جو بندے تیرا نام لیندے ہن، میں اہناں توں سدا کربان جاندا ہاں ۔۔1۔۔ رہاؤ ۔۔
(پر، ہاں!) جے اہ سریر (نیلاری دی) مٹی بن جائے، تے ہے سجن! جے اس وچ مجیٹھ ورگے پکے رنگ والا پربھو دا نام-رنگ پایا جائے،
پھر مالک-پربھو آپ نیلاری (بن کے جیو-استری دے من نوں) رنگ (دا ڈوبا) دیوے، تاں اجیہا رنگ چڑھدا ہے جو کدے پہلاں ویکھیا ناہ ہووے ۔۔2۔۔
ہے پیارے (سجن!) جنھاں جیو-استریاں دے (سریر-) چولے (جیون نام-رنگ نال) رنگے گئے ہن، کھسم-پربھو (سدا) اہناں دے کول (وسدا) ہے۔
ہے سجن! نانک ولوں اہناں پاس بینتی کر، بھلا کتے نانک نوں اہناں دے چرناں دی دھوڑ مل جائے ۔۔3۔۔
جس جیو-استری اتے پربھو آپ مہر دی نزر کردا ہے اس نوں اہ آپ ہی سنواردا ہے آپ ہی (نام دا) رنگ چاڑھدا ہے۔
ہے نانک! اہ جیو-استری کھسم-پربھو نوں پیاری لگدی ہے، اس نوں پربھو آپ ہی آپنے چرناں وچ جوڑدا ہے ۔۔4۔۔1۔۔3۔۔
تلنگ م 1 ۔۔
ہے بہت اننجان جندے! اتنا کوجھا مان توں کیوں کردی ہیں؟
پرماتما تیرے آپنے ہی ہردے-گھر وچ ہے، توں اس (دے ملاپ) دا آنند کیوں نہیں ماندی؟
ہے بھولی جیو-استریئے! پتی-پربھو (تیرے اندر ہی تیرے) نیڑے وسّ رہا ہے، توں (جنگل آدک) باہرلا سنسار کیوں بھالدی پھردی ہیں؟
(جے توں اس دا دیدار کرنا ہے، تاں آپنیاں گیان دیاں) اکھاں وچ (پربھو دے) ڈر-ادب (دے سرمے) دیاں سلائیاں پا، پربھو دے پیار دا ہار-سنگار کر۔
جیو-استری تدوں ہی سوہاگ بھاگ والی تے پربھو-چرناں وچ جڑی ہوئی سمجھی جاندی ہے، جدوں پربھو-پتیو اس نال پیار کرے ۔۔1۔۔
(پر) اننجان جیو-استری بھی کیہ کر سکدی ہے جے اہ جیو-استری کھسم-پربھو نوں چنگی ہی ناہ لگے؟
اجیہی جیو-استری بھاویں کتنے ہی ترلے پئی کرے، اہ پتی-پربھو دا مہل-گھر لبھّ ہی نہیں سکدی۔
(اسل گلّ اہ ہے کِ) جیو-استری بھاویں کتنی ہی دوڑ-بھجّ کرے، پربھو دی میہر دی نزر توں بنا کجھ بھی ہاسل نہیں ہندا۔
جے جیو-استری جیبھ دے چسکے لالچ تے اہنکار (آدک) وچ ہی مست رہے، اتے سدا مایا (دے موہ) وچ ڈبی رہے،
تاں اہنیں گلیں خسم پربھو نہیں ملدا۔ اہ جیو-استری اننجان ہی رہی (جو وکاراں وچ بھی مست رہے تے پھر بھی سمجھے کِ اہ پتی-پربھو نوں پرسنّ کر سکدی ہے) ॥2۔۔
(جنھاں نوں پتی-پربھو مل پیا ہے، بیشک) اہناں سہاگ بھاگ والیاں نوں جا کے پچھّ ویکھو کِ کہنیں گلیں کھسم-پربھو ملدا ہے،
(اہ اہی اتر دیندیاں ہن کِ) چلاکی تے دھکا چھڈّ دیو، جو کجھ پربھو کردا ہے اس نوں چنگا سمجھ کے (سر متھے تے) منو،