(جیو مایا دے پیار کر کے) ہنیرے بھیانک کھوہ وچ ڈگے پئے ہن؛
ہے نانک! (ارداس کر تے آکھ) ہے دیال پربھو! (اہناں نوں آپ اس کھوہ وچوں) کڈھّ لے ۔۔4۔۔
جاتِ منکھّ دی ہے (بھاو، منکھّ-شرینی وچوں جمیا ہے) پر کمّ پشوآں والے ہن،
(اننج) دن رات لوکاں واستے وکھاوا کر رہا ہے۔
باہر (سریر اتے) دھارمک پشاک ہے پر من وچ مایا دی میل ہے،
(باہرلے بھیکھ نال) چھپاؤن دا جتن کیتیاں (من دی میل) لکدی نہیں۔
باہر (وکھاوے واستے) (تیرتھ) اشنان تے گیان دیاں گلاں کردا ہے، سمادھیاں بھی لاؤندا ہے،
پر من وچ لوبھ (-روپ) کتا زور پا رہا ہے۔
من وچ (ترشنا دی) اگّ ہے، باہر سریر سواہ (نال لبیڑیا ہویا ہے)؛
(جے) گل وچ (وکاراں دے) پتھر (ہون تاں) اتھاہ (سنسار-سمندر نوں جیو) کویں ترے؟
جس جس منکھّ دے ہردے وچ پربھو آ وسدا ہے،
ہے نانک! اہی اڈول اوستھا وچ ٹکے رہندے ہن ۔۔5۔۔
انھا منکھّ (نرا) سن کے کویں راہ لبھّ لئے؟
(ہے پربھو! آپ اس دا) ہتھ پھڑ لوو (تاکِ اہ) اخیر تک (پریت) نباہ سکے۔
بولا منکھّ (نری) سینت نوں کیہ سمجھے؟
(سینت نال جے) آکھیئے (اہ) رات ہے تاں اہ سمجھ لیندا ہے (اہ) دن (ہے)۔
گونگا کویں بشن-پدے گا سکے؟
(کئی) جتن (بھی) کرے تاں بھی اس دی سر ٹٹی رہندی ہے۔
لولھا کتھے پہاڑاں تے بھؤں سکدا ہے؟
اوتھے اس دی پہنچ نہیں ہو سکدی۔