ہے نانک! جس نے تینوں پیدا کیتا ہے، اس نوں چتّ وچ (پرو) رکھّ، اہی (تیرے) نال ساتھ نباہیگا ۔۔1۔۔
اسٹپدی ۔۔
ہے جیو! سوہنے رام دے گن یاد کر،
(ویکھ) کس مڈھّ توں (تینوں) کیہا (سوہنا بنا کے اس نے) وکھایا ہے۔
جس پربھو نے تینوں بنا سوار کے سوہنا کیتا ہے،
جس نے تینوں پیٹ دی اگّ وچ (بھی) بچایا؛
جو بال امر وچ تینوں ددھّ پیالدا ہے،
بھر-جوانی وچ بھوجن تے سکھاں دی سوجھ (دیندا ہے)؛
(جدوں توں) بڈھا ہو جاندا ہیں (تاں) سیوا کرن نوں ساک-سجن (تیار کر دیندا ہیں)
جو بیٹھے ہوئے نوں مونہ وچ چنگے بھوجن دیندے ہن، (اس پربھو نوں چیتے کر)۔
(پر) (ہے پربھو!) اہ گن-ہین جیو (تیرا) کوئی اپکار نہیں سمجھدا،
ہے نانک! (آکھ) (جے) توں آپِ میہر کریں، تاں (اہ جنم-منورتھ وچ) سپھل ہووے ۔۔1۔۔
(ہے جیو!) جس (پربھو) دی کرپا نال توں دھرتی اتے سکھی وسدا ہیں،
پتر بھرا متر استری نال ہسدا ہیں؛
جس دی میہر نال توں ٹھنڈھا پانی پیندا ہیں،
سکھ دین والی ہوا تے امولک اگّ (ورتدا ہیں)؛
جس دی کرپا نال سارے رس بھوگدا ہیں،
سارے پدارتھاں دے نال توں رہندا ہیں (بھاو، سارے پدارتھ ورتن لئی تینوں ملدے ہن)؛
(جس نے) تینوں ہتھ پیر کنّ اکھاں جیبھ دتے ہن،
اس (پربھو) نوں وسار کے (ہے جیو!) توں ہورناں نال مگن ہیں۔