੁ ਨਿਮਾਣੈ ।

بیپرواہ خدا دی کچہری وکھے گرب والا مجرم ہندا ہے ار نماناں (غریب) مان والا ہندا ہے۔

ਗੁਰਮੁਖਿ ਹੋਂਦੇ ਤਾਣਿ ਨਿਤਾਣੈ ।੧੬।

(کیوں جو) گرمکھ بل دے ہندیاں ہی نتانے ہو رہندے ہن۔

ਪਉੜੀ ੧੭

ਸੀਹ ਪਜੂਤੀ ਬਕਰੀ ਮਰਦੀ ਹੋਈ ਹੜ ਹੜ ਹਸੀ ।

شیر دی پکڑی ہوئی بکری مرن ویلے ٹاہ ٹاہ کر کے ہسّ پئی۔

ਸੀਹੁ ਪੁਛੈ ਵਿਸਮਾਦੁ ਹੋਇ ਇਤੁ ਅਉਸਰਿ ਕਿਤੁ ਰਹਸਿ ਰਹਸੀ ।

شیر ہیران ہو کے پچھن لگا اس ویلے کس خشی نال ہسیں ہیں؟

ਬਿਨਉ ਕਰੇਂਦੀ ਬਕਰੀ ਪੁਤ੍ਰ ਅਸਾਡੇ ਕੀਚਨਿ ਖਸੀ ।

بکری نے بینتی کیتی کِ ساڈے بچے 'خسی' (نمرد) کر دتے جان (جو ساڈی ونش نا رہے تے ایہ دکھ جو میں پایا ہے نا پاؤن)۔

ਅਕ ਧਤੂਰਾ ਖਾਧਿਆਂ ਕੁਹਿ ਕੁਹਿ ਖਲ ਉਖਲਿ ਵਿਣਸੀ ।

اکّ تے دھتورا کھاندیاں (پاو کسے نوں دکھّ نا دتا، نکمی چیز جو کسے دے ارتھ نہیں آپے اگّ کھڑوندی ہے، اہ خاکے ساڈا اہ ہال ہندا ہے کِ) کہ کہ کے (ساڈی) کھلّ ادھیڑی جاندی ہے۔

ਮਾਸੁ ਖਾਨਿ ਗਲ ਵਢਿ ਕੈ ਹਾਲੁ ਤਿਨਾੜਾ ਕਉਣੁ ਹੋਵਸੀ ।

(بھلا) جہڑے (تیرے ورگے لوکاں دا) گلا وڈھکے ماس کھاندے ہن انھاں دا ہال کی ہوؤ؟

ਗਰਬੁ ਗਰੀਬੀ ਦੇਹ ਖੇਹ ਖਾਜੁ ਅਖਾਜੁ ਅਕਾਜੁ ਕਰਸੀ ।

گربیاں تے غریباں دی دیہ کھیہ ہو جاؤ، (پرنتو جہڑے) کھوٹا کمّ کردے ہن ('اکھاج'=) ہرام ہونگے (ار سو سکاج کردے ہن انھاں دی دیہ) کھاج (ہلال) ہوؤ (اہ اپدیش ہے، کِ بکری غریب رہی اس دا ماس کھادھا گیا، شیر زالم سی اس دا ماس کوڑا ہویا، دھونی اہ ہے کِ گریباں دا انت ن

ਜਗਿ ਆਇਆ ਸਭ ਕੋਇ ਮਰਸੀ ।੧੭।

(ایتھے) جگت تے آیا مر سبھ کوئی جائیگا (پر انت بھلے دا بھلا ہوویگا، برے دا انت برا ہی ہوویگا)۔

ਪਉੜੀ ੧੮

ਚਰਣ ਕਵਲ ਰਹਰਾਸਿ ਕਰਿ ਗੁਰਮੁਖਿ ਸਾਧਸੰਗਤਿ ਪਰਗਾਸੀ ।

(جنھاں) گرمکھاں نے سادھ سنگت (وکھے ملکے) گراں دے چرن کملاں دی راہُ ریت پرگاس کیتی ہے،

ਪੈਰੀ ਪੈ ਪਾ ਖਾਕ ਹੋਇ ਲੇਖ ਅਲੇਖ ਅਮਰ ਅਬਿਨਾਸੀ ।

(اجہا کِ) پیریں پے کے پیراں دی دھوڑ ہو گئے (اہ) لیکھے تھوں الیکھ ہوکے امر تے ابناسی (ہو گئے)۔

ਕਰਿ ਚਰਣੋਦਕੁ ਆਚਮਾਨ ਆਧਿ ਬਿਆਧਿ ਉਪਾਧਿ ਖਲਾਸੀ ।

چرناں دے جل دا آچمن کر کے آدھِ بیادھِ اپادھِ (تنّ پیڑاں) توں خلاسی پائی ہے۔

ਗੁਰਮਤਿ ਆਪੁ ਗਵਾਇਆ ਮਾਇਆ ਅੰਦਰਿ ਕਰਨਿ ਉਦਾਸੀ ।

آپا بھاو گوا کے گرمکھ مایا دے وچ ہی اداسی کر رہے ہن۔

ਸਬਦ ਸੁਰਤਿ ਲਿਵ ਲੀਣੁ ਹੋਇ ਨਿਰੰਕਾਰ ਸਚ ਖੰਡਿ ਨਿਵਾਸੀ ।

شبد دی سرت دی لو وکھے (لین) مگن ہوکے (انت نوں) نرنکار دے سچکھنڈ وکھے نواس کردے ہن۔

ਅਬਿਗਤਿ ਗਤਿ ਅਗਾਧਿ ਬੋਧਿ ਅਕਥ ਕਥਾ ਅਚਰਜ ਗੁਰਦਾਸੀ ।

(انھاں دی) ابگتِ گتی ہے ار ڈونگھے گیان والی ہے، کتھن توں اکتھّ اچرج گرو جی دی سیوا ہے۔ (اوہ اچرج کی ہے؟)

ਗੁਰਮੁਖਿ ਸੁਖ ਫਲੁ ਆਸ ਨਿਰਾਸੀ ।੧੮।

گرمکھ سکھ پھل پاکے آسا تھوں نراس ہو گئے (اس لئی اوہ اچرج گرو دے داس ہن)۔

ਪਉੜੀ ੧੯

ਸਣ ਵਣ ਵਾੜੀ ਖੇਤੁ ਇਕੁ ਪਰਉਪਕਾਰੁ ਵਿਕਾਰੁ ਜਣਾਵੈ ।

سن اتے کپاہ دا کھیت اکو ہے (پرنتُ کپاہ) پروپکار (ار سن) وکار (کھوٹی کار) جناؤندی ہے۔

ਖਲ ਕਢਾਹਿ ਵਟਾਇ ਸਣ ਰਸਾ ਬੰਧਨੁ ਹੋਇ ਬਨ੍ਹਾਵੈ ।

کھلّ کڈھا کے سن وٹی جاندی ہے ار رسیاں دی پھاہی ہوکے لوکاں نوں بنھاؤدی ہے، (اگے تیجی تک وکھے کپاہ دا پروپکار دسدے ہن)۔

ਖਾਸਾ ਮਲਮਲ ਸਿਰੀਸਾਫੁ ਸੂਤੁ ਕਤਾਇ ਕਪਾਹ ਵੁਣਾਵੈ ।

خاسا، ململ تے سری ساف کپاہ دے سوت تھوں انکے بنائے جاندے ہن۔

ਲਜਣੁ ਕਜਣੁ ਹੋਇ ਕੈ ਸਾਧੁ ਅਸਾਧੁ ਬਿਰਦੁ ਬਿਰਦਾਵੈ ।

(اہ کپڑے) لجا دے ڈھکن ہوکے سادھاں تے اسادھاں دے دھرم دی رچھا کر کے ہن (بھاو ننگیج نوں ڈھکدے ہن)۔

ਸੰਗ ਦੋਖ ਨਿਰਦੋਖ ਮੋਖ ਸੰਗ ਸੁਭਾਉ ਨ ਸਾਧੁ ਮਿਟਾਵੈ ।

نردوکھاں دی (بھاو سنتاں دی) جیکر سنگت ہووے تاں دوکھی بی موکھ پاؤندے ہن، کیوں جو سادھو آپنی سنگت دا سبھاؤ گواؤندے نہیں (ہن جیکر سادھو دے پاس آ جاوے تاں)

ਤ੍ਰਪੜੁ ਹੋਵੈ ਧਰਮਸਾਲ ਸਾਧਸੰਗਤਿ ਪਗ ਧੂੜਿ ਧੁਮਾਵੈ ।

(اہو دوکھی سن) تپڑ (انیجکے) دھرمسال وچ وچھدی ہے ار سادھاں دی چرن دھوڑ پے کے (کرتارتھ ہندی ہے)۔

ਕਟਿ ਕੁਟਿ ਸਣ ਕਿਰਤਾਸੁ ਕਰਿ ਹਰਿ ਜਸੁ ਲਿਖਿ ਪੁਰਾਣ ਸੁਣਾਵੈ ।

کٹ کٹ کے سن دے کاگت بنا کے ہری دا جسّ (گیانی) لکھکے (لوکاں نوں) سناؤندا ہے۔ (بھاو بھلی سنگت نال برے بی سدھردے ہن)۔

ਪਤਿਤ ਪੁਨੀਤ ਕਰੈ ਜਨ ਭਾਵੈ ।੧੯।

(جے ہری) جناں نوں بھاوے تاں پاپیاں نوں بی پوتر کر دندے ہن۔

ਪਉੜੀ ੨੦

ਪਥਰ ਚਿਤੁ ਕਠੋਰੁ ਹੈ ਚੂਨਾ ਹੋਵੈ ਅਗੀਂ ਦਧਾ ।

پتھر دا (اندروں) چتّ کرڑا ہے، اگّ دا ساڑیا ہویا چونا (کلی) ہو جاندا ہے۔

ਅਗ ਬੁਝੈ ਜਲੁ ਛਿੜਕਿਐ ਚੂਨਾ ਅਗਿ ਉਠੇ ਅਤਿ ਵਧਾ ।

پانی چھنکیاں (اوپری) اگّ بجھ جاندی ہے (پرنتو) چونے وچوں اگّ بہتی اٹھدی ہے۔

ਪਾਣੀ ਪਾਏ ਵਿਹੁ ਨ ਜਾਇ ਅਗਨਿ ਨ ਛੁਟੈ ਅਵਗੁਣ ਬਧਾ ।

پانی دے پاہیاں اس دے وچلی وہُ روپی اگّ نہیں چھٹدی، (اجہا) اوگناں دا بدھا ہویا ہے۔

ਜੀਭੈ ਉਤੈ ਰਖਿਆ ਛਾਲੇ ਪਵਨਿ ਸੰਗਿ ਦੁਖ ਲਧਾ ।

جیکر جیبھ پر چونا رکھیا جاوے تاں چھالے پے جاندے ہن (اس) سنگت دا دکھ سبھناں نے جانیاں ہے (بھاو سبھ سمجھدے ہن)۔

ਪਾਨ ਸੁਪਾਰੀ ਕਥੁ ਮਿਲਿ ਰੰਗੁ ਸੁਰੰਗੁ ਸੰਪੂਰਣੁ ਸਧਾ ।

(اوہی چوناں) پان، سپاری تے کتھّ نال مل جاوے تاں لال رنگ سمپورن سادھیا جاندا ہے۔ (چھیویں تے ستویں تک پؤڑی دا سٹا دسدے ہن)۔

ਸਾਧਸੰਗਤਿ ਮਿਲਿ ਸਾਧੁ ਹੋਇ ਗੁਰਮੁਖਿ ਮਹਾ ਅਸਾਧ ਸਮਧਾ ।

جو مہاں دشٹ ہے اوہ بی گرمکھاں دی سادھ سنگت وکھے ملکے سارا سادھو ہو جاندا ہے (ککر ملنا چاہیدا ہے؟)

ਆਪੁ ਗਵਾਇ ਮਿਲੈ ਪਲੁ ਅਧਾ ।੨੦।੨੫। ਪੰਝੀਹ ।

(آپ تے) آپا بھاو گوا کے (بھاویں) ادھا ہی پل ملے (تد بی پھل مل جاندا ہے یتھا:-”ایک چتّ جہ اک چھن دھیایو۔۔ کال پھاس کے بیچ ن آیو۔۔” تتھا:-”سنگتِ کا گنُ بہتُ ادھکائی پڑِ سوآ گنک ادھارے”)۔۔